3. Webinar-a | Covid osteko aholkularitza-zerbitzuak: “Zibersegurtasuna eraldaketa digitalerako estrategia gisa”

Bilboko Udalak, Bilbao Ekintza udal-sozietatearen bidez, Bilboko ETEi eta saltokiei zuzendutako Covid osteko aholkularitza-zerbitzua abian jarri du, egungo krisi-egoeran bereziki garrantzitsutzat jotzen diren zenbait arlotan enpresei orientazioa emateko.

Webinaretan parte hartzea ezinbesteko urratsa da diziplina bakoitzean ondorengo banakako aholkularitza-zerbitzuan sartzeko. Zure zain gaude!

Zure enpresa Bilbon, urrats bat aurretik.

Webinar-en edukiak:

• Ezagutzen dituzu zure ziberarriskuak? Identifikatu itzazu. Prebentzioa, aholkuak eta babesteko tresnak.
• Segurtasuna mugikorretan eta tabletetan
• Berrikuntza zibersegurtasunean. Konponbideak eta joerak

 Hizlaria:

•  Julen Pinedo, Enpresa Zibersegurtasuneko aholkularia

• ‘Bilbao Balioen Hiria – Bilbao Ciudad de Valores‘ izeneko udal-ekimena berriki hautatu du UCLGk erakundearen “Local4Action Hub” plataformaren proposamenetako bat zuzentzeko proiektu gisa.
• Bilbo Oihane Agirregoitia Bilboko Udaleko Herritarren Arretako eta Partaidetzako eta Nazioarteko Gaietako zinegotziak ordezkatuko du gaur Bureau Exekutiboan. Bureau Exekutiboa modu birtualean egingo da.

Bilbok modu aktiboan parte hartzen du Bureau Exekutiboan, UCLGren (United Cities and Local Governments) Munduko Kontseiluaren esparruan, hots, munduko tokiko eta eskualdeko gobernuen erakunderik handienean. Bureau Exekutiboak, oraingoan modu birtualean egingo denak, bost kontinenteetako tokiko eta eskualdeko gobernuetako ordezkari instituzionalak bilduko ditu bi egunez.

Bilboko Udala Oihane Agirregoitia Bilboko Udaleko Herritarren Arretako eta Partaidetzako eta Nazioarteko Gaietako zinegotziak ordezkatuko du, eta Bilbao Balioen Hiria – Bilbao Ciudad de Valores deritzon proiektu estrategikoa sendotuko du gaur arratsaldean. Proiektu hori UCLGk hautatu duen ekimen bat da, “Local4Action Hub” izeneko plataformaren proposamenetako bat zuzentzea xede duena.

Bilboko Udalak Hub hori gidatuko du, eta horren helburua balioetan oinarritutako gobernantza-sistema sortzea da; horretarako, hiriaren eta bertako herritarren balioen ezagutza sistemikoa abiaraziko du, balio partekatuak kontsultatuz eta kapitalizatuz. Lan horren helburua munduko programekiko loturak indartzea da, eta 17 baliotan oinarritzen da. Balio horiek, aldi berean, garapen iraunkorrerako 17 helburuak islatzen dituzte.

Hiribilduak Buenos Aires, Madril edo Erroma bezalako hiriekin partekatuko du lidergoa; hain zuzen ere, hiri horiek 2050erako karbono neutrala, metropoli-korridore berdeak eta hirientzako kultura bezalako gaiei buruzko esperientziak eta ezagutzak partekatuko dituzte, hurrenez hurren.

“Local4Action Hub” UCLGren ekimen berri berezia da, kideen eginera eta esperientzien artean garapen iraunkorrari buruzko estrategia sendotzea xede duena. Aukera desberdina eskaintzen du esperientzia baliotsuak elkarrekin konektatu eta toki arloan garatzen diren soluzioak gehiago hedarazteko bideak irekitze aldera.

UCLGren EZTABAIDAK ETA PROPOSAMENAK

UCLGren Munduko Kontseiluan, “Nazioarteko udal- eta eskualde-mugimenduaren eginkizuna COVID garaian” izenekoan, eztabaida politikoak egiten dira UCLGren Dekalogoak COVID-19 pandemiaren ondorengo munduarentzat funtsezkotzat jo zituen gaiei buruz: desberdintasunak, berreskurapen berdea eta zerbitzu publikoen finantzaketa.

Beste alde batetik, UCLGren Bureau Exekutiboa erakundearen Munduko Kontseiluaren proposamenei hasiera emateaz eta erabakiak gauzatzeaz arduratzen da, eta nazioarteko erakunde horren kudeaketa administratiboaz ere arduratzen da, nazioarteko foro nagusietan tokiko eta eskualdeko gobernuen bozeramaile gisa jarduten baitu.

2. Webinar-a | Covid osteko aholkularitza-zerbitzuak:

Bilboko Udalak, Bilbao Ekintza udal-sozietatearen bidez, Bilboko ETEi eta saltokiei zuzendutako Covid osteko aholkularitza-zerbitzua abian jarri du, egungo krisi-egoeran bereziki garrantzitsutzat jotzen diren zenbait arlotan enpresei orientazioa emateko.

Webinaretan parte hartzea ezinbesteko urratsa da diziplina bakoitzean ondorengo banakako aholkularitza-zerbitzuan sartzeko. Zure zain gaude!

Zure enpresa Bilbon, urrats bat aurretik.

Webinar-en edukiak:

• Ideiak, proiektuak, produktuak eta zerbitzuak profesionaltasunez komunikatzeko tresnak, zure bezeroengana eta beste interes-talde batzuengana hurbiltzeko.
• Branding korporatiboa: sortu eta zabaldu zure marka. RRPP/Media training eta Brand engagement erlazioak eraikitzen ditu

Hizlaria: 

• Susana Santolaria de Castro, kazetaria, Enpresa-komunikazioan eta hitz tekniketan espezializatua.

1. Webinar-a | Covid osteko aholkularitza-zerbitzuak

Bilboko Udalak, Bilbao Ekintza udal-sozietatearen bidez, Bilboko ETEi eta saltokiei zuzendutako Covid osteko aholkularitza-zerbitzua abian jarri du, egungo krisi-egoeran bereziki garrantzitsutzat jotzen diren zenbait arlotan enpresei orientazioa emateko.

Webinaretan parte hartzea ezinbesteko urratsa da diziplina bakoitzean ondorengo banakako aholkularitza-zerbitzuan sartzeko. Zure zain gaude!

Zure enpresa Bilbon, urrats bat aurretik.

 

Webinar-en edukiak:

• Joera digitalak: mugarik gabeko gamifikazioa, 5G desafioa, Audio power, No code eta Tech for marketing
• Kontsumitzailearen portaeraren joerak: Silver economy, No money, Cultura streaming, Re-commerce eta Brand Ideology

Hizlariak: 

• Laura Murillo, Komunikazio zuzendaria e Iñaki Lecue, Negozio eta Ikerketa Aholkularitza (ZORRAQUINO).

• Laguntzen xedea da kongresuetarako, batzarretarako, jardunaldietarako, pizgarri-bidaietarako, aurkezpenetarako eta azoketarako zerbitzuen sektorean merkataritza-harremanak eskuratzeko eta mantentzeko familiarizazio-bidaiak diruz laguntzea.
• Dirulaguntza ekonomiko horiek Covid-19aren pandemiak eragindako krisiaren ondorioak arintze aldera Bilboko Udalak onartu duen Bilbao Aurrera Planaren parte dira.

Bilboko Udalak osasun-krisiak eragindako ondorioei aurre egiteko neurriak martxan jartzen jarraitzen du Bilbao Aurrera premiazko ekintzen planaren barruan. Oraingo honetan, Bilbao Convention Bureau-ko kide izateko harpidetzaren 2020. urteko kuota osoa barkatuko zaie MICE (Meetings, Incentives, Conferences and Exhibitions) sektoreari lotutako turismo-enpresei, eta familiarizazio-topaketak antolatzeko laguntza zuzenak eskatu ahal izango dituzte. Laguntzen pakete horren aurrekontua, guztira, 140.000 euro da.

Sektorearen betiko jarduerara itzultzeko sustapen-jarduera sendotu beharra dagoela ikusita, Bilbon edo lurraldean ezarrita dauden tokiko eragileek dirulaguntza hori jaso ahal izango dute merkataritza-harremanak mantentzeko zein sustatzeko ekitaldiak eta familiarizazio-topaketak antolatzeko. Familiarizazio-bidaiak sektoreko eragileak eta preskriptoreak erakartzera bideratutako jardueraren barruan daude, eta helmugarekin harremanetan jartzeko eta azken bezeroak proposamenetan sartu ahal izateko egiten dira.

Honako hauek izango dira dirulaguntzen onuradunak, eta 15.000 euro bideratuko zaizkie: hartzeko bidaien agentziak (DMC), kongresuen antolatzaile profesionalak, hotelak, MICE ekitaldien egoitzak eta esparru horretan sustapen-jarduera bat duten entitateak. Diruz lagunduko diren jarduera guztiak 2020ko abenduaren 31 baino lehen egin beharko dira.

ESKATZEKO ETA EMATEKO PROZEDURA

Dirulaguntzen deialdiari buruzko informazioa Bilbao Ekintza udal-sozietatearen webgunean deskargatu ahal izango da: www.bilbao.eus/BilbaoEkintza. Eskabideak elektronikoki aurkeztu ahal izango dira deialdia Bizkaiko Aldizkari Ofizialean (BAO) argitaratu eta hurrengo egunetik aurrera zenbatzen hasita. Horretarako, bicb@bilbaoturismo.bilbao.eus helbidera bidali beharko dira eskabideak 2020ko abenduaren 10eko 13:00ak baino lehen.

Eskaera-eredua Bilbao Ekintzaren webguneko LAGUNTZAK atalean dago eskuragarri.

Eskaerak kronologikoki baloratuko dira, aurkeztutako hurrenkeraren arabera, eta ebazteko gehieneko epea hogei egunekoa izango dira, eskabidea aurkeztu eta hurrengo egunetik aurrera zenbatzen hasita.

BILBAO AURRERA PLANA

Laguntzen pakete berri hau #BilbaoAurrera Planaren parte da, Gizarte, Ekonomia eta Kultura Larrialdietarako programa bat, 15 milioi eurokoa, eta COVID-19aren osasun-krisiak hiriko pertsonengan eta enpresengan dituen ondorioak arintzeko, suspertzeko eta berreskuratzeko 50 neurri baino gehiagoko sorta bat duena. Plan hori Bilboko Udaleko talde politiko guztien artean egin eta adostu da.

• Sarrera gisa, uztailaren 15ean, asteazkena, on-line hitzaldi bat emango da. Bertan, hizlari adituak bilduko dira eta osasun-krisiaren ondorengo gaur egungo egoera aztertuko dute. Gainera, aholkularitza-zerbitzuaren helburuak emango dira ezagutzera.
• Saioak webinar formatua izango du, eta Bilbao Ekintza udal-sozietateak antolatuko du CEBEKen laguntzarekin. Hain zuzen ere, Bilboko Udalaren berraktibatzeko premiazko neurrien #BilbaoAurrera Planeko ekintzetako bat izango da.
• Enpresek esteka honen bitartez eman ahal izango dute izena: esteka.

Bilboko Udalak, Bilbao Ekintza udal-sozietatearen bitartez, 50 pertsona arteko enpresentzako aholkularitza-zerbitzu espezializatu berri bat jarriko du martxan.

Aholkularitza-zerbitzuaren helburua izango da Bilboko enpresei COVID-19aren ondorengo etapan laguntza ematea, besteak beste, erosketetan, hornikuntzan eta logistikan, ordainketa-metodoetan eta kobrantza digitaletan, komunikazioan, joera digital berrietan edo kontsumo zein merkatukoetan, merkataritzan eta salmentetan eta Interneteko segurtasunean.

Zerbitzua irailean jarriko da martxan, baina, lehenik eta behin, online saio bat egongo da uztailaren 15ean, 09:00etan, eta hizlari garrantzitsuak izango dira bertan.

Sarrera-hitzaldi honen helburua da osasun-krisiaren ondorioz sortutako egoera ulertzea, bai eta aholkularitza-zerbitzu berritzailearen helburuak azaltzea ere. Javier Garcinuño Bilbao Ekintzako zuzendari nagusia arduratuko da lehenengo saio hau aurkezteaz, “webinar” formatuan. Honako hizlari hauek beren eskarmentua eta ezagutza partekatuko dute enpresa parte-hartzaileekin: Francisco J. Aspiazu, Bizkaiko Enpresa Konfederazioan idazkari nagusia (CEBEK), Bernat Figueras, PWCko aholkularitza estrategikoko negozioaren bazkide arduraduna eta Xavier Marcet, Lead to Change-eko burua. Online hitzaldian eztabaida bat egongo da, eta hizlariek zein enpresa parte-hartzaileek parte hartu ahal izango dute bertan.

Bilbao Ekintza udal-sozietatek CEBEKekin lankidetzan antolatuko du “webinar” jau, eta Bilboko Udalak berriz aktibatzeko ezarritako premiazko neurrien #BilbaoAurrera Planaren ekintzetako bat da.

Online hitzaldian parte hartu nahi duten enpresa guztiek honako esteka honetan gaitutako inprimakiaren bitartez eman dezakete izena: esteka.

BILBAO AURRERA PLANA

#BilbaoAurrera Plana Gizarte, Ekonomia eta Kultura Larrialdietarako programa bat da, 15 milioi eurokoa, eta COVID-19aren osasun-krisiak hiriko pertsonengan eta enpresengan dituen ondorioak arintzeko, suspertzeko eta berreskuratzeko 50 neurri baino gehiagoko sorta bat duena. Plan hori Bilboko Udaleko talde politiko guztien artean egin eta adostu da.

Beste neurri ekonomiko batzuen artean, ETEei, mikroenpresei eta autonomoei zuzendutako COVID-19aren kontrako segurtasun-protokoloetatik eratorritako gastuei aurre egiteko eta zehazki babes-materiala erosteko zuzeneko laguntzak onartu dira, guztira, 500.000 eurorekin. Enpresentzako zerga-pizgarriak, murrizketekin eta hobariekin zerga eta tasetan. Horrek eragin ekonomikoa izango du, 3 milioi euro gutxiago sartuko baitira.

Era berean, Bilboko auzoetako merkataritza-elkarteei emandako dirulaguntza izendunak % 100 handitu dira, eta orain BERREHUN ETA HIRUROGEITA HAMASEI MILA EURORA iritsi da (276.000 €). Helburua da BILBOKO AUZOETAN MERKATARITZA-JARDUERA dinamizatzeko eta kontsumoa sustatzeko ezohiko ekintzak bultzatzea, bai eta tokiko asoziazionismoa indartzea ere, egiten diharduten lan garrantzitsuagatik.

• Bilboko Udalak 400.000 euro bideratu ditu programan erabiltzeko, eta zati berdinetan banatu ditu bi sektoreen artean, 200.000 euro merkataritzari eta 200.000 euro turismoari.
• Guztira, 966.250 bonu merkaturatuko dira Euskal Autonomi Erkidegoan, 466.250 bonu ostalaritza eta turismorako eta 500.000 bonu merkataritzarako.
• Bonuen bitartez turismoaren, ostalaritzaren eta merkataritzaren sektoreak suspertu nahi dira, bai eta kontsumoa aktibatzen lagundu ere. Bonuekin 5, 10 edo 20 euroko beherapenak eskainiko dira.

Gaur bertan, erakundeen arteko hitzarmen aitzindari bat burutu da, zeinaren bitartez Euskal Autonomi Erkidegoko turismoa, ostalaritza eta merkataritza berraktibatzeko bonuen estrategia bateratu bati ekin zaion.

Guztira, 966.250 bonu kaleratuko dira (466.250 bonu ostalaritzarako eta turismorako eta 500.000 bonu merkataritzarako), eta, horrela, 8,7 milioi euro injektatuko dizkiote merkatuari.

Bilboko Udalak 400.000 eurorekin parte hartuko du programan, eta berdin banatuko ditu bi sektoreen artean.

Xabier Ochandiano Bilboko Udaleko Garapen Ekonomiko, Merkataritza eta Enplegu Saileko zinegotziak hauxe nabarmendu du aurkezpenean: «xede nagusia jarduera sustatzea da, ekonomia arin eta modu eraginkorrean mugiaraztea, gure hiriko eta auzoetako denda eta lokaletan kontsumitu eta erosi dezagun. Administraziook bertako negozioak bultzatzen lagundu behar dugu, baina herritarrok ere horretan lagundu behar dugu; izan ere, haiek ematen diote bizitza, funtsa eta bihotza gure hiriei. Krisi honetatik apurka-apurka irteten lagunduko digun oxigeno-baloia».

DESKONTU-TXARTELAREN EREDUA

Bonu horien aginduak urriaren 5ean argitaratuko dira, eta hilaren 6tik aurrera egongo dira indarrean. Establezimenduek hiru asteko epea izango dute atxikitzeko. Aldi hori igarotzen denean, urriaren 28an, herritarrek eskuratu ahal izango dituzte bonuak. Euskadin bizi diren edo beste toki batzuetatik bisitatzen gaituzten 18 urtetik gorako pertsona fisikoek erosi ahal izango dituzte bonuak turismo-bonuen kasuan, eta online plataforma urriaren 6tik aurrera egongo da aktibatuta.

Bonuak egiteko deskontu-txartelaren eredu bat hartu da oinarri, eta merkataritzan modalitate bakarra izango du: 10 euroko beherapena, gutxienez, 30 euroko erosketa eginda. Gehienez ere, lau bonu eskuratu ahal izango dira, hau da, 40 euroko gehieneko beherapena. Merkataritzaren alorreko mikroenpresa eta enpresa txikientzako da.

Turismoaren eta ostalaritzaren bonuen kasuan, 3 modalitate egongo dira.

1. eta 2. modalitateak ostalaritza, sukaldaritza eta turismo-intereseko jarduerak egiten dituzten enpresa eta establezimenduetarako dira, eta 5 edo 10 euro arteko beherapenak aplikatuko dira 20 edo 40 euroko gutxieneko erosketetan, hurrenez hurren.

Deskontuaren hirugarren modalitatean 20 euroko beherapenak aplikatuko dira turismo-ostaturako establezimenduetan, gutxieneko 60 euroko erosketetarako. Gehienez ere, bi bonu eskuratu ahal izango dira establezimendu bakoitzeko, hau da, 40 euroko gehieneko beherapena pertsona bakoitzeko. Hiru modalitateak turismoarekin eta ostalaritzarekin zerikusia duten mikroenpresa eta enpresa txiki zein ertainei zuzenduko zaizkie.

Ochandiano zinegotziaz gain, honako hauek hartu dute parte aurkezpenean: Javier Hurtado, Turismo, Merkataritza eta Kontsumo sailburua; Gorka Urtaran, EUDELeko burua eta Gasteizko alkatea; Cristina González, Arabako ahaldun nagusiordea eta Enpleguaren Sustapen, Merkataritza eta Turismoko foru diputatua; Ainara Basurko, Bizkaiko Foru Aldundiko Ekonomia Sustatzeko foru diputatua; Imanol Lasa, Gipuzkoako ahaldun nagusiordea eta Gipuzkoako Foru Aldundiko Ekonomia Sustapen, Turismo eta Landa Inguruneko foru diputatua; Maider Echevarría, Gasteizko Udaleko alkateordea eta Ekonomia Sustapen, Enplegu, Merkataritza eta Turismo Saileko ordezko zinegotzia; Cristina Lagé, Donostiako Udaleko Turismo Iraunkorreko zinegotzia, eta Jose Ángel Corres, Eusko Ganberetako presidentea eta Bilboko Merkataritza Ganberako presidentea.

• Udaleko alderdi politiko guztiek sinatutako Bilbao Aurrera Planaren lehenengo neurriak enpresentzako zerga-pizgarriak izango dira. Zergen eta tasen hobariak eta murrizketak dira, gaurko Udalbatzarrean aurkeztu direnak; horien ondorioz, udal-kutxan 3 milioi euro gutxiago jasoko da.
• Planerako 15 milioi euro jarriko dira guztira, eta 50 ekintza baino gehiago, COVID-19ak Bilbon dituen ondorioei aurre egiteko. Hiru esparru handi ditu helburu: ekonomia eta enplegua suspertzea (11,4 milioi euro); gizartea suspertzeko ekimenak (2,2 milioi euro) eta kultura-ekintzak (1,3 milioi euro). Plan horren helburu nagusia da uriko PERTSONEI eta ENPRESEI arreta berezia eskaintzea, batez ere denda edo saltoki txikiei, ostalariei eta jatetxeei, turismoari eta kultura- eta sormen-industriei.

Bilboko Udala hasi da maiatzaren 8an Udaleko alderdi politiko guztiek sinatutako Bilbao Aurrera Planaren lehen neurriak martxan jartzen, COVID-19ak urian ondorioei aurre egiteko.

Enpresentzako zerga-pizgarriak dira, akordio horretan jasotakoak. Gaurko Udalbatzarrean eman dira ezagutzera, berehala ezar daitezen. Administrazio-izapide horrek zergen eta tasen murrizketak eta hobariak ezartzea ekarriko du; horren eragin ekonomikoa izango da diru-sarreretan 3 milioi euro gutxiago izatea.

Zerga-onuren lehen sorta horrekin batera, beste neurri batzuk hartu dira: ekonomia eta enplegua suspertzeko neurriak,11,4 milioi euro jarrita horretarako; gizartea suspertzeko ekimenak, 11,4 milioi euro eta kultura arloko ekimenak, 1,3 milioirekin. Bilbao Aurrera Planerako 15 milioi euro jarriko du Bilboko Udalak, salbuespenezko eta aldi baterako 50 neurri baino gehiago hartu ahal izateko. Neurri horiekin arreta berezia eskaini nahi zaie uriko PERTSONEI eta ENPRESEI, batez ere denda edo saltoki txikiei, ostalariei eta jatetxeei, turismoari eta kultura eta sormen arloko industriei.

NEURRI FISKALAK

Gaurko Udalbatzarrean jakinarazi dira zeintzuk izango diren zergen eta tasen hobariak eta murrizketak, berehala aplikatzekoak. Hauek, hain zuzen ere:

• Eraikuntzen, instalazioen eta obren gaineko zerga. Egungo zerga-tasa aldi baterako murriztea, urtea amaitu arte: % 3,5ekoa izango da eraikuntzako espedienteetarako, oro har, eta % 2koa jarduera ekonomikoetarako lokalak gaitzeko obretarako.
• Obretarako lizentziaren tasa:
  • Tasa hori kalkulatzeko tarifak aldi baterako murriztea, urtea amaitu arte. Aplikatuko den tasa % 19,5ekoa izango da, bai era guztietako obretako tarifa orokorrean, bai garrantzi bereziko obretako eta, bereziki, jarduera ekonomikoak gauzatzeko lokalak gaitzeko obretako lehentasunezko tarifan.
  • Obra, Hirigintza-jarduera eta Bestelako Zerbitzu Teknikoei lotutako Zerbitzuak emateagatiko Tasetan aurreikusitako tarifa orokorra % 12,5 murriztuko da, obra handietarako lizentziak direnean izan ezik.
  • Obra, Hirigintza-jarduera eta Bestelako Zerbitzu Teknikoei lotutako Zerbitzuak emateagatiko Tasetan aurreikusitako lehentasunezko tarifa % 19,5 murriztuko da, obraren jabeak lokalean enpresa nahiz lanbide-jarduerak egiteko gaikuntza, eraberritze edo egokitze lanak egingo dituela egiaztatzen denean.
• Lokalak zabaltzeagatik eta jartzeagatik eta jarduerengatik eta instalazioengatik emandako zerbitzuen tasa. Tasa horretan aurreikusitako tarifetan ezarriko den aldi baterako murrizketa % 29,5ekoa izango da urtea amaitu arte.
• Udal jabari publikoaren erabilera pribatiboaren eta aprobetxamendu bereziaren tasa, mahai, beilari, aulki, karpa, loreontzi, eguzkitako edo antzeko instalazioen erabilerari dagokionez. % 75eko hobaria urteko tasan.
• Udal jabari publikoaren erabilera pribatiboaren eta aprobetxamendu bereziaren tasa, erakusleihoak, bitrinak, dekorazio portadak, olanak eta markesinak jartzeari dagokionez. % 75eko hobaria urteko tasan.
• Autotaxien lizentzien tasa. Tasa hori ordaintzetik salbuetsita 2020ko ekitaldian.
• Zaborren tasa. % 95eko hobaria, alarma-egoera adierazi izanak kalte egin dien enpresei, enpresa horiek itxita egon diren bitartean.
• Enpresen zerga-zorrak interesik gabe geroratzea, betiere 2020ko ekitaldian ordaintzen badira.
• Neurri espezifiko horiez gain, gogoratu behar da Bilbon Ordainketa Nahierara egiteko aukera dagoela hainbat zergatan: OHZ, Ibilgailuen gaineko Zerga, EJZ, Estolderia-tasa, Bide Publikoaren Aldi Baterako Okupazioagatiko Tasa, TAO Txartela eta Autotaxia. Modu horrek ordainketak epe erosoetan eta erabateko malgutasunarekin egiteko aukera ematen du, zergadunak aukeratzen baitu nola ordaindu eta ez dago berandutze-interesik.

• Bilboko Udalbatzak gaur onartu du uriko merkataritzako zonakako elkarteentzako diru-laguntza izendunak handitzea, auzoetako jarduera dinamizatzeko. Laguntza-sorta hori 276.000 eurokoa da, hau da, % 100 igo da.
• Udalaren laguntza hau #Bilbao Aurrera planaren barruan dago. Premiazko neurrien plan bat da, gizarte-kohesioa eta hiriko ekonomia, enplegua eta kultura biziberritzea helburu dituena, COVID-19-ak Bilbon sortutako egoerari erantzuteko. Udalak 15 milioi euro jarriko ditu horretarako.

COVID-19 gaitzak gure urian eragindako ondorioei aurre egiteko lehenengo neurri fiskalen berri eman ostean (ondorioek 3 milioi euroko kostua dutela jo da), Bilboko Udalak gaur onetsi du DIRU-LAGUNTZAN beste multzo bat, gutxinaka-gutxinaka Bilbo Aurrera plana ezartzen joateko.

Plan hori joan den maiatzaren 8an sinatu zuten Udaleko alderdi politiko guztiek, eta krisiak gehien erasan dituen sektoreekin adostu zen; planaren xede nagusia da presako 50 ekintza jartzea abian, guztira 15 milioi euroko aurrekontua izendatuta, uriko PERTSONEI eta ENPRESEI arreta berezia eskaintzearren, batez ere tokiko merkataritza txikiari, ostalaritzari eta jatetxeei, turismoari eta kultur eta sorkuntza industriei.

Alde horretatik, gaur onesten diru-laguntzen multzoak % 100 gehitzen ditu Bilboko Udalaren Bilbao Ekintza udal sozietateak Bilboko gune bateko eta besteko merkataritza-elkarteei ematen dizkien izendun diru-laguntzak, eta, guztira, BERREHUN ETA HIRUROGEITA HAMASEI MILA EUROko (276.000 €) diru-zenbatekoa banatuko da.

Neurri horrekin, MERKATARITZA JARDUERAri eragiteko aparteko neurriak sustatu nahi dira, BILBOKO AUZOETAKO kontsumoa sustatu eta eragiteko. Beste helburu bat da tokian tokiko elkartegintza indartzea, egiten duten lanaren axola handiagatik.

Diru-laguntza hauek honako entitate hauentzat dira:

• Bilbao Centro Merkataritza Elkartea, ZAZPI KALEETAKO merkatarien elkartea, DEUSTU BIZIRIK merkataritza elkartea, HIRU AUZO merkatarien elkartea, ERREKALDE BIHOTZEAN merkatarien elkartea, LAGUNTASUNA (ZORROTZAKO merkatarien elkartea), AUZOA BERRITZEN 2. barrutiko merkatarien elkartea, Txurdinagako merkatarien elkartea, Santutxuko merkatarien elkartea, Otxarkoagako merkatarien elkartea, SAN FRANTZISKOKO, BILBO ZAHARREKO ETA ZABALAKO merkatarien elkartea, Basurto Berri BASURTUKO merkatarien elkartea, Erriberako Azokako merkatarien elkartea.

Diru-laguntzen multzo hau Bilbao Aurrera planaren barruan dago, zehazki, haren 2.2.17 atalaren barruan: han jasotzen dira, hauez gain, beste ekintza batzuk ere, hala nola laguntza teknikoak gune bateko eta besteko elkarteentzat eta sektore batzuetako eta besteetako eragile ekonomikoentzat, iraun dezaten eta haiek kudeatzeko eta sustatzeko.

Laguntza teknikoa koordinatu egingo da, Bilbao Ekintza udal sozietateko eta Bilbao Dendak eta Bilbao Centro elkarteetako profesionalek elkarrekin eratuko duten talde baten bidez, eta merkataritzako bulego teknikoak baliatuko dituzte horretarako.

BILBAO AURRERA PLANEKO ZENBATEKO HANDIAK

Udalak aurten COVID-19 gaitzak eragindako krisi sanitarioari aurre egiteko urgentziaz eta aldi baterako abian jarriko duen plana uriko hiru jarduera arlotarako da.

Ekonomia eta enplegua sustatzea, 11,4 milioi eurorekin; suspertze sozialerako ekimenak, 2,2 milioi eurorekin, eta kultur ekintzetarako ekimenak, 1,3 milioi eurorekin. Guztira, 15 milioi euro, eta 50 neurri, arreta berezia jartzeko, arestian esan dugunez, uriko PERTSONEI eta ENPRESEI, batez ere tokiko merkataritza txikiari, ostalaritzari eta jatetxeei, turismoari eta kultur eta sorkuntza industriei.