by

  • Bertako eta inguruetako jendea ekartzea du xede kanpainak, eta gure hiria erakargarria eta motor ekonomikoa eta kulturala izan dadila Gabonetan ere.

  • Azken bi urteetan hain emaitza onak izan dituen kanpaina honekin merkataritzaren, ostalaritzaren, aisialdiaren eta kulturaren sektoreak indartu nahi dira, herritarrak erakarriz Gabonetan goza ditzaten.

Bilboko Udalak kanpaina espezifiko bat jarriko du abian astelehenetik aurrera, Gabonetan hiria sustatzeko eta, bide batez, merkataritza, ostalaritza, aisia eta kulturaren sektoreak indartzeko.

“GABON HAUETAN, BILBO ESKATU DUT “ lema orokorrarekin, aurreko urte bietan izan zuen harrera onaren ondoren, Udalak kanpaina bat abiaraziko du atzera ere, hirian dauden gertuko denda eta establezimenduetan erostera eta kontsumitzera bultzatzeko, eta herritar guztiak gonbidatzeko hirian sortzen den giroaz gozatzera, #BilbaoGabonak proiektuaren barruan, adin guztietarako jarduerekin.

Ekintza honen ardatz nagusia gure irudia tokiko ingurunean sustatzea da, baina baita eremu geografiko zabalago batera iristea ere, garraioan ordu eta erdira arteko distantziara bizi diren pertsonak erakartzeko, Gabonak baino lehen eta/edo Gabonetan zehar Bilbora kontsumitzera eta gozatzera etor daitezen.

Horrela, Kantabrian, Burgosen, Logroñon/Errioxan, Nafarroan, Araban, Gipuzkoan eta Ipar Euskal Herrian ikusi ahal izango da kanpaina, baita Bilbon eta Bizkaian ere. Horretarako, irudiak, kalean jartzeko kartelak, markesinak eta autobusak, irratiko iragarkiak eta telebistako iragarkiak, hedabide digitalak / sareak eta abarrekoak erabiliko dira.

BILBOKO MERKATARITZA ETA OSTALARITZA

“GABON HAUETAN, BILBO ESKATU DUT” kanpainak, gainera, Bilbao Dendak merkataritza-elkartearen kolaborazioa jasoko du. Elkarte horrek sektore osoa biltzen du, eta haren establezimenduak funtsezkoak dira hirian.

#BILBAOGABONAK proiektuaren barruan egiten diren jardueretarako (izotz sintetikoko pista eta txirristak, produktu tipikoen eta artisautzaren merkatua, dekorazio-elementu berrien argiztapena, ikuskizunak…) prestatzen ari direnean aktibatzen da kanpina hau.

SARE SOZIALAK:

by

  • BilbaoDendak elkarteak antolatu duen Merkataritzako XVII. Sarien galan Falstaff, Mercedes de Miguel, Basq Company, La Palma, Encurtidos Margari, Naubis eta Grupo Sanimotor aukeratu dituzte 2024ko Bilboko Faborito. Publikoaren gogokoena Lanas Gordobil izan da.

  • Juan Mari Aburtok, Bilboko Alkateak; Rafael Gardeazabalek, bilbaoDendakeko presidenteak eta hainbat gonbidatuk Bilboko tokiko merkataritzaren lana omendu dute.

  • Guztira 21 sari eman dira, horietatik 13 Bilboko auzo bakoitzeko saltoki enblematikoenei.

Merkataritzako Sarien edizio berria Euskalduna Jauregian ospatu da. Sari horien bidez bilbaoDendak elkarteak —Bilboko merkataritza- eta turismo-jarduera sustatzeko plataformak— hiriko merkataritzaren lana nabarmentzen du eta jendaurrean aintzatesten ditu “Bilboko faboritoak”, hiriko establezimendurik onenak.

Ekitaldian izan dira Juan Mari Aburto Alkatea; Javier Hurtado, Eusko Jaurlaritzako Turismo, Merkataritza eta Kontsumo sailburua; eta Rafael Gardeazabal, bilbaoDendakeko presidentea, tokiko merkataritzaren, enpresaren eta Bilboko gizartearen ordezkariak izan diren 400 gonbidatu baino gehiagorekin eta beste agintari batzuekin batera.

bilbaoDendak elkarteko presidentearen ustez 17 edizio bete dituzten sari hauen arrazoia “gure hiria bilbotarrentzat eta bisitatzen gaituztenentzat erakargarria izan dadin nortasun-ezaugarriei eutsiz jasangarritasunaren, kontsumo arduratsuaren eta gure kaleen dinamizazio sozialaren mesedetan hurbileko merkataritzaren eta merkataritza bereizlearen aldeko apustua egin duten profesional handiei omenaldi zintzoa egitea da”.

Juan Mari Aburto, Bilboko Alkatea, izan da galari amaiera eman diona eta bere esku hartzean tokiko merkataritzaren erronka handiei eta kontsumitzeko moduaren eta erosteko ohituren aldaketaren aurrean udalak profesionalei ematen dien laguntzari egin die erreferentzia, herritarrei gure dendak baloratzeko eta bertan erosteko deia eginez. “Bilbon, gure inguruko beste hiri askotan bezala, eraldaketa oso handia bizitzen ari gara tokiko merkataritzaren sektorean. Erronka berri horiei aurre egiteko ezinbestekoa da estrategia berritzaileak, lankidetza eta kontsumoan eta erosteko ohituretan sortzen diren premia eta lehentasun aldakorrak ulertzea eta ezagutzea. Merkataritzaren mundua osatzen duten eta Bilboko DNAren zati garrantzitsu diren pertsonak beti gure lanaren erdigunean egotea eta gure babesa eta hurbiltasuna sentitzea nahi dugu. Eman diezaiogun merezi duen balioa daukagunari, kontsumitu dezagun eta eros dezagun gure dendetan, horrela bakarrik lortuko dugulako merkataritzak etorkizuna edukitzea, bizia izatea eta hirian errotuta egotea”.

SALTOKI IRABAZLEAK

  • Etorkizundun Tradizioa: Falstaff.
  • HemenGO SHOPPING Bilbao: Mercedes de Miguel.
  • Ondoen konektatua: Basq Company.
  • Ostalaritzako kontzepturik onena: La Palma.
  • Euskararen sustapena: Encurtidos Margari.
  • Saltoki berria: Naubis.
  • Zerbitzu-enpresarik onena: Grupo Sanimotor.
  • Publikoaren faboritoa: Lanas Gordobil.

SALTOKI ENBLEMATIKOAK

2024ko Bilboko Faboritoez gain, sariak eman zaizkie Bilboko auzoetako merkatarien hamahiru elkarteetako saltoki enblematikoenei:

  • Abusu-La Peña: Textil Hogar Aguila.
  • Basurtu: Farmacia Josune Ereño.
  • Bilbo Erdia: Minimil.
  • Bilbao La Vieja, San Frantzisko eta Zabala: Ferretería Cerrajería Garpe.
  • Zazpi Kaleak: Sí Quiero Protocolo.
  • Deustu: Reparación Calzados Hnos. Morales.
  • 2. barrutia: Calzados Amorrortu.
  • Hiru Auzo: Modas Pampin – Edurne Etxebarria.
  • Otxarkoaga: Kiosko Karlos.
  • Errekalde: Modas Inés.
  • Santutxu: Confecciones Turín.
  • Txurdinaga: Floristería Gaiarre.
  • Zorrotza: Perfumería Nuria.

SARE SOZIALAK:

by

  • Bilboko Udalak ematen ditu laguntza horiek, Bilboko 2025 Merkataritza Plan Estrategikoaren barruan, ekintzailetza sustatzea, merkataritza suspertzea eta lokalak optimizatze aldera.

  • Bi dirulaguntzok modu telematikoan izapidetu behar dira, Bilbao Ekintza udal sozietatearen merkataritza-arloaren bidez, comercio@bilbaoekintza.bilbao.eus  helbide elektronikoan.

Bilboko Udalak, Bilboko 2025 Merkataritza Plan Estrategikoaren esparruan, zabalik du epea Bilbo Zaharrean, San Frantziskon eta Zabalan lonja hutsak aktibatzeko dirulaguntzak eskatzeko, bai eta auzo horietako merkataritza-lokalen kanpoko itxura hobetzeko laguntzak eskatzeko ere.

Hutsik dauden lonjak alokatzeko laguntzei dagokienez, Bilbao Ekintzak programa horren lehen deialdia 2022an jarri zuen abian, Zazpi Kaleetan merkataritza suspertzea sustatzeko eta itxitako lonjak mobilizatzeko; lortu zen arrakastaren ondorik, ekimen hori Bilbo Zaharra, San Frantzisko eta Zabala auzoetara zabaltzea erabaki zen, hiru auzo horiek berpiztu eta merkataritza-bizitzaz hornitze aldera.

Hutsik dauden lonjak aktibatzeko aukeratu diren kaleak honako hauek dira: Bailen, Maiatzaren 2a, Castillo Jenerala, Hernani eta Lamana. Dirulaguntzak merkataritza-lokalak alokatzearen eta errentatzaileek alokairua kobratuko dutela bermatzen duten abalak sinatzearen ondoriozko gastuak ordaintzen laguntzen du.

Horrezaz gainera, merkataritza-lokalek sarbide zuzena izan beharko dute bide publikotik, ez dute izan behar ez solairuarte ez soto, eta sarrera nagusia edo merkataritza-frontea lehen aipatu diren kaleetako batekoa izan beharko da.

Eskabide-beharkizunen artean honako hauek nabarmentzen dira: eskatzaileek enpresak sortzeko oinarrizko prestakuntza egina izan behar dute eta/edo negozio-plana egiteko aholkularitza jaso behar dute Bilbao Ekintzaren bidez; bestalde, onuradunak ezin dira merkataritza-lokalaren jabe izan.

Laguntza eskatu ondoren, jarduera ekonomikoen sustatzaileek (enpresa txikiak) Bilbao Ekintzaren prestakuntza eta aholkularitza jaso ahal izango dute, baita kasu bakoitzean finantzaketa-iturririk egokienak identifikatzen eta bilatzen laguntzeko zerbitzu bat ere.

Laguntza horiek 2025eko abenduaren 31ra arte edo aurrekontu-esleipena agortu arte egongo dira indarrean.

Kontsultatu hemen 2024rako Bilbo Zaharrean, San Frantziskon eta Zabalan hutsik dauden lonjak aktibatzeko dirulaguntzei buruzko informazio guztia.

LOKAL ERAKARGARRIAGOAK

Bestalde, Bilbo Zaharra, San Frantzisko eta Zabala auzoetako merkataritza-lokalen kanpoko ikusizko itxura hobetzeko 2024 urterako laguntza-programak honako hau lortu nahi du: beheko solairuetan irekita dauden merkataritza-lokalen kanpoaldea birgaitzea eta hobetzea, merkataritza-irudia hobetzeko eta, horrela, bilbotarrentzako erakargarritasuna handitzeko.

Diruz lagundu daitezkeen jarduketen artean honako hauek nabarmentzen dira: erakusleihoak hobetzea, altzariak eta dekorazioa barne; errotuluak eta kanpoko beste elementu batzuk; kanpoko argiztapena; pertsianak ordezkatzea; igeltserotzako edo arotzeriako obra txikiak eta kanpoko berrikuntzak eta pintura; fatxada birmoldatzea edo berritzea; eta irisgarritasuna hobetzea.

Laguntza hauen onuradunak mikroenpresa edo enpresa txiki izaera duten pertsonak dira, garatzen den jardueraren titularrak eta jarduerak egiteko ardura dutenak, bai eta alokatutako merkataritza-lokalen jabeak ere.

Obrak gauzatzean jasoko diren dirulaguntzen zenbatekoa aurrekontu babesgarriaren % 90 izango da. Dirulaguntza hori ezin izango da, inola ere, 6.000 eurotik gorakoa izan.

Eskabideak obrak hasi baino lehen aurkeztu beharko dira, eta 2025eko abenduaren 30eko 13:30ak arte edo aurrekontua agortu arte aurkeztu ahal izango dira, laguntzak eskabidearen hurrenkeraren arabera emango baitira.

Bi laguntza ekonomiko horiek telematikoki aurkeztu beharko dira, nahitaezko dokumentazioa honako helbide elektroniko honetara bidaliz: comercio@bilbaoekintza.bilbao.eus.

Kontsultatu hemen Bilbo Zaharra, San Frantzisko eta Zabala auzoetako merkataritza-lokalen kanpoko ikusizko itxura hobetzeko 2024ko laguntza-programaren informazio guztia.

SARE SOZIALAK:

by

  • Bilboko Udalak artearen eta kulturaren aldeko apustua egin du Oinezkoen Artea proiektuaren bidez, zeinak hiriari lotutako 17 artistaren proposamenekin sustatuko baititu Zabalguneko saltokiak.

  • Urrian zehar, artea hiriko kaleetara ateratzeko asmoz apaindu diren 22 erakusleihoz eta 8 edukiontziz osatutako ibilbidea egin ahal izango dute herritarrek.

Bilbok lehen aldiz hartuko du Oinezkoen Artea proiektua, erakusleihoen apainketa artistiko eta kulturaleko ekimena. Zabalgunean garatuko da eta hiriaren erdiguneko 22 saltoki hartuko ditu. Saltoki bakoitzak ikusgai izango ditu Bilbori lotutako bertoko, estatuko eta nazioarteko 17 artista profesionalek sortutako arte-proposamenak, eta Zabalguneko 8 edukiontzi ere apainduko dituzte.

Saltokietako eskulturak eta biniloak urrian ikusi ahal izango dira, eta Eduardo Sourrouille, Ignacio Goitia eta Arantxa Vidal artisten eskutik doako bisita gidatuak egin ahal izango dira urriko ostegunetan, 18:00etatik 20:00etara. Interesdunek helbide elektroniko honen bidez eman dezakete izena: comercio@bilbaoekintza.bilbao.eus.

Bilboko Udalak kulturaren eta artearen alde lan egiteko egin duen apustuaren parte da Oinezkoen Artea. Oraingo honetan, ekimena Zabalguneko merkataritza-establezimenduen errealitatera egokitu da. Saltoki horiek sorkuntza-gune bihurtu dira eta hiriko kaleak artearen bidez herritarren eta merkatarien artean sortzen den loturaren lekuko izan daitezen ahalbidetu da. Gainera, gaur egun obrek eragindako Zabalgune inguruko merkataritza aktibatzeko planaren esparruan kokatzen den ekintza da. Proiektu hau Bilbao Ekintza udal-sozietatearen bitartez gauzatzen da.

Kultur ibilbide honetan parte hartzen duten 22 saltokiak honako hauek dira: Landa kristaldegia, Engel & Volkers, Pinocchio, Moiqut, Esiete Interiorismo, Shimai, Gárate arrandegia, Alonso zapata-denda, Inchaustegui labana-denda, Barbour, El Arratiano/Confituras Goya, Flores Retama, The Closet, Persuade, Lumbreras Aguirre farmazia, Lollypop, B Travel, Falstaff, Bilbao Gandarias loradenda, Alaine Bermejo ile-apaindegia, Cynthia Rodríguez ile-apaindegia eta Asua Berri okindegia. Halaber, biniloz apaindu dira Zabalgune plazaren inguruko zortzi edukiontzi.

Hauek dira beren lanekin 22 erakusleihoak eta 8 edukiontziak apaintzeaz arduratu diren artistak: Marta Zelaia, Ignacio Goitia, Miriam Ocariz, Bernardo Aja, Joaquín Martínez Cano, Mauro Curti, Eduardo Sourrouille, Matxalen Krug, Juan Díaz, Rut Olabarri, Elssie Ansareo, Manuel Álvarez Diestro, Juan Manuel Rodríguez, Lau Rodríguez, Guillermo de Foucault, Bubi Canal eta Begoña Zubero.

Santanderren zazpi urtez hitzordu sendoa izan ondoren, lehen aldiz iritsi da Bilbora merkataritza-jarduera dinamizatzeko proiektu hau, zeinari esker bilbotarren erosketa-esperientziak aurrerapauso bat emango du urrian.

HIRI-MARRAZKIAK ZABALGUNEAN

Gainera, Oinezkoen Artea gertatzen den aldi berean, herritarrek aukera izango dute irailaren 30ean Bilboko Oinezkoen Artearen lehenengo edizioan parte hartu zuten saltokien inguruko kaleetan sortutako hiri-marrazkien erakusketaz gozatzeko Zabalguneko eraikinean. Dibujatolrato Bilboko marrazkilari talde batek osatutako proiektua da. Elkarrekin arte-ariketa bat egiten dute, inguruari balioa emanez. Dibujatolratok Bilboko Oinezkoen Artearekin kolaboratu du, saltokietan egindako esku-hartze artistikoak marraztuz.

SARE SOZIALAK:

Loturiko dokumentuak

by

  • Juan Mari Aburto, Bilboko Alkatea, izan da bileraren buru eta “hiriko merkataritza hobetzeko irtenbideak bilatzeko hemen bildutako eragile guztiok dugun erantzukizuna” gogorarazi du.

  • Merkataritzako, erakundeetako eta elkarteetako 50 ordezkari baino gehiago bildu dira sei hilean behin egiten den Bilboko Merkataritza Plan Estrategikoa 2025-aren jarraipena egiteko.

Bilboko Alkatea, Juan Mari Aburto, izan da Bilboko Merkataritza Foroaren urteko lehen topaketaren buru. Topaketa hau uztailaren 1ean egin da eta bertan urteko lehen seihilekoan hiriko merkataritza-sektoreari buruz garatzen ari diren ekintzen berri eman da. Ekintza hauek Bilboko Merkataritza Plan Estrategikoa 2025-aren barruan garatzen dira.

Bilboko Udaleko arlo batzuetako, Eusko Jaurlaritzako, Bizkaiko Foru Aldundiko, CECOBIko, Merkataritza Ganberako, BilbaoDendak-en bitartez jarduten duen saltoki eta establezimenduen elkarte-ehuneko, Bilboko eskualde-elkarteetako eta auzoetako elkarteetako eta udal-ordezkaritza duten talde politikoetako 50 ordezkaritik gora izan dira sei mahaitan lan egin dutenak merkataritza-ekintzailetzari buruzko hausnarketak partekatuz eta sektoreak etorkizunari begi dituen erronkak modu bateratuan planteatuz.

“Eskerrak eman nahi dizkizuet, benetan, sei hilean behin biltzen den foro honetan parte hartzen duzuen alde guztiek emandako erantzunagatik. Gaur hemen gauden guztiok konponbideak bilatzearen erantzukizuna dugu”, esan du Juan Mari Aburto Alkateak. “Eskura ditugun tresna guztiak jarri behar ditugu sektorea hobetzeko eta merkataritza-ekintzailetzaren aldeko apustuarekin jarraitzeko”.

Xabier Ochandianok, Bilboko Udaleko Garapen Ekonomiko, Merkataritza, Turismo eta Enplegu arloko zinegotziak, urteko lehen seihilekoan abian jarri diren ekintzak azaldu ditu. Ekintza hauek Bilboko Merkataritza Plan Estrategikoa 2025-ean sartuta daude, 33 ekintza-ildotan egituratuta eta lau ardatz nagusitan banatuta: hiriaren merkataritza-eredua: hirigintza eta mugikortasun iraunkorra; omnikanalitatea eta modernizazio lehiakorra; Bilbo merkataritza, kultura eta aisialdiko hiri gisa sustatzea; eta lankidetza publiko-pribatua hobetzea.

Bilbon, gure inguruko beste hiri askotan bezala, eraldaketa handia bizi izan da merkataritzaren sektorean. Erronka berri hauei aurre egiteko ikuspegi integrala duen prisma behar da, estrategia berritzaileak, lankidetza eta kontsumitzaileen premia eta lehentasun aldakorrak ulertzea uztartzen dituena. Horregatik guztiagatik Bilboko Udalak, Bilbao Ekintzaren bitartez, jarduera hasten dutenen edo lehendik dauden saltokien merkataritza-ekintzailetza babesten du Bilboko Merkataritza Plan Estrategikoa2025-aren babespean.

SARE SOZIALAK:

by

  • Grabados y Sellos de Caucho Viuda Santiago Santos, Larralde gozotegia, Reparación de Calzado Benito eta Ultramarinos Idoia saltokiek jaso dituzte Bilboko Baldosa eta ehun urteak beteta dituzten 66 saltokien historia jasotzen duen oroitzapenezko liburua.

  • Juan Mari Aburto Bilboko Alkateak establezimendu horien etengabeko lana eta ilusioa nabarmendu ditu gaur eguerdian Udaletxeko Arabiar Aretoan egindako ekitaldian, Bilboko historia biziaren parte izaten jarraitu dezaten. Omenaldia “EHUN: Betiko dendak betirako-Comercios de toda la vida y para toda la vida” proiektuaren baitan antolatzen da, zeinaren bitartez ehun urte bete dituzten negozioen ekarpena aitortzen baita, hiriko merkataritzaren tradizioa eta funtsa diren aldetik.

Juan Mari Aburto Bilboko Alkatea hiribilduan ehun urte beteak dituzten beste lau saltoki omentzeko aintzatespen-ekitaldiaren buru izan da gaur eguerdian. Hiri osoaren izenean, herritar guztien egunerokotasunaren parte diren lau establezimendu historikori egindako omenaldi berezia izan da. Grabados y Sellos de Caucho Viuda Santiago Santos, Larralde gozotegia, Reparación de Calzado Benito eta Ultramarinos Idoia, Ibaiondo eta Errekalde barrutietan kokatuta daudenak, Bilboko gainerako ehun urteko 62 establezimenduekin bat egin dute.

“Zuen lanari, kemenari, iraunkortasunari eta ilusioari esker, Bilboko historia biziaren parte izaten jarraitu ahal izan duzue. Horregatik, eskertu, zoriondu eta omendu nahi zaituztegu bilbotar guztion izenean, iraganean eta orainaldian izan duzuen iraunkortasunagatik, baina baita gure hiriaren etorkizunari egingo diozuen ekarpenagatik ere”, esan die Juan Mari Aburto Alkateak aintzatespen-ekitaldian.

“Bilboko Udalean argi daukagu merkataritza-jarduera gure funtsetako bat dela, eta jakin badakigu ehun urtetik gorako saltokiak izatera iristeko belaunaldiz belaunaldi egin behar izan duzuen ahalegina sekulakoa izan dela, eta garai berrietara egokitu behar izan duzuela. Zaindu egin nahi zaituztegu, gure eredua zaretelako. Eta gure hirian ehun urtetik gorako saltoki gehiago izaten jarraitzeko, herritarrak gonbidatzen ditugu zuen moduko establezimenduetan kontsumitzera, horiek baitira gure auzoen benetako aberastasuna”, esan du amaitzeko Alkateak.

Gaurko ekitaldian, ehun urte beteak dituzten lau establezimendu berrietako ordezkariek, José Luis Crespo (Grabados y Sellos de Caucho Viuda Santiago Santos), Fonsi Díaz (Larralde Gozotegia), Olga Benito (Reparación de calzado Benito) eta Idoia Mendieta (Ultramarinos Idoia)  oroitzapenezko Bilboko Baldosa bat jaso dute Juan Mari Aburto Alkatearen eta Xabier Ochandiano Garapen Ekonomiko, Merkataritza, Turismo eta Enplegu Saileko zinegotziaren eskutik, zeina saltokian ikusgai jarri ahal izango duten.

Bilboko Baldosarekin batera, hirian ehun urteak bete dituzten negozio guztien historia jasotzen duen liburu bat ere entregatu zaie.

‘EHUN’ PROIEKTUA

“EHUN: Betiko dendak betirako – Comercios de toda la vida y para toda la vida” proiektuaren baitan egindako ekitaldi bat izan da. Horren bidez, Bilboko Udalak, Bilbao Ekintza udal-sozietatearen bitartez, ehun urte beteak dituzten negozioen irudia sendotu nahi du, bai eta horien iraupena eta etorkizuna bermatu ere. Horretarako, aholkularitza-ekintza batzuk eskaintzen ditu, eta turismo-ikono gisa sustatzen ditu.

Ehun urte beteak dituzten saltokiak dira 90 urte baino gehiagoko merkataritza-jarduerak, kokapena aldatu arren belaunaldiz belaunaldi edo langileen artean eskualdatu direnak eta saltzen duten produktu-mota edo lan egiteko modua mantendu dituztenak. Farmaziak, elikagaien saltokiak, estankoak, loteria-negozioak, moda-dendak… daude zerrenda historiko honetan, non ehun urte beteak dituzten beste lau saltoki gehitu diren oraingoan, guztira 66 saltoki izanik:

GRABADOS Y SELLOS DE CAUCHO VIUDA DE SANTIAGO SANTOS

José Luis Crespok osabarengandik, Santiago Santos, eta aitarengandik, Ireneo Crespo, hartu zuen oinordetzan grabatuen eta arrantza-, ehiza- eta arma-artikuluen negozioa, 1894an sortua Foruen kalean. Aita oso gaztetatik hasi zen negozioan eta horren lekualdatzea bizi zuen, 30eko hamarkadan, gaur egun duen kokapenera lekualdatu zenean, Askao kalera. Kautxuzko zigiluak egiten lehenengoak izan ziren Bilbon. Aldaketa handia Gerra Zibilean zehar iritsi zitzaien, gerrak negozioaren porrota ekarri baitzuen, lokala birrindu eta Eibarren egiten ziren armak desagertu ostean. Harrezkero, grabatuen negozioan bakarrik dihardute. José Luis Crespo aitarekin lanean hasi zen 1964an, eta duela hamar urtetatik, semea, Josetxu, arduratzen da negozioaz. Orain, negozioa mekanizatuagoa eta digitalizatuagoa da.

LARRALDE GOZOTEGIA

Hasiera batean La Esperanza izena zuen establezimendu hau 1910ean fundatu zuen Mari Luzek, Larralde anai-arreben amonak. Gaur egun gozotegian lanean diharduen Fonsi 1977an hasi zen bertan lanean. Mandatari gisa hasi zen lanean eta hainbat lanpostu izan zituen, Mari Luzek saltoki berezi honekin geratzeko aukera eskaini zion arte. Ez zen aldatu establezimenduaren izena; hori horrela, Larralde familiak bere presentzia mantentzen jarraitu du, bai eta bere jatorriaren esentzia ere. Negozio mitiko eta gozoarekiko maitasunak eta lanean duten iraunkortasunak lan handia izatea ekarri dute; bertan beren ohiko pastelak eta txurro eta txokolate ospetsuak eskaintzen dituzte.

REPARACIÓN DE CALZADO BENITO

1930ean, Antonio Benitok bere lehenengo lokala ireki zuen San Mames zumarkaleko atari txiki batean. Hain leku txikia non, bere seme Valerianok lanbidea ikas zezan, lagun batengana bidali behar izan baitzuen. 1950ean, Autonomiako 9. zenbakira lekualdatu zuten, eta bertan oinetakoak konpontzen jarraitzen dute. Familiaren negozio honetan oso zeregin garrantzitsua izan du Asunek, Valerianoren emazteak, urte askotako lana egin baitzuen berarekin, eta tindagaiez eta makinaz arduratu zen. Gaur egun, Roberto eta Olga seme-alabek jarraitzen dute; gazteak zirenean ikasi zuten lanbidea. Negozio zahar bat, tradizioarekin, zeinean oraindik zapatak osorik egiten zituen aitona gogoratzen baitute, edo gerraostean sandaliak pneumatikoekin eta sokekin egiten zituztenean.

ULTRAMARINOS IDOIA

1902an sortu zen. Dorotea Aparicio, Idoiaren amona, izan zen janari-denda negozio hau abiarazi zuena, eta gero Belen, Idoiaren ama, izan zen arduraduna. Gaur egun, janari-dendak Urazurrutiako bizilagunei zerbitzua eskaintzen jarraitzen du. Lokal horretan bizi ziren Idoiaren amona eta ama, eta espazio txiki bat utzi zuten dendarako. Gogoratzen dutenez, dendan babarrun-paketeak eta txitxirio-paketeak egin dituzte, besteak beste. Gaur egun, Idoiak bere seme Jonekin partekatzen du negozioa. Etengabeko zerbitzua eskaintzen dute 09:00etatik 21:00etara. Egunero beren bezeroen eskariari erantzuten dioten hautaturiko produktuak erosten dizkiete beren hornitzaileei. Gertutasuna, zerbitzua eta kalitatea saltokiaren bereizgarriak dira. Gaur egun, dendak bere sustraiei eusten die, eta alboko atarira ematen zuen ate zaharra izaten jarraitzen du.

EHUN liburua deskargatzeko esteka:

https://www.bilbaoekintza.eus/eu/merkataritza/bilboko-udalako-omenaldia-bilboko-ehun-urtetik-gorako-dendei

SARE SOZIALAK:

by

  • Otsailaren 1etik 11ra bitartean, hiriko zortzi barrutietako 87 saltokitan erakusleihoak apainduko dituzte, Emakume eta Neska Zientzialarien Nazioarteko Eguna ospatzeko.
  • Bilboko Udalak eta Elhuyarrek martxan jarri dute “Erakusleihoak, otsailaren 11 #O11Erakusleihoak” ekimenaren laugarren edizioa, emakumeek zientzian duten garrantzia ikusarazteko eta horren inguruan gizartea sentsibilizatzeko, bai eta neska eta neskatilengan bokazio zientifikoak sustatzeko ere.
  • Herritarrek ginkana batean parte hartzeko aukera izango dute; horretarako, erakusleihoetan egongo diren QR kodeak eskaneatu eta emakume zientzialariei buruzko galderak erantzun beharko dituzte.
  • Nobedade gisa, Zabalgune Eraikineko atari nagusiak erakusketa bat hartuko du otsailaren 9tik 14ra bitartean: “Emakumeak zientzialari eta teknologo”; zientziaren eta teknologiaren alorreko hamabi emakumeren ilustrazioak egongo dira bertan ikusgai eta sarrera doakoa izango da.

Bilboko Udalak eta Elhuyarrek martxan jarri dute “Erakusleihoak, otsailak 11 #O11Erakusleihoak” proiektuaren laugarren edizioa. Ekitaldiak harrera ona izan du beste behin, izan ere, udalerriko 87 saltokik bat egin dute proiektuarekin, hau da, 2023an baino zortzi saltoki gehiagok, beraz, parte-hartzea %9,1 igo da. 

Saltokiek beren erakusleihoak apainduko dituzte otsailaren 1etik 11ra bitartean, emakumeek zientziaren eta teknologiaren esparruan egindako lana ezagutzera emateko. 

Gainera, aurten, proiektua nabarmen dibertsifikatu da eta Bilboko zortzi barrutietako saltokietara iritsiko da: Deustu, Uribarri, Otxarkoaga/Txurdinaga, Begoña, Ibaiondo, Abando, Errekalde eta Basurtu/Zorrotza.

Horiek horrela, Bilbok bat egingo du otsailaren 11n ospatzen den Emakume eta Neska Zientzialarien Nazioarteko Egunarekin.

EMAKUME ZIENTZIALARI BAT ERAKUSLEIHO BAKOITZEAN

Hiriko saltoki bakoitzak zientzialari baten lanari eskainiko dio bere erakusleihoa. Horretarako, kasuan kasuko zientzialariak egindako lanari lotutako informazio-kartelak eta ilustrazioak jarriko dituzte, eta hark egindako ikerketan inspiratutako motiboekin apainduko dute dendaren erakusleihoa. Modu horretan, saltzaileak zientzialari horien lanaren eta bizitzaren dibulgatzaile bihurtuko dira, eta emakumeek zientziari egindako ekarpena herritarrei helarazten lagunduko dute.

Gainera, bigarren urtez, ginkana batean parte hartzeko aukera egongo da: parte hartzaileek Actionbound aplikazioa deskargatu eta dendaz dena joan beharko dute, hamabi emakume zientzialarien kartelak bilatzeko, ondoren, QR kodeak eskaneatu eta bertan agertzen diren galderak erantzun beharko dituzte. Iaz arrakasta handia izan zuen ginkanak herritarren eta ikastetxeen artean, horregatik aurten galderen zailtasun-maila aldatu da, parte-hartzaileen adinera egokitzeko.

Bestalde, otsailaren 9tik 14ra bitartean, Zabalguneko Eraikinaren atari nagusian “Emakumeak zientzialari eta teknologo” erakusketa doan bisitatzeko aukera egongo da, “Erakusleihoak, otsailak 11” proiektuan ikusgai jarriko diren irudietan oinarrituta.

Edizio honetan, hauexek izango dira “Erakusleihoak, otsailak 11” ekimenean omenduko ditugun emakume zientzialariak:

  • Ana Zubiaga Elordieta (Forua, Bizkaia, 1959). Biologoa
  • Angela Saini (Londres, Erresuma Batua, 1980). Gai zientifikoen inguruko kazetaria
  • Brigitte Baptiste (Bogota, Kolonbia, 1963). Ekologoa
  • Uxue Fernandez Lasa (Urretxu, Gipuzkoa, 1984). Jarduera Fisikoaren eta Kirolaren Zientzietako ikerlaria.
  • Ana Teresa Diego (Bahía Blanca, Argentina, 1954-1976). Astronomia ikaslea eta ekintzaile komunista.
  • Mary Anderson (Greene, AEB). Asmatzaile eta ekintzailea.
  • Miriam Friedman Menkin (Riga, Letonia, 1901-1992). Genetista eta enbriologoa.
  • Elena Ponciano Paino (Durango, Bizkaia, 1980). Arte Plastikoen eta Ehunaren Diseinuaren goi-mailako teknikaria. Soldadura eta galdaragintzako teknikaria.
  • Wangari Maathai (Ihithe, Kenia, 1940-2011). Ingurumenaren aldeko ekintzaile eta politikaria.
  • Chieko Asakawa (Osaka, Japonia, 1958). Informatikaria.
  • Gro Harlem Brundtland (Bærum, Norvegia, 1939). Mediku eta politikaria.
  • Maia Duguine Haristoy (Hazparne, Lapurdi, 1979). Euskal hizkuntzalaria

Omendutako emakumeei buruzko istorioak eta ilustrazioak webgune honetan daude eskuragarri: Bizilabe otsailak 11.

Honako saltoki hauek egin dute bat proposamenarekin, Bilboko merkatarien elkartearen parte-hartzearekin:

  • Deustu: AR Estylistas; CK Estilistas; Centro Visual Argia; F2 Informática; Farmacia Arilla; Farmacia Marian Linaza Peña; Farmacia Zubiri Zuaznabar; Farmacia Inma Olabarrieta; Frutería Zelaia; La Ventana Natural Deusto; La Txika de la Cerveza; Psikolan; Salón Stilo21 Peluquería
  • San Ignacio, Ibarrekolanda y Elorrieta: Amordisquitos; Clínica Dental Bilbo Latina; El Armario de Tater; Etxean Liburudenda; Farmacia Maria Feo Onzain; Herboristería Zarza.
  • Auzoa Berritzen: Atelier Olga Yrazu; Autoservicio Álvaro; Farmacia Uraga; Farmacia Zurbaranbarri; Farmacia Pont Goiricelaya; Frutas Manuela; Ikusi Optika; Peluquería Lamiak; Pilates Ongiro.
  • Otxarkoaga / Txurdinaga: Dietética y Masajes Ponin; Lasai Belleza y Bienestar; Optikari; Mahatserri Taberna; Librería Sorgiña.
  • Santutxu: Farmacia Begoña Ispizua; Iziar Peluquería; Librería Garza; Librería Pernet; Yesser Decoración.
  • Alde Zaharra: A&J Complementos; A2m Gabinete de Fisioterapia; Bi By Jatera; Boutique La Media; Farmacia Tendería; Farmacia Artekale; Geuria Merkatua; Pedro Salcedo; SKFK.
  • Abusu-La Peña: Asesoría Energética Aurrezki; Kafé Andra-Mari.
  • Bilbao La Vieja: Asociación Sortarazi; Farmacia María Rodríguez de Pablo; Farmacia Villasante.
  • Bilbao Centro: Abuelo Actual Ortopedia; Anna Pan y Café; Arabell; EHU Denda; Menkes Bilbao; Esiete Interiorismo y Decoración; Floristería Avi-Flor; Lola Dacosta Tienda Erótica; Lulú Martinés; Luabi Decor SL; Maslife Buenos Aires; Masquegorros; Nahiarte; Peluquería Tonific; Marisa Etxebarria Agencia de Seguros; Resu Karé Estética; Skin Gallery by Arduan; Terai Cosmética; Urtxintxa Juguetería; Zarzamora.
  • Errekalde: Café-Bar Tobogán; Centro de Estética Imagen y Belleza Tania Lorenzo; Farmacia Arantza Madariaga Perez; Farmacia Sonia Hernández; Ferretería Rekalde; M.J. Oñate; Moda Infantil Yoli.
  • Irala: Peluquería y Centro de Belleza Iris.
  • Basurtu-Basurtoberri: Arduan; Entrefocos; Farmacia Josune Ereño.
  • Zorrotza: Centronet; Librería Lápices; Farmacia Rouco Martínez; Floristería Anabel.

Ekimena orain dela lau urte sortu zuen Elhuyarrek, Bizilaberen baitan, gazteentzat diseinatutako aisialdiko jarduera zientifiko eta teknologikoen parte izan zedin. Astero 134 gaztek parte hartzen dute Bilboko Bizilaben. Iaz gertatu zen bezala, Bilborekin batera, beste udalerri batzuek ere bat egin dute “Erakusleihoak, otsailak 11” ekimenarekin.

Proiektuarekin bat egin duten 300 saltokiak Euskadiko hamabi udalerritan kokatuta daude. STEAM hezkuntzaren bidez, Elhuyarrek neskak gai zientifiko eta teknologikoetan parte hartzera animatzen ditu urte osoan zehar, horretarako, emakume zientzialarien lana ikusarazten du eta lan horren garrantzia azpimarratzeko proiektuak egiten ditu, erreferenteak sortzeko eta beren ikerketa-lanak gazteei hurbiltzeko asmoz. Horrela, emakume horien bizitza, ibilbidea eta eredua ezagutzeko aukera eskaintzen dute, ideia faltsuak eta estereotipoak alde batera uzteko.

EMAKUME ETA NESKA ZIENTZIALARIEN NAZIOARTEKO EGUNA

Nazio Batuetako Batzar Orokorrak 2015ean erabaki zuen otsailaren 11 izango zela Emakume eta Neska Zientzialarien Nazioarteko Eguna, emakumeek eta neskek zientzian erabateko partaidetza eta parte-hartze parekidea izan dezaten lortzeko eta emakumeengan bokazio zientifikoak sustatzeko.

by

  • Bilbori ohorezko akzezita eman diote Barne Merkataritzaren Sari Nazionaletan, udalen atalean.

Bilbo Barne Merkataritzako Sari Nazionaletan saritu dute, Udalen kategorian; hain zuzen ere, ohorezko akzesita eman diote udalek merkataritzako hiri-berrikuntzaren arloan egindako lanagatik. Sari bereziak dira, urtero ematen dituenak Ekonomia, Merkataritza eta Enpresa Ministerioak.

Kategoria horren barruan, sari nagusia Madrilgo Udalari eman diote, eta hurrengoa Bilbo izan da. Ministerioak adierazi bezala, edizio honetan nabarmentzekoa izan da aurkeztutako hautagaien kalitatea.

Bilboren kasuan, besteak beste, honako alderdi hauek baloratu dituzte: merkataritza-jarduera eta erosketen turismoa sustatzeko abian jarritako jarduerak; merkataritza arloko ekintzailetza bultzatzea; sektorearen digitalizazioa bultzatzea; merkataritza-gune garrantzitsuetako irisgarritasuna hobetzeko espazio publikoan egin diren esku-hartzeak; eta hutsik dauden merkataritza-lokalak berriro aktibatzeko ekimenak. Ildo horretan, Merkataritzako Plan Estrategikoa nabarmendu dute, tokiko merkataritza, berrikuntza, jasangarritasuna eta merkataritza-eskaintzaren kalitatea garatzeko gidalerroekin. Baita Merkataritza Foroa bultzatzea ere. Foro horretan merkataritzaren arloko politika publikoen inguruan zerbait esateko duten uriko eragile guztiek parte hartzen dute.

Xabier Ochandiano Ekonomiaren Garapeneko, Merkataritzako, Turismoko eta Enpleguko Saileko zinegotziak adierazi duenez, “sari horiek sektorean egiten ari den lanari aitortza egiten diote, hiri guztietan –Bilbo ez da salbuespen- bizi ditugun aldaketa arin-arinetara egokitzeko beharrezkoak diren neurri guztiak aktibatzeko. Neurri horietako bat da jabetzea oso garrantzitsua dela uriko merkataritzako saltokietan, gertuko dendetan erostea, kalitatedun merkataritza baita eta uriari aurrerabidea, ekonomia eta bizia ematen baitiote”.

Udalei ematen diren Sari Nazionalaz gain, Ministerioak beste bi ere ematen ditu: Saltoki Txikientzako Sari Nazionala eta Saltoki Irekietarako Sari Nazionala.

SARE SOZIALAK:

by

Bilboko saltokiak @bilbao_udala -era batu dira Emakume eta Neskatoaren Nazioarteko Eguna Zientzian ospatzeko!

Bilboko hainbat saltokik kartelak jarriko dituzte erakusleihoetan, otsailaren 11 ospatzeko, Emakumearen eta Neskatoaren Nazioarteko Eguna Zientzian. #ErakusleihoakO11 proiektua Bizilabe Bilbao ekintzen barruan kokatzen da, gazteei zuzendutako eta Bilboko Udalak eta Elhuyarrek bultzatutako ikerketa-zentroa.

Ekimenak, gainera, hiriko merkatarien 14 elkarteen laguntza du, emakumeak zientzian duen eginkizuna ikusaraztea eta balioestea du helburu, eta eremu horretan neskek eta gazteek dituzten bokazioak sustatzea.

Izena emateko epea laster amaituko da!

by

  • 100.000 pertsonak baino gehiagok –bilbotar nahiz turista– gozatu dute Gabonetan Areatzako kaian eta Erripako kaian egin diren jarduerez. #BilbaoGabonak udal proiektua, zifra horiei esker, Gabonetako aisialdiko, merkataritzako eta kulturako erreferente gisa finkatu da.

  • Guztira 62.279 lagunek erabili dituzte izotz ekologikozko pista eta sei erreiko txirrista. 25.158 haurrek Gabonetako ametsen faktoriaz gozatu dute, eta Gabonart Artisautza Azokak 175.526 bisita jaso ditu. 

Bilboko Udalaren #BilbaoGabonak proiektua aisialdiko, merkataritzako eta kulturako erreferente gisa finkatu da Gabonetan, eta parte-hartze arrakastatsua jaso du jarduera guztietan. Bai bilbotarrek, bai data hauetan bisitatu gaituztenek ondo hartu dute adin guztietako publikoei zuzendutako programazio hau.

Aurten ere, Areatza eta Erripako kaia #BilbaoGabonak programaren erdigune neuralgiko bilakatu dira; jarduera gehienak bertan egin dira, azaroaren 30etik urtarrilaren 7ra bitartean. 100.000 pertsona baino gehiago bildu dira espazio honetan, hiriko auzo guztietara jarduerak zabaltzen dituen bihotza. Izotz sintetikozko pistak bere 800 metro karratuak guztiz estalita izan ditu aurten. Izotz-pista eta sei erreiko txirrista material berritzaile, abangoardista eta jasangarriagoz eginda daude, eta aurten 36.732 eta 25.547 pertsona erakarri dituzte, hurrenez hurren: guztira 62.279 erabiltzaile izan dituzte.

Bestalde, Gabonetako Ametsen Faktoriak 450 metro karratuko karpa bat du. Erripako kaian kokatua dago eta bereziki haurrentzat diseinatutako jarduera piloa dauka. Guztira 25.158 ume hartu ditu.

Erripako kaian ere, hiriko tokiko komertzioen hogei bat etxolak gastronomiako, oparietako eta apainketako produkturik onenak eskaini dituzte. Gabonetako Azokak Gabonetako salmentak sustatu ditu, eta Gabonetan etorri diren bisitari eta turistei hiriaren eskaintza komertziala erakutsi die. Aire zabaleko gune ireki batean dagoenez, ezinezkoa da kalkulatzea zenbat jende etorri den. Batez ere arratsaldez gerturatu dira bisitariak, eta ia asteburu eta jaiegun guztietan.

Aurrez aurre, Areatzako kaian, Gabonart Artisautza Azoka hartu duen egitura handiak –edukiera mugatua izan duenak– zifra aipagarriak erregistratu ditu; guztira 175.526 bisitari izan ditu (aurreko edizioan baino 66.514 gehiago). Abenduaren 17a (igandea) egun bereziki aipagarria izan da, 19.638 bisitari hartu baititu guztira.

Zifra horiek, oro har, berretsi egiten dute Bilboko Udalak #BilbaoGabonak programaren alde egindako apustua, Gabonetako aisialdiko, merkataritzako eta kulturako erreferente gisa. Gogoan izan behar dugu ekimen hau azaroaren 29an hasi zela, hiri osoko argiak piztu aurretik, musika eta dantza ikuskizun batekin. Txikientzako instalazioak hurrengo egunean ireki ziren, azaroak 30, eta joan den igandera arte (urtarrilak 7) egon dira martxan.

SARE SOZIALAK: