by

  • Elementu berriak Moyua plazan eta Casilda Iturrizar parkean jarriko dira, eta datorren astean hasiko dira instalatze-lanak bakoitzerako aukeratu den lekuan, azaroan prest egon daitezen argiak pizteko ekitaldi ofiziala egiteko.

Badira aste batzuk Bilboko Udala lanean hasi dela datozen Gabonetan hiria argiztatuko duten argiak jartzeko. Hala, aurten ere, 1.500.000 led argik baino gehiagok beteko dituzte kolorez gure kale eta plazak.

Beraz, berriro izango ditugu Hiriko Gabonetako estanpa tradizionalak, hala nola Areatzako baso magikoa –ehun urtetik gorako 120 zuhaitz argiztaturik dauzkana–, Udalaren eraikin nagusiaren aurreko bola handia, Arriaga plazako arbolatzarra, Kale Nagusiko argi urdinak, baldosak, Olentzeroren eta Mari Domingiren irudiak edo urrezko balea handia…

Haiez guztiez gainera, aurten beste instalazio ikusgarri berri bi ere izango ditugu Moyua plazan eta Casilda parkean, Udalak erositakoak, 430.000 euroko zenbatekoan. Eta haiek jartzeko lanak datorren astean bertan hasiko dira.

Biek ala biek argia eta soinua uztartuko dituzte, eta hiriko Gabonetako paisaian beste erakargarritasun bat izango dira, ikusgarria eta soinuduna izango dena eta bilbotarren eta egun horietan bisitatuko gaituzten pertsonen flashak eta begiradak berenganatuko dituztenak.

SARE SOZIALAK:

by

  • Edizio horretan, hirian filmatutako filmei buruzko artikuluak daude, baita hiria zinemarekin lotzen duten testuak ere; aldizkariko lantaldeak egin du lan hori, Bilbao Bizkaia Film Commission–en laguntzarekin.

  • Urteetan zehar, bilakaera zinematografikoaren lekuko izan da Bilbo, eta, kasu askotan, hiriaren beraren eraldaketarekin batera gertatu izan da.

‘Versión Original’ zinemari buruzko aldizkari tematikoak 2024ko ale berezia aurkeztu du: ‘Bilbao en el cine’. Bertan, hiriaren eta zinemaren arteko loturari buruzko azterlan bat egin dute, Bilbao Bizkaia Film Commission-en laguntzarekin.

2020an ‘Versión Original’ aldizkariak Madril hiriari eskainitako ale berezi bat argitaratu zuen, eta hainbesteko oihartzuna izan zuen eta hainbeste interes sorrarazi zuen, ezen urtean behin horren antzeko azterlan bati eskaintzen dioten hilean behin plazaratzen duten aldizkaria. Horiek horrela, 2021ean Bartzelona hiria izan zen aldizkariaren agertokia, 2022an Salamanca eta 2023an Sevilla.

2024an, Bilbo izan da hiriaren eta zinemaren arteko loturari buruzko azterlanak hizpide hartu duen hiria. Edizio horretan, hirian filmatutako filmei buruzko artikuluak daude, baita hiria zinemarekin lotzen duten testuak ere; aldizkariko lantaldeak egin du lan hori, Bilbao Bizkaia Film Commission–en laguntzarekin.

Bilbao Bizkaia Film Commission-en helburua da filmaketak hirira eta lurraldera erakartzea; ildo horretatik, 2023an 151 ekoizpen filmatu dira bertan. Hala, ekoizleei eta profesionalei arreta ematen die, beren proiektuetarako agertokirik onenak aurki ditzaten. Bilboko Udalak eta Bizkaiko Foru Aldundiak bultzatutako zerbitzu horrek 58,5 milioi euroko eragin ekonomiko zuzena sortu zuen 2023an, hau da, 2021ean lortutako datuaren laukoitza; horrek erakusten du Bilbao Bizkaia Film Commission-ek lagundutako ikus-entzunezko proiektuek joera ona dutela.

Urteetan zehar, bilakaera zinematografikoaren lekuko izan da Bilbo, eta, kasu askotan, hiriaren beraren eraldaketarekin batera gertatu izan da. 1913ko La inauguración del campo de San Mamés filmetik hasi eta azken ekoizpenetaraino, hala nola Una vida tan simple (2023), zinemagintza gai izan da etengabe aldatzen ari den gizarte baten eguneroko bizitza, pasioak, tentsioak eta gatazkak erakusteko. Bilbok XX. mendearen erdialdean industriagune izatetik XXI. mendeko ikono kultural eta arkitektoniko izatera iristeko izan duen bilakaera zineman ere islatu da, non hiriko iraganaren eta orainaren arteko kontrasteak erakutsi baitira.

‘Versión Original’ aldizkaria 1993an sortu zen, eta gaur egun estatu mailan ibilbide luzeena duen aldizkarietako bat da, eta zinema aldizkari tematiko bakarra. ‘Versión Original’ ez da ohiko kritika zinematografikoak egiten dituen argitalpen bat; aitzitik, aldizkariaren testuetan filmak gomendatzearen xede bakarra honako hau da: gomendatutako zinta ikusteko nahia piztea irakurlearengan; modu horretan, proiektu kultural honetan parte hartzen duten guztiek partekatzen duten zazpigarren artearekiko grina sorraraztea eta sustatzea da bere asmoa. Lan hori ahalik eta kontu eta zorroztasun handienarekin garatzen da edukia idazterakoan, helburu nagusietako bat irakurketak eta idazketak beharrezkoa duten sustapena indartzea baita.

Gainera, aldizkariaren ezaugarri nagusia altruista eta humanitarioa da, bertan lan egiten duten pertsona guztiek eskuzabaltasunez eta elkartasunez lan egiten baitute, eta salmenten bidez lortzen diren irabaziak ReBross Fundazioak laguntzen dituen proiektu humanitarioetara bideratzen dira.

by

  • Best Real Estate Investment Destination kategorian saritu dute Bilbo, Zorrotzaurreko proiektuaren inguruan aurkeztutako hautagaitzari esker, berroneratze eta berrikuntza urbanistikoaren adibidea baita.

  • Higiezinen sektoreko The District ekitaldian izan da Bilboko Udala, eta NEBEXT antolatzaileak aintzatetsi egin du gure hirian aukerak sortzeari eta hiri-plangintzari dagokionez egindako lana.

Higiezinen inbertsiorako helmuga onenaren saria (Best Real Estate Investment Destination) eman diote Bilbori 2024ko World Class District Awards sarietan, Zorrotzaurren hiria berroneratzeko lanaren inguruan aurkeztutako hautagaitzari esker. Higiezinen sektoreari lotuta Bartzelonan egiten den The District ekitaldiaren antolatzaileak, NEBEXTek, urtero banatzen ditu sari horiek; aste honetan ekitaldi horretan izan da Bilboko Udala, Invest in Bilbao-ren bitartez.

Bilbok World Class District Awards sarietan parte hartzen duen bigarren aldia da, 2023an ondo merezitako finalista postua lortu ostean. Aurten, hautagaitza irabazleak hirigintza-berrikuntzaren, jasangarritasunaren eta etxebizitza eskuragarriaren aldeko apustua izan du ardatz, lankidetza publiko-pribatuaren ikuspegitik.

Best Real Estate Investment Destination sariak higiezinen inbertsioa bultzatzeko politika onenak bultzatzen dituzten erakundeak aintzatesten ditu. Ildo horretatik, egindako lana aitortzeaz gain, aukera paregabea da Bilbo hiri dinamiko eta ireki gisa indartzeko, non higiezinen sektoreak funtsezko zeregina baitu.

SARE SOZIALAK:

by

  • Bilboko Udalak eta Bizkaiko Foru Aldundiak “Design Week 2023” diseinuaren astearen bederatzigarren edizioa antolatu dute, sormen-industriak sustatzeko, hiriaren eta lurraldearen garapen ekonomikorako eta nazioarteko proiekziorako faktore izan daitezen.

  • Azaroaren 16tik 26ra hirurogei jarduera baino gehiago egingo dira: hitzaldiak, mahai-inguruak, tailerrak, proiektu berriak, bisitak, desfileak, erakusketak, networkingak, hitzaldiak, performanceak…

  • Zabalgunea proiektuaren epizentroa izango da eta gaur arratsaldean “Arrezife moduan artikulatuz” irekiera-ekitaldia egingo da, azpiegitura irekia eta trantsizioan dagoena sortuko duen elkarlaneko ekosistema baterako metafora. Inaugurazio-ekitaldian, diseinua gastronomian aplikatuko da Bokat by Etxanobe lagun duelarik.

  • Beste nobedade batzuen artean, Zabalguneak erakusketa bat izango du – eguneko esperientzien fruitua –, astean zehar Kuntshal AIZko ikasleek eta adituek eraikiko dutena, Gheada estudioaren bitartekotzarekin.

Bilboko Udalak eta Bizkaiko Foru Aldundiak “Bilbao Bizkaia Design Week 2023” astearen beste edizio bat jarriko dute abian, Euskadin diseinuaren munduari buruzko erreferentziazko ekitalditzat hartzen dena. Jarduera-programa zabala izango du astebetez baino gehiagoz.

Erakunde bietako arduradunek, Xabier Ochandiano Ekonomiaren Garapeneko, Merkataritzako, Turismoko eta Enpleguko zinegotziak eta Ainara Basurko Ekonomia Sustapeneko diputatuak aurkeztu dute gaur arratsaldean 18:00etan hasiko den eta azaroaren 26ra arte iraungo duen jaialdia.

Guztira 60 ekitaldi baino gehiago antolatu dira solasaldien, mahai-inguruen, tailerren, proiektu berrien, bisiten, desfilen, erakusketen, networkingen, hitzaldien, performanceen eta abarren artean. Horietako asko, lehen aldiz, Bilboko Zabalgune eraikinean bilduko dira, diseinuaren gune nagusi eta profesionalen, ikasleen eta, oro har, herritarren arteko topagune izan dadin.

Horretarako, eta berrikuntza modura, egun hauetan guztietan, adituen parte-hartzearekin batera, Zorrotzaurreko Kuntshal AIZko ikasleek beren inplikazioa erakutsiko dute edizio honetarako beren beregi egindako erakusketa baten bidez. Egitura batzuetan hainbat objektu jarriko dira, Design Week asteko jardunalgi guztietan Zabalgunean gertatzen diren esperientzien emaitza modura.

Era berean, eta diseinua “leku guztietan” dagoela erakusteko, baita gastronomian ere, arratsaldeko inaugurazio-ekitaldian BOKAT by Etxanobe aurkeztuko da, sukaldaritzako zuzeneko showa, “ogitartekoa” protagonista duena, sukaldaritzaren munduan uztartzeko proposamen gisa, Fernando Canales chef ezagunak asmatua.

UNESCOREN HIRI SORTZAILEAK

Jaialdiaren arrazoia da Bilbo 2015ean sartu zela UNESCOren Hiri Sortzaileen Sarean, Diseinuaren kategorian. Harrezkero, Bizkaiko Foru Aldundiak eta Bilboko Udalak topaketa hau antolatu dute EIDE-Euskal Diseinuaren Elkartearen lankidetzarekin eta sektoreko eragileek beraiek proposatutako jardueren etengabeko inplikazioarekin.

Diseinua eta sormen-industriak sustatzea du helburu, uriaren eta lurraldearen garapen ekonomikorako eta nazioarteko proiekziorako faktore modura, sormen-eragileen, haien aniztasunaren eta haien harremanen garrantzia azpimarratuz, bai sormen-sektoreen artean, bai beste esparru ekonomiko eta sozial batzuekin.

Bilbok eta Bizkaiak 5.881 enpresa dauzkate sormen-jardueretan. Enpresa horiek 20.652 pertsona enplegatzen dituzte eta enpresa guztien % 6,7 eta uribilduaren eta lurraldeko enpleguaren % 4,5 osatzen dute. Bilbon eta Bizkaian sormen-sektoreak gora egin du berriz ere 2022an, enpresa-kopuruan (+% 0,6) eta, gehiago, sortzen duten enpleguan (+% 3,0). Sorkuntza-sektore horretako enpleguari dagokionez, nabarmentzekoa da bideojokoen eta softwarearen jardueretan, publizitatean, argazkigintzan eta zinema eta bideoaren industrietan izandako hazkundea.

Xabier Ochandianok eta Ainara Basurkok azaldu dutenez, desafioetako bat da gizarte osoak parte hartzea uriaren eraikuntzan, modu adeitsuagoan, jasangarriagoan eta bizigarriagoan, diseinua leku guztietan baitago. “Gure janzkera, aparatu eta tresna berriak, ekoizpen- edo logistika-sistemak, portaerak eta esperientziak, mota guztietako espazioak, unibertso grafikoak eta ingurune digitalak, politika publikoak eta plan estrategikoak diseinatzen ditugu. Elkarrekin egiten ditugu uria eta lurraldea, eta, horretarako, ondo diseinatu behar ditugu.”

ARREZIFEA BILBON: ARTIKULAZIOA

BBDW23 honen irekiera arrezife batean metaforikoki murgiltzeko gonbidapena da. Arrezifea elkarlaneko ekosistemaren adibidea da, ARTIKULAZIOA programari forma emateko balio izan duena, hori baita edizio honen izen generikoa.

Arrezifea itsas metaketa bat da, bizitzeko egokia den habitat bat osatzen duten material natural edo artifizialak mihiztatuz osatua. Eko-sistema horretan, organismo-aniztasun handiak, elkarren artean lotuta, ingurune horren garapen jasangarria eta erresilientea lortzen laguntzen du. Azpiegitura irekia, beti trantsizioan, lotura, trukea eta lankidetza errazten dituena.

ARTIKULAZIOAk diseinuari buruz hurbiltzea eta hausnartzea proposatzen du, norabide bikoitzean. Alde batetik, diseinuak antolatzen, ekoizten edo bizi garen moduetako hobekuntzarekin eta berrikuntzarekin duen harremanari dagokionez, gizarte modura dauzkagun desafioei eta beharrei aurre egiteko. Eta, bestetik, forma horiek diseinuaren ekosistemari berari ere nola eragiten dioten eta nola hobetu dezaketen, harreman kolaboratiboagoak sustatuz, bai diseinuaren eragileen eta azpisektoreen artean, bai sormen-, ekonomia- eta gizarte-esparruekin.

Hala, BBDW23 Bilbo eta Bizkaiko diseinuaren arrezifean murgiltzeko gonbidapena da. Arrezife hori sinbolikoki gauzatzen da Zabalgune eraikinean, BBDW23ren topagune nagusia baita. Eraikinaren atarian, astean zehar, modu organiko eta interaktiboan, arrezife bat populatuz, artikulatuz eta aberastuz joango da, programazioko protagonistek ekarritako materialen uztarketarekin, parte-hartzaileen inpresioekin, prozesuen arrastoekin eta jardueren erregistroekin osatua.

ERAKUSKETA, MUSIKA…

Arrezifea BBDW23 honetan inplikatuta dauden eragileen arteko artikulazioaren emaitza da, interdependentziaz lan eginda posible izan dadin. ARTIKULAZIOAn esploratu nahi denaren berariazko adibidea. Crisiscreativa-k edizio honen identitate bisuala biziarazteko erabili dituen diatomeetatik abiatuta ColaBoraBorako komisariotzak burutu duen proposamena.

Arrezifeari eusten dion egitura IED Kunsthal-ek sortu du ikasleekin egindako diziplina arteko diseinu-prozesuan. Eta Arrezifean bizi ahal  izateko  eta  Arrezifeari bizia emateko dinamizazioa Gheada-ren proposamena da, bi bitartekaritza-jardueraren bidez bisitarien eta parte-hartzaileen inplikazioa bilatuz, Mikro kontakizunak: Testigantzak mikroskopioan, eta Urpeko laborategia: Ekosistemak diseinatzen.

Bestalde, BOKAT by Etxanobe arduratuko da bertan bizi diren izakiak elikatzeaz, eta ogitartekoa mihiztadura gastronomikoaren proposamen gisa hartzen du. Eta hori guztia, Arketypo musikari esperimentalak ekitaldi honetarako sortutako koral taupakarien soinu-giroan bilduta.

PROGRAMAZIO ASKOTARIKO ETA BANATUA

BBDW23k diseinuarekin eta haren praktikekin lotutako jardueren programazio zabala eta askotarikoa du. Zabalgune eraikineko atarian, arrezifeari bizia emateaz gain eta BBDW23 irekitzeko eta ospatzeko jarduerak jasotzeaz gain (KAIXO!rekin azaroaren 16an eta OSPATU!rekin 24an), beste jarduera asko ere egingo dira.

Gaikako topaketak eta tailerrak, hala nola Euskal Herriko Kosorkuntza Ekosistemak antolatutakoak antolamendu-eredu berriak esperimentatzeari buruz, E-kin komunitatearen topaketa, Sororidad-ekin egindako diseinua (Pentsa kutxa barne), ekonomia zirkularrari eta ekodiseinuari buruz (Bilbao Ekintza eta Ihobe), trantsizio jasangarriei buruzko Europako T-Factor proiektuaren esperientzia, berrikuntza-ekosistemak aktibatzeko funtsezko pieza gisa dinamizatzeari buruz (Urbegi Sozial Impact-ek antolatua), Bilbao Ekintzatik bizitza-luzera berriari buruz, Diaradesign-etik pentsamendu sistemikoari buruz, Otzarreta-k antolatutako Habitat Inspiration konferentziak edo Merkatutik mahaira aurkeztea, Urbanbat jaialdiaren aurrerapen gisa.

PERFORMANCEAK, DESFILEAK…

Baina programazioa uriko eta lurraldeko beste leku askotara zabaltzen da. DATA Collective-ek jarduera-programa osoa proposatzen du Artiach fabrikan, En el pasillo erakusketaren inguruan. Erakusketa amaitzeko, pieza bakarren enkantea eta Spiritus Mundi performancea daude. Hainbat tailer: Javirroyo-ren sormen espresa, Shyncrica-ren sareetarako edukiak edo artisten arteko sareak ehuntzea ondasun komunerako, LEINN Arts-ek proposatua, edo Metamerism-ena, Objeto-k Andrea Forapani-rekin antolatua sorkuntza digitalaren eta artisautzaren arteko elkarguneari buruz.

Aste honetan, gainera, DUARAk antolatutako Del desecho a la moda zuzeneko diseinuaren lehiaketa eta Didi Models-en moda inklusiboko desfilea edo Estudio Bokashi ikusteko aukera ere izango ditu, ehun-alternatibei buruzko proba- eta akats-prozesuak erakusteko, birsortzaileak eta autosufizienteak. Quarkart-ek antolatutako Iraunkortasuna martxan topaketak Urdaibaiko Ekoetxera garamatza. Programazio zabala Perrera eraikinean (ekipamendu berria Basurtu auzoan), batez ere gazteentzat.

Gainera, urtero bezala, EIDE elkarteak hainbat jarduera antolatu ditu, hala nola Begihandi, Open Studio, Portfolio Night edo Talentu Gazteak, diseinuaren panorama profesionala erakusteko, publiko berrietara zabaltzeko edo belaunaldien arteko harremanak sustatzeko.

Halaber, programazioaren zati handi baten progratonista lana eta talentua da, diseinu-eskolen eta unibertsitate-zentroen ekosistema gero eta aberatsagotik ateratzen dena. Horiek sarrera-tailer asko eskaintzen dituzte beren prestakuntza-eskaintzaren erakusgarri. Networking eta polinizazio gurutzatuko topaketak, hub eta elkarte sektorial desberdinek dinamizatuta. Horiekin batera, erakusketak eta jaialdiak, hala nola Bideotikan, FIG Bilbao, Selected’23, Simbiotopía edo This is Basque Design Merkatua.

Programazio guztia webgune honetan aurki daiteke: www.bilbaobizkaiadesignweek.eus

by

  • 12,2 milioiko azken aurrekontua erreferentziatzat hartuta, Grand Départ Pays Basque 2023an inbertitutako euro bakoitzeko itzulkina 8,5 eurokoa izan da.

  • Ikertaldek egindako azterketaren arabera, ekitaldiak 904 enpleguren baliokidea den jarduera ekonomikoa sortu du, zergetan ia 19,5 milioi berreskuratzeaz gain.

  • Tourraren irteera handiak herritarren % 91ren babesa jaso du, eta % 86k uste du poztasun une handiak sortu dituela Euskadin.

Grand Départ Pays Basque 2023 ekimenak 103,9 milioi euroko inpaktua izan du Euskadiko ekonomian. 12,2 milioiko azken aurrekontua izan duen ekitaldiaren batzorde antolatzailearentzat Ikertaldek egindako txostenetik ondorioztatzen den datu nagusia da.

Beraz, inbertitutako euro bakoitzak 8,5eko itzulera ekarri du. Datu horien arabera, ekitaldiak urtekotutako 904 enpleguren baliokidea den jarduera ekonomikoa sortu du, 58 milioi BPG baino gehiago sortzeaz gain, garatutako jardueraren ondorioz, eta diru-kutxa publikoetarako ia 19,5 milioi biltzeaz gain.

Bingen Zupiria Eusko Jaurlaritzako Kultura eta Hizkuntza Politikako sailburuak gaur goizean Euskalduna Jauregian eman dituen datu nagusiak dira. Juan Mari Aburto (Bilboko Alkatea), Xabier Ochandiano (Bilboko Udaleko Garapen, Merkataritza, Enplegu eta Turismoko Zinegotzia), Cristina Múgica (Bizkaiko Foru Aldundiko Lurralde-Lehiakortasuneko eta Turismoko Zuzendaria), Eduardo Aguinaco (Arabako Foru Aldundiko Arlo Estrategikoen Zuzendaria) eta Susana Alfonso (Gasteizko Udaleko Kirol eta Osasun Zerbitzuko Zuzendaria) ordezkariekin batera, Eusko Jaurlaritzako bozeramaileak Ikertaldek, estatistikaren, ebaluazioaren eta aholkularitzaren arloan hogeita hamar urte baino gehiagoko esperientzia duen enpresak, egindako azterlan osoa aurkeztu du.

Zifra aipagarrienak zehaztu aurretik, Zupiriak balioa eman nahi izan dio Grand Départ Pays Basque 2023 izan denari, “herri proiektu handi bat, maila goreneko erakunde arteko lan handia, aitzindari atal askotan, mundu mailako ekitaldi antolatzaile handienetako baten, Frantziako Tourraren, aintzatespena eta zorionak jaso dituena. Nazioarte mailan ekitaldi handiak egiteko leku erakargarrien ligan Euskadik duen lekua eta irudia indartu da euskal gizarteak egindako esfortzu handiari eta erakutsitako konpromisoari esker, gertaera arrakastatsua izan dadin dena eman duelako“, nabarmendu du sailburuak.

INPAKTU EKONOMIKOA

Txostenak 103,9 milioitan balioesten du Grand Départ Pays Basque 2023ak euskal ekonomian izan duen eragina. Ekitaldiak 12,2 milioiko azken aurrekontua izan du, eta Euskadiko zazpi erakunde nagusiak inplikatu ditu, hala nola Eusko Jaurlaritza, 3 aldundiak eta hiru hiriburuetako udalak. Ekitaldia prestatzeko eta garatzeko, antolakuntza-batzorde bat sortu eta martxan jarri behar izan zen, munduko hirugarren kirol-ekitaldi handiena antolatzeak eskatzen zituen behar guztiak biltzeko, garatzeko eta horiei erantzuna emateko.

Euskadiko historian mugarri handi hau aurrera ateratzeko egindako 113 zerbitzu-kontratuetatik 104 euskal enpresek kudeatu dituzte, % 92. Kontratek, askotan, maila operazional eta teknologiko handiagoan bultzatu dituzte enpresak, proiektuaren konplexutasunarekin, dimentsioarekin eta proiekzioarekin lotuta, bai eta produktu eta zerbitzu berriak sartzearekin ere.

Bestalde, Grand Départ Pays Basquek 54 milioi euroko zeharkako inpaktua izan du euskal ekonomian. Kopuru horren barruan sartzen dira Tourrera bertaratzen diren eta antolakuntzatik kanpoko pertsonek egindako gau-gastuak, erosketak, garraioa edo jarduerak, baita tokiko publikoak berak eragindakoak ere.

INPAKTU SOZIALA

Txostenak nabarmentzen duenez, euskal herritarren % 91 Frantziako Tourraren 110. edizioko irteera handia antolatzearen alde agertu dira, eta Euskadik helmuga turistiko gisa duen posizionamendua hobetu dela uste dute. Ehuneko berak azpimarratzen du egun horietan Euskadi izan zela munduko albiste eta gertakarien erdigunea. % 82k uste du Tourraren irteerak Euskadiko gizartea integratzeko balio izan duela, eta % 86k zoriontasun-uneak eragin dituela. Gainera, % 80a harro agertu da munduko txirrindularitza probarik garrantzitsuena gure errepideetatik igaro delako. Herritarren % 85ek uste du antzeko ekitaldi gehiago ekarri behar direla.

GRAND DÉPART DELAKOAREN ZUZENEKO JARRAIPENA

Herritarrak bete-betean murgildu ziren nazioarteko kirol-ekitaldi handienetako bat bertatik bertara disfrutatzeko. Grand Départ Pays Basquek milioi bat pertsona inguru (988.000) bertaratu zituen bere ekitaldi nagusietara. Bilbon irteera eta helmuga izan zuen inaugurazio egunean 364.000 pertsona inguru bildu ziren. Bestalde, 294.000 lagun inguru bildu zituen Vitoria-Gasteiz eta Donostia lotu zituen bigarren etapak. Hirugarren eta azken etapak, Amorebieta-Etxano eta Baiona artekoak, 179.000 bizilagun batu zituen Iruneraino. Publiko horren % 30a, gutxi gorabehera, Euskaditik kanpotik etorritako bisitariak izan ziren.

Datu horiei gehitu beharko litzaizkieke ekainaren 29an taldeen aurkezpen ofizialera hurbildu ziren 45.000 pertsona inguru eta ekainaren 29tik uztailaren 1era Bilboko Areatzan kokatu zen Fan Park zaleentzako gunea bisitatu zuten beste 106.000 lagun; kopuru hori errekorra izan da Tourraren historian, 2019an Bruselak lortutako 78.000 bisitariak gaindituz.

JARRAIPEN MEDIATIKOA

Frantziako Tourraren handitasuna itzela da. Adibidez, Europan bakarrik 150 milioi ikus-entzulek zuzeneko 750 milioi telebista ordu ikusi dituzte. Edota lasterketa mundu osoko ia 200 telebistatan ikusi ahal izatea. Datu orokor horiez gain, Grand Départ Pays Basquek, kirol-ekitaldiaren mugarri nagusietako bat den aldetik, 4,1 milioi pertsona bildu zituen estatuan telebistaren aurrean, lehen hiru etapez gozatzeko. EITBk 600.000 lagunetik gorako audientzia metatua izan zuen hiru egun horietan, eta inaugurazio egunean % 19ko audientzia izan zuen. Tour osoan, EITBk 460.000 erabiltzaile bakar pilatu zituen, bere emanaldien historian mugarri bat.

Irteera handiko webgune ofiziala (letour.euskadi.eus), lau hizkuntzatan, ia 300.000 erabiltzailek 420.000 saio sortu zituzten, horietatik % 20k baino gehiagok zuzeneko sarbidea izan zuten, eta horrek erakusten du zer-nolako garrantzia izan zuen zaleentzako informazio- eta entretenimendu-tresna gisa. Gaitutako sare sozialak ere komunikazio-kanal oso garrantzitsu eta aktibo bihurtu ziren, 16.000 jarraitzaile ingururekin, 9,5 milioiko irismenarekin, inprimaketekin eta bistaratzeekin, martxan jarritako lau sareak gehituz: X (lehen Twitter), Facebook, Instagram eta Youtube.

Grand Départ Pays Basque ekitaldiaren eragin mediatikoaren barruan sartzen dira, halaber, idatzizko hedabideetan, telebistan, irratietan eta hedabide digitaletan prozesu osoan zehar izan diren argitalpen guztiak, Parisen “Trophy Tour” jaso zenetik hasi eta Florencia Emilia – Romagna-n egoitza berri gisa entregatu arte. Tarte horretan, 18.000 argitalpenetan agertu da Grand Départ Pays Basque 2023, eta horien % 88 aldi “nagusian”, taldeen aurkezpenaren eta hirugarren etaparen artean. Argitalpen horiek 69.000 milioi baino gehiagoko audientzia-kopuru potentziala izan dute, % 89 aldi nagusian. Audientzia horrek sortutako kontrabalio ekonomiko baliokidea 115,2 milioi eurokoa dela kalkulatu da. Beste era batera esanda: hedabideetan lortutako presentzia lortzeko 115,2 milioi euro inbertitu beharko ziren.

by

  • Bilbo 24. postura iritsi da bilerak, sustapen-bidaiak, konferentziak eta erakustaldiak egiteko destino jasangarriak diren nazioarteko 100 hiri erakargarrienen artean.

  • Global Destination Sustainability rankinga gizarte, ekonomia zein ingurumenaren ikuspegitik jasangarritasuna bultzatzeko estrategia bateratuak sortzea helburu duen hiriek osatzen dute.

Bilbo mundu mailako zazpigarren hiri ertainik onena bihurtu da Global Destination Sustainability indizean. Gizarte, ekonomia zein ingurumenaren ikuspegitik estrategia bateratuak sortzearen aldeko konpromisoari estuen lotuta nazioarteko 100 hirien nazioarteko ranking honetan, Bilbok 24. postua lortu du eta horrenbestez, ongien sailkatuta dagoen Estatuko hiria da.

Honek esan nahi du Bilbok 9 postuko igoera izan duela 2022ko emaitzen aldean, eta sekulako jauzia egin duela 2021ean, Bilbok Global Destination Sustainability rankingari atxiki zitzaion urtean, lortu zuen 42. postuarekin alderatuta.

Global Destination Sustainability indizea bilerak, sustapen-bidaiak, konferentziak eta erakustaldiak egiteko (MICE sektorea) destino jasangarrien nazioarteko rankinga da, eta funtsezko oinarritzat baloratzen du 71 itemen bidez NBEren 2030 Agendaren Garapen Jasangarrirako Helburuekin bat egitea. Gure hiriaren kasuan, Bilbao Convention Bureauk eta bere hornitzaileek “Bilbao Arima Berdea” izeneko lan-batzorde iraunkorraren barruan inplementatu dituzten hobekuntzak baloratu dira.

Indize horrekiko atxikimenduak, Bilboko Udala buru, garapen jasangarria hobetzeko dinamika bat ezarri eta tokiko eragileek jasangarritasunaren arloan egiten duten lana aitortzea du helburu, gure hiriarekiko konfiantza bultzatzeko nazioarteko ekitaldien antolaketari dagokionez. Tokiko eragileekin batera, Bilboko Udalak MICE sektorean (kongresuak eta ekitaldiak) duen lehia-abantaila handitzea bilatzen du; izan ere, osasun-krisiaren aurretik urtean 1.300 bilera egin ziren hirian, eta pixkanaka jarduera lehengoratzen ari da.

GLOBAL DESTINATION SUSTAINABILITY

GDS indizea, Nazioarteko Kongresu eta Konbentzioen Elkarteak (ICCA), IMEX Groupek, European Cities Marketingek (ECM) eta MCI Groupek elkarlanean egina, sektoreko profesionalak batzen dituen destino jasangarrien mugimenduari atxikita dago. Helburua estrategiak sortzen laguntzea da, destinoak jasangarriagoak izan daitezen gizarte-, ekonomia- eta ingurumen-arloan. Aurten, Göteborg, Liverpool, Washington eta Sydney hiriak daude rankingaren buruan.

SARE SOZIALAK

by

  • Eurocities Europako metropoli sareak 38 herrialdetako 200 hiri baino gehiagoko 130 milioi pertsona ordezkatzen ditu, eta sare horrek Bizkaiko hiriburua hautatu du datorren urteko Garapen Ekonomikorako Foroa egiteko.

  • Xabier Ochandiano Bilboko Udaleko zinegotziaren ustez, “berri bikaina da, berriro ere nazioarteko fokuan jartzen gaituena, etorkizuneko erronka handiak zehaztuko dituen topaketa baten lidergoa hartzeko“.

Bilbo Eurocities sarearen Garapen Ekonomikorako Foroaren egoitza ofiziala izango da 2024ko urriaren 23an, 24an eta 25ean. Foro horretan, Europako hiri nagusietako alkateak eta liderrak bilduko dira, bai eta Europar Batasuneko arduradun eta funtzionario ugari ere, erronka global handiei aurre egiteko hirien berrikuntzarekin eta paperarekin lotutako hainbat gai eztabaidatzeko.

Garapen Ekonomikorako Foroa urtero egiten den topaketa bat da, besteak beste hiri-garapenaren, tokiko politika ekonomikoen, berrikuntzaren eta ekintzailetzaren eta nazioarteko harreman ekonomikoen arloko ideiak eta jardunbide egokiak elkarrekin trukatzeko plataforma gisa balio duena. Helburua da hiriak eragile nagusi gisa kokatzea arlo ekonomikoan, era horretan bermatu ahal izan ditzaten herritarren ongizatea, berdintasuna, kohesio soziala eta abar.

Xabier Ochandiano Udaleko Ekonomiaren Garapeneko, Merkataritzako, Turismoko eta Enpleguko zinegotziak adierazi du Bilbo topaketa horren egoitza izateko hautatzea “berri bikaina dela, berriro ere nazioarteko fokuan jarriko gaituelako, ditugun erronka handien aurrean etorkizuna aurreikusteko eztabaidetan lidergoa hartzeko“.

Eurocities sarearen Garapen Ekonomikorako Foroa Europako beste hiri batzuetan ere egin da lehenago; esaterako, Helsinki, Mannheim, Oulu edo Munich hirietan, eta hiru lantalde hartzen ditu ardaztzat:

  • Bidezko Trantsizioaren finantzaketa: azpiegitura klimatiko, energetiko, digital eta sozialetan tokiko inbertsioa mobilizatzean oinarritzen da.
  • Berrikuntza eta Ekintzailetza: hainbat gaitan interesa duten hiriak biltzen ditu. Gai horien artean daude berrikuntza-ekosistemak, laborategi bizidunak eta proba-bankuak, gaikuntza-estrategiak, inkubazioa eta abar. Bilbon egin zen lantalde horren topaketa 2022ko urrian.
  • Hiriaren branding-a eta nazioarteko harreman ekonomikoak: enpresak eta talentua erakartzeko branding-estrategiekin, turismo jasangarriarekin, hiriguneak berroneratzearekin eta abarrekin lotutako gaiak ardaztzat hartzen ditu.

EUROCITIES, EUROPAKO HIRI HANDIEN KOMUNITATEA

Xabier Ochandiano zinegotziak azaldu duenez, hogeita hamazortzi herrialdetako berrehun hiri baino gehiago daude sare horretan, eta hiri horietan ehun eta hogeita hamar milioi herritar baino gehiago bizi dira. “Bilboren kasuan —esan du—, badira hogei urte baino gehiago Hiria Eurocities erkidegoaren parte dela.

Eurocities hiriek bertako biztanleen bizi-kalitatea hobetzeko egiten dute lan. Herritarren ongizateari zuzenean eragiten dioten gaiei buruzko ezagutza eta jardunbideak trukatzen dituzte elkarrekin; esaterako, klima-aldaketari, egokitzapen energetikoari, mugikortasun jasangarriari, hiri-zahartzeari, lankidetzari edo migrazioari eta integrazioari buruzko gaien inguruan.

Eurocities sareak tokiko gobernuei ere laguntzen die Europar Batasunak aldarrikatzen dituen politikak praktikan jartzen, eta Europar Batasunak eskaintzen dituen finantzaketa-aukerak lantzen ditu.

SARE SOZIALAK:

by

  • La red de metrópolis europeas Eurocities, que representan a 130 millones de personas pertenecientes a más de 200 ciudades de 38 países, ha elegido la capital vizcaina para la celebración del Foro de Desarrollo Económico del próximo año.

  • Para el concejal del Ayuntamiento de Bilbao, Xabier Ochandiano, se trata de una “excelente noticia que nos coloca de nuevo en el foco internacional liderando un encuentro donde discernir grandes retos de futuro”.

Bilbao se convertirá los días 23, 24 y 25 de octubre de 2024 en la sede oficial del Foro de Desarrollo Económico de la red Eurocities, que reunirá a alcaldes, alcaldesas y líderes de las principales ciudades europeas, así como a un número considerable de responsables y funcionarios de la Unión Europea, para abordar distintos asuntos relacionados con la innovación y el papel de las ciudades para abordar los grandes desafíos globales.

El Foro de Desarrollo Económico es un encuentro anual que sirve de plataforma para el intercambio de ideas y buenas prácticas en materia de desarrollo urbano, políticas económicas locales, innovación y emprendimiento y relaciones económicas internacionales, entre otras. El objetivo es situar a las ciudades como actores principales en materia económica para garantizar el bienestar de la ciudadanía, la igualdad, la cohesión social, etc.

La elección de Bilbao como sede de este encuentro ha sido calificada por el Concejal de Desarrollo Económico, Comercio, Turismo y Empleo del Ayuntamiento, Xabier Ochandiano, como “una excelente noticia que vuelve a colocarnos en el foco internacional, en esta ocasión, para liderar debates donde discernir el futuro ante los grandes retos que se nos plantean”.

El Foro de Desarrollo Económico de la red Eurocities ha recalado previamente en distintas ciudades europeas, como Helsinki, Mannheim, Oulu o Munich, y se lleva a cabo  en torno a tres grupos de trabajo:

  • Financiación de la Transición Justa: se centra en la movilización de la inversión local en infraestructuras climáticas, energéticas, digitales y sociales.
  • Innovación y Emprendimiento: reúne a ciudades interesadas en temas como ecosistemas de innovación, laboratorios vivientes y bancos de pruebas, estrategias de capacitación, incubación, etc.  Bilbao acogió el encuentro de este grupo de trabajo en octubre de 2022.
  • Branding de la ciudad y relaciones económicas internacionales: se centra en temas relacionados con las estrategias de branding para la atracción de empresas y talento, turismo sostenible, regeneración de centros urbanos, etc.

EUROCITIES, LA COMUNIDAD DE LAS GRANDES CIUDADES EUROPEAS

Como ha explicado el Concejal, Xabier Ochandiano, más de doscientas ciudades de treinta y ocho países diferentes forman parte de esta red, que representa a más de ciento treinta millones de ciudadanos y ciudadanas. “En el caso de Bilbao, – ha dicho– la Villa lleva más de veinte años formando parte de Eurocities.

Las ciudades de Eurocities trabajan juntas con el fin de mejorar la calidad de vida de sus residentes. Intercambian el conocimiento y el saber hacer sobre temas que impactan directamente en el bienestar de la ciudadanía, como el cambio climático, la adaptación energética, la movilidad sostenible, el envejecimiento urbano, la cooperación, o la migración e integración.

La red Eurocities también ayuda a los gobiernos locales a poner en práctica las políticas que promulga la Unión Europea, y trabaja las oportunidades de financiación comunitaria.

REDES SOCIALES:

by

  • B Accelerator Tower zentroak, lehenengo urteurrenaren harira, Innovation Week jardunaldiaren lehenengo edizioa antolatu du. Bertan, teknologia, hazkuntza, sormena eta berrikuntzako alorrak jorratzen dituzten balio handiko edukiak eskainiko dira hiru egunez; nazioarteko hizlariek hartuko dute parte, eta proiektu berritzaileetan, enpresetan eta startup arrakastatsuetan —hala nola Hawkers, CAF, IKEA, BBVA Spark, Google o Microsoft — aritzean izandako esperientzia azalduko dute.

2022ko irailaren 19an inauguratu zenetik, nabarmenki hazi da BAT, eta erreferente bihurtu da Bizkaia eta Euskadiko ekintzailetza eta berrikuntzako ekosisteman. Lankidetza publiko-pribatuko eredu bakarrarekin, BATek startupak, enpresak, teknologia-zentroak eta inbertitzaileak biltzen dituen erkidego sendoa eratu du; horiek guztiak nazioartean konektatuta daude, konponbide berritzaile berriak eta teknologiako proiektu trinkoak abian jartze aldera.

BAT Innovation Week jardunaldiaren lehenengo edizioaren hasieran, lehenengo jarduera-urtearen balantzearen berri eman du zentroak. Honako hauek hartu dute parte ekitaldian: Bizkaiko Ahaldun Nagusiak, Elixabete Etxanobe; Eusko Jaurlaritzako Teknologiako, Berrikuntzako eta Eraldaketa Digitaleko sailburuak, Estíbaliz Hernáez; Bilboko Udaleko Garapen Ekonomiko, Merkataritza eta Enpleguko zinegotziak, Xabier Ochandiano; eta BAT B Accelerator Tower zentroko zuzendariak, Eriz Sainz.

Lehenengo jarduera-urtean, % 85 igo da BATeko kide presentzialen kopurua; hala, gaur egungo okupazioa % 110etik gorakoa da. BATeko erkidegoa hazi da eta 73 startupek eta 41 enpresek osatzen dute gaur egun. Horrez gain, BATCommunity izeneko erkidegoa aberastu da honako hauek sartzearekin batera: inbertitzaileak, unibertsitateak, zientzia nahiz teknologiako eragileak, klusterrak eta elkarteak. Halaber, erkidegoko kideen artean berrehun konexio baino gehiago ezarri dira, zeinei esker proiektu teknologiko eta berritzaileak sortu baitira.

Nazioartean, BATek 6 ordezkaritza jaso ditu Israel, AEB, Mexiko edo Finlandia bezalako herrialdeetatik. Guztira, ahalmen handiko 55 startup jaso ditu, eta 100 bilera baino gehiago egin dituzte ekosistemako korporazio eta eragileekin. Gainera, irailean bertan, BATek Finlandiatik datozen 9 enpresa berrien ordezkaritza bat hartu du, eta urtea amaitu arte Startups Txiletik, UKtik, Frantziatik eta Alemaniatik etorriko dira.

ETORKIZUNERA BEGIRA

BAT eta bere erkidegoarentzako albisterik zirraragarriena da 2024an hastea bigarren fasea. Zabalkuntza horrek barne hartuko du bost solairu berri eta 4.000 metro karratu gehitzea gaur egungo espazioari. Diseinu berritzailearekin, bost solairu berri horiek proiektu teknologikoak eta disruptiboak hartzea izango dute helburu, horretarako gaitutako coworking-eko guneetan.

Etorkizunera begira, BATek jarraituko du ekarpen baliotsuak egiten eta sendotuko du berrikuntzako ekosisteman lider gisa duen posizioa. Nazioarteko jarduerari dagokionez, nazioarteko startupei egonaldi murgiltzaileak eskainiko zaizkie, orain arte izandakoak baino luzeagoak izango direnak, lurraldea nahiz ekosistema hobeto ezagutu ditzaten, hirugarrenekin lankidetzan aritzeko nahiz beren proiektuak Bizkaiarentzat erakargarriak izateko aukerak areagotze aldera; ibilbide horri hasiera emango dio Koreako startup baten ordezkaritzak, zeina hurrengo asteetan helduko baita.

INNOVATION WEEK

Lehenengo urteurrena ospatzearekin batera, BAT B Accelerator Tower zentroak Innovation Week-en lehenengo edizioa antolatu du. Irailaren 19a eta 21a bitartean egingo da ekitaldia, eta Europako hegoaldeko berrikuntza nahiz ekintzailetzako egutegian mugarrietako bat izango dela dirudi.

Teknologia, hazkuntza, sormena eta berrikuntzako alorrak jorratzen dituzten balio handiko edukiak eskainiko dira hiru egunez; hizlariek hartuko dute parte, eta proiektu berritzaileetan, enpresetan eta startup arrakastatsuetan —hala nola Hawkers, IKEA, Google eta Microsoften— aritzean izandako esperientzia azalduko dute.

Lehenengo egunean, “#Technology: What’s next” izenburupean, teknologia izango dugu aztergai, startupei negozio tradizionalak berrasmatzea ahalbidetu dien elementutzat hartuta, eta lider diren zenbait enpresek hartuko dute parte, hala nola Googlek eta Microsoftek.

Bigarren egunean, “#Growth: How to achieve a sustainable business model” izenburupean, startup teknologikoek bilatzen duten eskalagarritasuna izango dugu hizpide, eta startup arrakastatsuen (esate baterako, Airbnb eta Hawkers-en) hazkuntzan parte hartu duten pertsonek beren esperientzia baliotsuak azalduko dizkigute eta izandako arrakastak eta porrotak ere partekatuko dituzte.

Hirugarren egunean, “#Creativity&Innovation: Hand in hand” izenburupean, sormena eta berrikuntza aztertuko ditugu txanpon beraren bi alde direla oinarri hartuta, eta ideia disruptiboak sortu eta gauzatuko ditugu. Jardunaldi honetan, zenbait enpresa handiengandik ikasiko dugu, besteak beste IKEA eta CAF, eta berrikuntza oinarri hartuta abantaila lehiakorra eraikitzeko egindako apustu irmoa aztertuko dugu.

by

  • Alkateak filmazioaren zati bat ikusi du gaur Konkordiako geltokian, gaur han grabatu dute-eta. Filmazioan teknikari eta aktore batzuk izan dira, besteak beste, telesail berriko protagonista den Malcolm Treviño-Sitté eta Loreto Mauleón.

  • Ekainetik aurrera Bilbon eta, bereziki, San Frantzisko auzoan grabatzen ari diren ikus-entzunezko ekoizpenaren Bilboko azken grabazio hurrengo asteartean.

Juan Mari Aburto Bilboko alkateak “Touré detektibea” telesaila ekainetik grabatzen ari den taldeari bisita egin dio gaur arratsaldean. Telesail hori batez ere Bilbon, eta, bereziki, San Frantzisko kalearen eta Bilbo Zaharraren inguru osoan girotuta dago.

Alkatea, Xabier Ochandiano zinegotziarekin eta Ainara Basurko diputatuarekin batera (Bilbao Bizkaia Film Commission errodajeak egiten laguntzeko bi erakundeetako zerbitzu teknikoaren ordezkariak dira), bisita egin die gaur Konkordiako tren-geltokian lanean ari direla aprobetxatuz. Proiektu horrek, hain zuzen ere, asteartean izango du azken eguna Bilbon, eta estreinaldia datorren urterako aurreikusita dago.

Juan Mari Aburtok grabazio-espazioa bisitatu du eta aktoreekin, zuzendaritza-taldekoekin eta teknikariekin hitz egiteko aukera izan du, bai eta Mariela Besuievskyrekin ere, Tornasol Mediaren arduradunarekin. Berau estatu mailako bost ekoizle nagusietako bat da, eta, ekimen hau abian jarri aurretik, alkateari jakinarazi zion.

Alkateak iritziak trukatzeko aukera izan du haiekin guztiekin, batez ere Marielarekin, Loreto Mauleorekin eta Malcolm Treviño-Sitté-rekin, Touré Detektibea telesaileko pertsonaia nagusiarekin. Pertsonaia hori Gineako etorkina da eta bere ibilbideko inguruabarrak tarteko, Bilbon, zehazki, San Frantzisko kalean, jarri da bizitzen. Talde osoak adierazi oso positiboa izan dela Bilbon errodatzea eta auzoan integratzea, auzokide batzuk ere parte hartu baitute telesailean.

Aburtok azaldu duenez, “uriak une ona bizi du ikus-entzunezkoen alorrean; are gehiago, aintzat hartuta Aldundia pizgarri fiskalak ematen ari dela gurean gero eta errotuago dagoen industria berri horretarako, non profesional bikainak baititugu”. “Sektore hori – azpimarratu du – beste eragile ekonomiko bat izateaz gain, erakargarria da Bilbo eta Bizkaia sustatzeko, eta herritarrek asko estimatzen dute”.

SEI ATAL

Esteban Crespo (Black Beach) eta Violeta Salama (Alegría) zinemagileek zuzenduko dituzte telesailak izango dituen sei atalak. Datorren urtean estreinatuko da telesaila TVEn eta EITBn.

“Touré detektibea” Tornasol Media, DeAPlaneta, Detective Touré AIE, RTVE eta EITBren koprodukzio bat da, eta EUROPA CREATIVA MEDIA Programaren laguntza dauka. Jon Arretxe euskal idazlearen nobeletan oinarrituta dago eta gidoigileak David Pérez Sañudo (Ane), 2021eko Goya Sarietan egokitutako gidoirik onenaren irabazlea, eta Carlos Vila Sexto (“Los misterios de Laura”), detektibeen telesailetan esperientzia handikoa, izan dira, Flora González Villanueva (“Nacho”) gidoigileak ere parte hartu duen arren.

Malcolm Treviño-Sitték (“Lo nunca visto”) Mahamoud Touré adoretsu eta karismatikoa interpretatzen du. Detektibe ez ohikoa da eta ikus-entzuleak bereganatuko ditu, betiere umorea eta abilezia erakutsiz. Telesailean, Tourék era guztietako erronka eta misterioei egin beharko die aurre, eta, aldi berean, bere trebezia eta nortasuna erabiliko ditu kasu bakoitzaRI irteera aurkitzeko, espero ez dugun moduan.

AKTOREEN ZERRENDA

Malcolm Treviño-Sittéz gain, beste hainbat pertsona aritu dira, besteak beste, hauek: como Unax Ugalde (“No controles”), Itziar Ituño (“Las buenas compañías”, “Intimidad”, “La Casa de Papel”), Loreto Mauleón (“Los renglones torcidos de Dios”, “La Chica de la Nieve”, “Patria”), Itsaso Arana (“La virgen de agosto”, “Las de la última fila”), Urko Olazabal (“Maixabel” ),Gorsy Edu (“Dos vidas”), Emilio Buale (“Adú”), Goize Blanco( “20.000 especies de abejas”), Lander Otaola (“La vida padre”),Ayoub El Hilali (“El príncipe”), Jon Olivares (“Los pacientes del doctor García”, “Patria”) eta Ane Gabarain (“Loreak”, “Patria”).

SINOPSIA

Touré Bilbon bizi den etorkin ginearra da, eta detektibe-lana egiten du (“munta txikikoa”) bizimodua ateratzeko. Bere trebeziarekin, intuizioarekin eta umore bereziarekin, ikerketa konplexu batean murgiltzen da, eta hainbat arriskuri aurre beharko die.

SARE SOZIALAK: