• Atxikipenaren bitartez, Bilboren helburua da garapen jasangarria hobetzeko eta tokiko eragileek jasangarritasunearen alorrean egiten duten lana aitortzeko dinamika bat ezartzea, zeinak gure hiribilduari nazioarteko ekitaldiak antolatzeko konfiantza emango dion.

• Sailkapena osatzen dute hiriek xede bat dute: gizartearekiko, ekonomiarekiko eta ingurumenarekiko jasangarriagoak diren lekuak erdietsi nahi dituzten baterako estrategiak sortzen lagundu.

Bilbok oraintsu egin du bat Global Destination Sustainability nazioarteko sailkapenarekin, hau da, bilerak, sustapen-bidaiak, hitzaldiak eta erakusketak antolatzeari buruzko sailkapenarekin. Bat egite horrekin, Bilboko Udalak, tokiko gainerako eragile guztiekin batera, MICE sektorearen (kongresuak eta ekitaldiak) estrategia sendotu nahi du; izan ere, osasun-krisiaren aurretik 1.300 bilera antolatu ziren hiribilduan.

Bilbon NBEren Garapen Jasangarriko Helburuen 2030eko Agendarekin lerrokatutako ekitaldien jasangarritasuna lantzen da sektoreko tokiko eragileekin batera. Bilboko Udalak zuzendu du bat-egite hori, eta helburu bikoitz batekin egin du. Lehenik eta behin, Bilbo egoitza duten ekitaldietan jasangarritasuna etengabe hobetzeko dinamika batean sartzea, bai eta horietarako, guztietarako, ibilbide-orri bat ezartzea ere. Bigarrenik, tokiko eragileen zeregina aitortzea eta ikusaraztea, horren bitartez bultzatzen baita konfiantza, hiribildua erreferentzia izan dadin nazioarteko kongresu zein hitzaldietako sustatzaile eta antolatzaileentzat.

Esaterako, Garapen Jasangarriko Helburuekin bat egiteko estrategiaren barruan, hiriko garraioari dagokionez, udalak ahalik eta gehien murriztu du ibilgailu pribatuak erabiltzea, eta bizikletetarako bideak % 100 ugaritu dira. Horrez gain, bizikleta elektrikoak hartzeko 41 toki daude hiri osoan zehar.

Lortutako horri, halaber, gehitu egin behar zaio hiriko hondakin uren % 99,36 eraginkortasunez tratatzen direla, eta % 100era iritsi nahi da Garapen Jasangarriko Helburuen adierazlearen konparazio-ebaluazioaren prozesuak iraun bitartean. Kontzientziazio-kanpainak ezarri dira, herritarrei hondakinak modu eraginkorragoan kudeatzen laguntzeko, eta, bestalde, plan handiak daude enplegu inklusiboa sustatzen duten eta ekonomia zirkularra babesten duten proiektuak bultzatzeko.

GLOBAL DESTINATION SUSTAINABILITY

Nazioarteko Kongresuen eta Hitzaldien Elkarteak (IMEX Group, European Cities Marketing – ECM) eta MCI Group delakoak elkarlanean prestatutako Garapen Jasangarriko Helburuen adierazlearen barruan biltzen da helmuga jasangarrien mugimendua, zeinak sektoreko profesionalak elkarrekin lotzen dituen gizartearekiko, ekonomiarekiko eta ingurumenarekiko leku jasangarriagoak izan daitezen lortzeko estrategiak sortzeko. Besteak beste, Göteborg, Kopenhage edo Zurich hiriak daude zerrendaren goialdean, hau da, MICE jardueran jasangarritasuna aplikatzeko orduan ibilbide luzea eta ospe handia dituzten hiriak.

• Proiektuak hiribildu osotik sakabanatuta egongo dira, eta aste honetan emango zaie hasiera. Apirilaren amaierara arte luzatuko dira.

• Jardueren xedea datozen hilabeteetan hiriko espazio publikoak dinamizatzea izango da, bai eta COVID-19ak kultura- eta sormen-sektorean eragindako krisiaren ondorioak murriztea ere.

• Aukeraketa hau Bilbao Aurrera 2020 Planaren barruan aipatutako sektoreei zuzendutako dirulaguntzen partidaren barruan dago, eta kultura-proiektuen eta ikus-entzunezko sustapenaren poltsetan hautatutako beste 33 proiektu gehitu dira, 612.785 euroko zenbatekoarekin, guztira

Bilboko Udalak Bilbao Ekintza udal-sozietatearen bitartez sektoreari dirulaguntzak emateko deialdian hautatutako 26 sormen- eta kultura-proiektuak aste honetan jarriko dira martxan, hiribilduko auzoak apirilera arte dinamizatzeko asmoz.

Ekimenarekin, Bilboko Udalak gaur egungo osasun-krisiak gehien zigortu dituen sektoreetako bati babesa ematen jarraituko du, tokiko eragileen lanarekin. Hogeita sei proiektu hauek bat egingo dute kulturaren eta ikus-entzunezko sektoreari zuzendutako dirulaguntzen beste bi poltsatan hautatutako 33 proiektuekin.

Guztiak daude 2020ko lehenengo Bilbao Aurrera Planaren barruan, eta 612.785 euroko zuzkidura-ekonomikoa dute.

6 BALORE, 6 KOLORE, BILBO MILAKOLORE

Pirritx, Porrotx eta Marimototsek sei flashmob antolatuko dituzte Yogurina Borovarekin batera. Garapen jasangarrirako askotariko helburuei buruzkoak izango dira, eta sei abesti eta dantza interpretatuko dituzte modu kolorista eta alai batean. Saioen bitartez, bideoklip bat sortuko da, aldarrikatutako balioak defendatuz. Apiriletik aurrera aurkeztuko da. Proiektua egiteko, askotariko elkarte eta entitatek hartuko dute parte, honako hauek esaterako: Naizen, Kale Dor Kayiko, Aspanovas, Arraunlari Deusto, Ehgam eta Urretxindorra Ikastola.

• Otsaila: Asteazkena, 24, Casilda Iturrizar parkean, Itsas Museoan eta Miribillan.
• Martxoa :Asteazkena, 3, Europa parkean, Artxandan eta Uribarrin.

ILUMINA! ARGITU

Barruko argi-euskarriak eta Bilboko kale hutsen argazkien-hautaketa bat instalatuko duen proiektu bat, zeinak oinezkoei gure kaleetan 2020ko udaberriko etxeko konfinamenduaren asteetan bizitakoa ekarriko dien gogora. Arkatz baten laguntzarekin, argazkiak apurtu ahal izango dituzte argiak irten dezan, eta egun haietako paisaia ilun eta grisa argi bihurtu.

Otsaila:

• Ostirala, 26, eta larunbata, 27, 18:45etik 20:45era, Deustuko San Pedro plazan eta Botika Zaharrean, hurrenez hurren.

Martxoa:

• Ostirala, 12, eta larunbata, 13, 18:45etik 20:45era Indautxu plazan,
• eta ostirala, 26, eta larunbata, 27, ordutegi berean Santutxuko Karmelo plazan.

RADIO SHOW – PIEDRA DE TOQUE

Irrati-ikuskizun bat, zuzeneko musikarekin. Iñaki Makazaga kazetariak pertsona abentura-zale bat elkarrizketatutako du herritarrengan erronkekiko, bizitza osasuntsuarekiko, naturaren errespetuarekiko eta gizarte aktiboago eta solidarioago baten aldeko borrokarekiko zirrara pizteko. Saioetan, gehienez ere, 60 pertsona egon ahal izango dira, eta aldez aurretik eman beharko da izena.

Otsaila:

• Larunbata, 27, 12:00etatik 13:30era, Indautxu plazan Unai Basurkorekin, nabigatzailea, eta Ricardo Lezónekin, McEnroe taldeko gitarrista.

Martxoa:

• Larunbata, 6, 12:00etatik 13:30era, Enkarnazio plazan, June Fernándezekin, Pikara Magazine aldizkariko sortzailea, eta Lorelei Green-en musikarekin.
• Larunbata, 13, 12:00etatik 13:30era, Funikularreko plazan, elkarrizketa Ana Zamoranorekin, dokumentalista eta bidaiaria, Los Brazos-eko William rock musikarekin.
• Larunbata, 20, 12:00etatik 13:30era, Otxarkoagako Kepa Enbeita plazan, elkarrizketa Álex Txikon himalaistari, Inun kantautorearen musikarekin.

Apirila:

• Larunbata, 3, 12:00etatik 13:30era, Rekaldeko plazan, Maya Lolita Chávez liderrarekin eta Vittersweet-en musikarekin.

Informazio gehiago eta izena emateko, hemen: esteka.

CIRCO PARA EL DESARROLLO – GARAPENERAKO ZIRKUA

Proiektu honen bitartez, zirkua hurbil-hurbiletik eta zuenean bizitzeko aukera emango zaie herritarrei. Hain zuzen ere, tailer batzuetan parte hartu ahal izango dute, eta, ondoren, azken emanaldia eskainiko da. Bi jarduera horien bitartez, parte-hartzaileak garapen jasangarrirako helburuen inguruan sentsibilizatu nahi dira, baina, aldi berean, ondo pasa dezaten lortu.

• Otsaila: igandea, 28, 11:00etatik 13:30era, Abusu auzoko Ibaizabal landan.
• Martxoa: igandea, 7, Rekaldeko plazan; igandea, 14, Arbidean, Txurdinaga; eta igandea, 21, Zorrotzako azoka-eremuan. 11:00etatik 13:30era baita ere.

Aldez aurretik eman behar da izena. Informazio guztia eta izena emateko, hemen: esteka.

ENCUENTROS VIS A VIS

Artisten arteko hiru topaketa antolatuko dira Artxandako Funikularraren parkean, eta ikusleek ere parte hartu ahal izango dute. Topaketak egin bitartean, ekitaldiak itxura hartuko du eta moldatzen joan, aurkezpen, tailer, elkarrizketa edo performance bihurtzeko, besteak beste. Hori guztia prozesu artistikoei, hiriari eta gizarteari buruzko elkarrizketa baten inguruan. Artista hauek hartuko dute parte: Diego Vivanco eta Fermín Jiménez Landa, Maia Villot eta Raisa Maudit, Amaia Gracia eta Mario Espliego. Jarduera amaitzeko, Clara te canta-ren performance bat egongo da.

• Egunak: Martxoaren 4an, 5ean eta 6an, Artxandako Funikularraren parkean.

Informazio guztia, hemen: esteka.

Aldez aurretik eman behar da izena helbide elektroniko honetan: visavisbilbao@gmail.com.

PIZTU KOLOREAK (MURALES COLECTIVOS)

Proiektu honen bitartez, herritarrek hamabi horma-margo egingo dituzte kolektiboki, zeinen bidez ingurumenarekiko kontzientzia sortu nahi den; izan ere, lau saioetako bakoitzean airea, ura, landareen mundua eta fauna landuko dira.

• Egunak: Larunbatak, martxoaren 6a, 13a, 20a eta 27a, Erripa kaian, 10:00etatik 14:00etara.

Informazioa hemen: esteka.

ERRIBERAKO MERKATUAREN SOINUAK

Erriberako Merkatuko eskailerak parte hartzeko ikus-entzunezko ikuskizun bihurtuko dira. Bertatik igarotzen diren erabiltzaileek “velostat” azaleretan oinarritutako presio-mekanismo bat jarriko dute martxan, eta, horrela, musika sortuko da, txalaparta, piano eta efektu bereziekin, besteak beste.

• Egunak: Martxoaren 15etik apirilaren 15era, Erriberako Merkatuan.

BILBOTIK.RA

Herritarrak Bilboko etorkizuneko agertokiak sortzera animatuko dituzten ko-sormenezko tailerrak. Hiribilduko hiru goi-auzo esploratzeko bidaia baterako gonbidapena, non “dimentsioen arteko atariak” bilatuko diren, gaur egungo Bilbo “multibertso” bat izan dadin, desiragarriagoa eta jasangarriagoa. Ko-sormen horren emaitza Interneten, sare sozialetan eta hiriko zenbait espaziotan ikusi ahal izango da, pantaila, aurkezpen, performance eta abarren bitartez.

Egunak: Martxoaren 26tik 28ra, ko-sormena hiru goi-auzotako auzokideekin. Apirilaren 12tik 23ra, sortuko diren etorkizun horietan herritarren ikuspegia islatzeko elementuak, objektuak eta kontakizunak prestatuko dira hiriko sormen-eragileekin.

SCINTILLIANT

Haizearen erritmora doazen 400 ispilutik abiarazita egindako instalazio bat. Ordena naturala, mugimendua eta arrain-sarda edo txori-multzo baten antolaketa eta mugimendua abiapuntu hartuta eraikitzen da. IED Kunsthal Bilbao zentroko ikasleak, irakasleak eta artistak elkarrekin lan egiten arituko dira instalazioa prestatzeko.

• Egunak: Martxoaren 20tik, larunbata, martxoaren 27ra, Etxebarria parkean.

Informazio gehiago webgune honetan: IED Kunsthal Bilbao.

ITINERARIOS BILBAO GREEN (RUTAS POR ESPACIOS VERDES)

Bilboko herritarrei zuzendutako ibilbide didaktikoak gauzatuko dira, eta, horien bitartez, paisaien arkitekto batek hiriko sare berdea emango digu ezagutzera, bai eta hiriko berdeguneen askotariko tipologiak ere. Gure hirian biodibertsitatea eta natura ezagutzeko hurbilketa bat, gure hurbileko natura-inguruarekin dugun harremana gure eguneroko bizitzaren kalitatearen berme den garai honetan.

• Egunak: Asteburuetan, martxoaren 20tik apirilaren 18ra (bost asteburu).

Aldez aurretik eman behar da izena, hemen: BILBAOGREEN@gmail.com.

ETEN BARIK JOTEN

Proiektu honen bitartez, emakume pandereta-jotzaileen garrantzia nabarmendu nahi da, espazio publikoan oso-osorik emakumeek kudeatu duten eta kultura-ondaretzat jotzen den jarduera sozial bakar gisa. Eten Barik Joten dokumentala proiektatuko da, eta erakusketa bat antolatu Kris Solano, Nati Bilbao, Edurtze Ania eta Rakel Pujana pandereta-jotzaileekin. Gainera, kontzertu bat eskainiko dute.

• Eguna: Igandea, martxoaren 21a, Mariaren Bihotza plazan.

Proiektuari buruzko informazio guztia hemen.

Parte hartzeko, aldez aurretik eman behar da izena, inprimaki hau betez edo 676 963 276 telefono-zenbakira deituz.

TE HE ECHADO TANTO DE MENOS…

Bizitzeko egitura desmuntagarri jasangarri bat instalatuko da, eta herritarrei etxebizitzaren ezinbesteko garrantziaren inguruan galdetuko zaie, bai eta diseinuari eta pertsonen osasunean eta ongizatean duen eraginari buruz ere. Herritarrek konfinamenduaren garaian beren etxebizitzei buruz zuten ikuspegia jasoko da.

Egunak, Martxoaren 21etik 28ra.

• Igandea, martxoaren 21a, Azkuna Zentroko atarian.
• Astelehena, martxoaren 22a, San Inazioko Levante plazan.
• Asteartea, martxoaren 23a, Funikularraren plazan.
• Asteazkena, martxoaren 24a, Zorrotzako azoka-eremuan.
• Osteguna, martxoaren 25a, Santutxuko Karmelo kalean.
• Ostirala, martxoaren 26a, Otxarkoagako Kepa Enbeita plazan.
• Larunbata, martxoaren 27a, Rekaldeko plazaren parkean.
• Igandea, martxoaren 28a, Areatzan.

Informazio gehiago, hemen: esteka.

GURE AHOTSAK

Film-laburren tailerra. Bertan, prestakuntza teorikoa eta praktikoa jasotzen duten Alde Zaharreko gazteek hartuko dute parte ikus-entzunezko sorkuntza kolektibo batean. Burtsaren eraikinean ikusi ahal izango da martxoaren 24an, asteazkena.

Proiektuari buruzko informazioa webgune honetan: Umeak Kalean

LABORATORIO IMAGEN Y MEMORIA DE LAS MUJERES DE OTXARKOAGA

Parte hartzeko tailerra, Otxarkoagako emakumeen fitxategi pertsonalen eta familia-albumen bitartez esperimentazio artistikoa egiteko. Xedea artelan kolektibo bat sortzea da, non formatu handiko irudiak, bideoak eta testuak uztartuko diren.

• Egunak: Martxoaren 27a: bisita gidatuak Otxarkoagan ikusgai dauden obretara, eta ikus-entzunezko aurkezpena sormen-prozesuarekin eta emaitzekin.

SEIS CANCIONES POPULARES MONTAÑESAS

Eskultura, arkitektura, musika eta herritarrak bilduko dituen soinu-instalazio bat. San Inazioko Levante plazako musika-kioskoan oihal zeharrargiak eskegiko dira, eta keinuak eta formak margotuko dira bertan, airean dauden musika-transkripzioen multzo bat sortuz. Kioskoaren aurrean espazio batzuk antolatuko dira familiekin jarduerak egiteko eta, gauez, Mireia Tarragó sopranoak eta Carmen Santamaría pianistak Arturo Dúo Vital musika-sortzaileak zuzendutako musika-programa bat interpretatuko dute.

• Egunak: Martxoaren 27a, San Inazioko Levante plazan.

Informazio gehiago, hemen: esteka.

ARTE NON-NAHI

Aire zabaleko arte-galeria. Tokiko artisten edo lanen bidez hiriari lotutako artisten 40 lan jarriko dira ikusgai hiriko MUPI eta markesinetan. Bestalde, artelanak erosteko aukera egongo da.

• Egunak: Apirilaren 6tik 20ra, Bilboko MUPI eta markesinetan.

Proiektu honen informazioa hemen.

EN LA PLAZA-N (SAREAN)

Auzoko zinema bat barne hartzen duen jardueren programa bat, migrazio-ikuspegiarekin, hitzaldiekin, eztabaidekin eta birziklatzearen eta hirigintzaren inguruko esperimentazio- eta sormen-tailerrekin. Auzokideen elkarteekin batera prestatutako jarduerak dira, eta haurrek familiekin parte hartzeko eta langabezia egoeran dauden gazteek parte hartzeko pentsatu dira.

Egunak:

• Ostegunetan, apirilaren 8a, 15a eta 22a, zinema-proiekzioak egingo dira Mariaren Bihotza plazan.
• Ostiraletan, apirilaren 9a, 16a eta 23a, birziklatzeari eta hirigintzari buruzko tailerrak haurrekin, Mariaren Bihotza plazan.
• Larunbatetan, apirilaren 10a, 17a eta 24a, hitzaldi eta eztabaiden zikloa antolatuko da, Mariaren Bihotza plazan, hausnarketa kolektiboa egiteko.

Zinema-proiekzioak edukiera bete arte (40 plaza), eta gainerako jardueretarako aldez aurretik eman beharko da izena. Informazio gehiago eta izena emateko, hemen: esteka.

ARTE ELKARREKIN: QUANTUM CITY

Arte Elkarrekin ekimenari esker, egun batez, artista digitalak izango dira Bilboko herritarrak. Instalazio interaktibo-kolaboratibo horretan, parte-hartzaileek aldi berean egiten dituzten mugimenduak erregistratuko dira, eta askotariko kolore eta argi-intentsitateen trazatan transformatuko dituzte. Denbora errealean proiektatuko dira dimentsio handiko pantaila batean. Patroi artistiko horiekin batera, musika-sekuentzia bat eskainiko da, parte-hartzaileek egiten dituzten mugimendu guztiekin.

• Egunak: Apirilaren 10a, Ramón de la Sota kaia (Euskalduna zubiaren azpian).

THE EKO LAB

Moda jasangarriko ekitaldi bat Bilbon ezarrita dauden eta suspertzen ari diren diseinatzaileen erakusketa, hitzaldi eta tailerrekin. Herritarrak modaren industria bizitzen ari den eraldaketara hurbildu nahi dituen ekitaldi dinamiko eta berritzaile bat, zeinaren bitartez diseinatzaileei aukera emango zaien premiazko gizarte- eta ingurumen-erronka batzuetarako irtenbide berritzaile eta sortzaileak partekatzeko.

• Egunak: Apirilaren 12tik maiatzaren 6ra, Zabalguneko eraikinean.

Tailer eta hitzaldietan izena emateko: info@theekolab.com

IMPROVISACIONES ILUSTRADAS

Esperientzia artistikoak. Ilustrazioaren eta musikaren bitartez, ikusle parte-hartzaileek hausnarketak partekatu ahal izango dituzte garapen jasangarriko helburuekin zerikusia duten gaur egungo garrantzi bereziko gaien inguruan. Bat-bateko jardun horietan, Itziar Madariagaren musika eta ahotsa izango ditugu eta Bea Aparicio eta Janire Ordunaren marrazkiak eta sormena.

• Egunak: Apirilaren 16a, 23a eta 24a, Zabalguneko eraikinean.

Aldez aurretik eman behar da izena. Informazio gehiago eta izena emateko, hemen: esteka.

SOINUAREN BIDAIA, “De Mahler a Mahler”

Soinuaren Bidaia diziplina anitzeko ensemble bat da, eta musika du oinarri tronboi eta sokekin osatutako boskote batekin. Askotariko ikuskizunak eskaintzen dituzte. Programa bizipen eta esperientzia pertsonalei dago lotuta, eta, aldez aurretik, hitzaldi bat eskainiko da musikaren eta emozioen arteko konexioa aztertzeko. Ricardo Molláren Gudari lanaren estreinaldi absolutua nabarmendu behar dugu kontzertuan, eta J.Martínez Campos, H. Extremiana, J. C. Pérez, G. Loidi edo A. Illarramendi musikarien lanekin batera eskainiko da. Musika klasikoa maite duten helduentzat pentsatutako ekimena da.

• Eguna: Apirilaren 16a, Bidebarrietan.

Aldez aurretik eman behar da izena. Informazio gehiago webgune horretan.

AZOKA DESIGN

Tokiko diseinuaren merkatua. Honako hauek uztartuko dira bertan: euskal moda, arte eta diseinuaren kategoriako erakustokien aukeraketa zaindu bat eta heldu zein haurrentzako zuzeneko musika-, dantza- eta antzerki-ikuskizunak.

• Egunak: Apirilaren 18a, Casilda Iturrizar parkeko pergolan.

¿CÓMO NACEN LOS OBJETOS? BIRIBIL, THE MAKING-OF

Ekonomia zirkularraren berri emateko performance-jarduera bat, herritarrekin interaktiboa izan nahi duena. Horren bitartez, Ontzia (Getxoko herritarrekin batera sortua) izeneko besaulki bat zuzenean muntatu nahi da, ingurumenarekin dauden arazoen inguruko sentsibilizazioa sortzeko eta ekonomia zirkularraren kontzeptura hurbiltzeko asmoarekin. Produktua sortzearen atzean ezkutatzen diren prozesuen berri izateko aukera bat.

• Egunak: Apirilaren 23a eta 24a, Azkuna Zentroko atarian.

ERDU! BILBOKO HAUR ANTZERKI JAIALDIA

Haurrentzako antzerki-jaialdia, zuzeneko emanaldiekin eta ikusleentzako tailerrekin, Harrobian, Otxarkoagan.

Egunak:

• Apirilaren 23a, Kotondarrak.
• Apirilaren 24a, Etxerik txikiena eta Kaskarot.
• Apirilaren 25a, Behin bazen internet.

Informazio gehiago eta izena emateko, hemen: esteka.

BILBAO, DE OCA A OCA

Antzara-jokoan oinarritutako kultura-ibilbide bat. Parte-hartzaileek Bilbori buruzko bitxikeria ugariren berri izango dute ekimenaren bitartez.

• Egunak: Apirilaren 24a eta 25a, Alde Zaharrean.

Telefonoz izena emateko: 946 948 289.

ITSASADARRA

Ibilbide gidatu bat Bilboko espazio artistikoetatik, oinez zein bizikletaz, eta performance, dantza, diseinu, musika esperimental, kultura-bisita, gastronomia eta jarduera fisikoarekin lan egiten duten adituen laguntzarekin. Ibilbideekin batera, zuzeneko ikuskizunak eskainiko dituzte honako artista hauek, besteak beste: Mikel Xedh, Fausto Grossi, Baseline eta Carla Roisin.

Egunak

• Apirilaren 24a, Zorrotzaurre eta Deustu.
• Apirilaren 25a, Ametzola eta Bilbo Zaharra.

Informazio gehiago, hemen: esteka.

Aldez aurretik eman behar da izena helbide elektroniko honetan: memfestum@yahoo.es.

#BILBAOAURRERA2020PLANA

Ekimena 2020. urtean onetsitako #BilbaoAurrera Planaren barruan dago. Gizarte, Ekonomia eta Kultura Larrialdietarako programa bat da, 15 milioi eurokoa, eta COVID-19aren osasun-krisiak hiriko pertsonengan eta enpresengan dituen ondorioak arintzeko, suspertzeko eta berreskuratzeko 50 neurri baino gehiagoko sorta bat duena. Plan hori Bilboko Udaleko talde politiko guztien artean prestatu eta adostu da.

• Bilbao Aurrera 2020 Planean jaso den neurrietako bat da, eta lankidetzako berrikuntza irekiaren prozesuak sustatu nahi dira horrekin, COVID-19ak eragindako egoeraren erronkei aurre egiteko eta, aldi berean, ekintzailetza babesteko

• Kasu honetan, hauxe izango da erronka: pandemiaren ondorioz ADINEKOEK duten ahulezia funtzionala eta harreman-ahulezia murrizteko programa bat diseinatzea. EHUko ikertzaile talde bat, ekintzaileek eta enpresa adituek hartuko dute parte, SSI Taldeak, esaterako.

Bilbao Aurrera 2020 Planean sartutako ekintzen barruan, azken hilabeteetan, udala lanean aritu da lankidetzako berrikuntza irekiaren prozesuak sustatzea proposatzen duten neurriak martxan jartzeko. Horren bitartez, COVID-19ak eragindako egoeraren erronkak konpondu nahi dira, eta aldi berean ekintzailetza babestu.

Ekimenaren bidez, konpromiso soziala indartzen duten zenbait egoera ebazteaz gain, enpresa-ikuspegia bultzatu nahi da.

Ildo horretatik, udalak, Bilbao Ekintza udal-sozietatearen bitartez, lantalde oso zehatz bat aktibatu du, non erakunde publikoak, unibertsitatea, enpresak eta ekintzaileak bilduko diren. PROIEKTUA garatzeaz arduratuko dira, Covid-19aren birusak ADINEKOEngan sortutako ahulezia funtzionala eta harreman-ahulezia murrizten saiatzeko.

NEGOZIO-AUKERA BERRIAK

Lantaldean, besteak beste, Grupo Servicios Sociales Integrados S.Coop taldea (SSI) egongo da. Hogeita hamar urte baino gehiagoko ibilbidea du ekimen sozialaren munduan, eta zahartzearen ekosistemarekin laguntzeko xedea du. Era berean, Silver Economy Taldea (SET) komunitateko kide diren enpresa ekintzaile, eragile eta pertsonen sare oso batek parte hartuko du proiektuan. SSI Taldearen ekimen bat da, zeinaren bitartez zilarrezko ekonomiaren esparruan negozio-aukera berriak eta sinergiak sortu nahi diren. Bestalde, EHUko Ageing On ikertzaile taldeak ere parte hartu du.

MugiAdin izena du proiektuak, eta, funtsean, honako hau lortu nahi da: adinekoak hurbileko inguruan eta modu seguruan jardunean egon daitezen, bai eta orain mugatuta dituzten zaletasunak eta ohitura osasungarriak egin ditzaten ere, besteak beste, dantzak, kultura-txangoak edo prestakuntza. Horretarako, lantaldeak esperientzia profesionala eskainiko dio ekimenari, #ZilarrezkoEkonomiari lotutako erronkari itxura emateko.

FASEAK

Bilbao Aurrera Planaren neurri honek hainbat fase izango ditu. Lehenengo fasean, erronka definitu eta talde ekintzailea osatuko da; bigarren fasean, proposamena diseinatuko da eragile adituen laguntzarekin, eta, hirugarren fasean, prototipo bat prestatuko da esperientzia pilotu batekin. Amaitzeko, garatutako prozesua ebaluatuko da, eta merkatuan eta ekonomian zein finantzan duen bideragarritasuna aztertuko da.

Une honetan, lantaldea eta erronka dagoeneko finkatuta dagoenean, proiektuaren definizioa lantzen ari dira. Ondoren, proba pilotu bat abiaraziko da, enpresa-negozio gisa duen bideragarritasuna ikusteko.

Bilboko Udaleko arduradunen asmoa zaurgarritasun-egoeran dauden pertsonentzako irtenbideak bilatzea da, bai eta tokiko ekintzailetza- eta enpresa-ehunerako bultzadaren eragilea izan ere.

#BilbaoAurrera

• Otsailaren 8tik 21era hamabi saltokik euren erakusleihoa emakume ikertzaile baten omenez apainduko dute “#ErakusleihoakO11” ekimenean, Bilboko Udala, Elhuyar eta Deusto Bizirik eta Hiru auzo komertzio elkarteen kolaborazioarekin.

• Bilboko Bizilabeko gazteek emakume hauek aurkeztu eta esperimentuak egin dituzte bideo bidez.

Bilboko Udalak Elhuyarrekin batera eta Deustu Bizirik eta Hiru auzo komertzianteen elkarteekin elkarlanean, #ErakusleihoakO11 egitasmoa jarri du martxan Deustu eta San Ignaziokoko hamabi dendatan.

Ekimen hau Bizilabe Bilbao, 10 eta 19 urte arteko gazteentzako zientzia- eta teknologia-ekintzak egiteko aisialdi-eskaintzaren baitan kokatzen da.

Otsailaren 11n, ospatuko den Emakume eta Neska Zientzialarien Nazioarteko Egunarekin batera, erakusleihoak apainduko dituzte hamabi saltokik. Establezimendu bakoitza emakume zientzialari bati eskainiko zaio, eta zientzialariaren ilustrazioa eta informazioa erakutsiko dira bertan. Guztira 12 emakume omenduko dira. Gainera, zientzialariaren ikerketan inspiratuta apainduko da erakusleihoa. Horrela, merkatariak emakume zientzialarien bizitzaren eta lanaren dibulgatzaile bihurtuko dira, eta, gainera, emakumeek zientziari egin dioten ekarpena ikusarazten lagunduko dute. Horretarako, besteak beste, komertzio hauetan hainbat eskuorri banatuko dira, emakumeen ilustrazio eta aurkikuntzen laburpenekin.

Horrez gain, Bilboko Bizilabeko gazteek, Euskal Herriko gainerako Bizilabeetako gazteekin batera, COVID-19 egoerara egokitu eta hainbat ikus-entzunezko egin dituzte. Haietan, emakumearen istorioa aurkeztu eta bere ikerketa-gaiarekin zerikusia duten esperimentua egin dute. Gainera, esperimentu hauek egiteko gonbita luzatu dute, behar diren materialak eta pausuak ongi azalduz. Pandemia gabeko urtean, saltokietan bertan egingo lituzkete esperimentuak.

Hauexek dira #ErakusleihoakO11 ekimenean parte hartuko duten saltokiak:

• Decoración e Interiorismo Julio Aristin (Blas de Otero, 9) – Eunice Foote, klimatologoa
• Flores Rementeria, S.L. (Erdikoetxe, 1) – Williamina Fleming, astronomoa
  teMIMO Centro de Día (Plaza San Pedro, 3) – Nettie Stevens, Genetikari
• Farmacia M.A.Linaza Peña (Heliodoro de la Torre, 11) – Gertrude Belle Elion, Biokimika eta Farmakologoa, Fisiologian eta Medikuntzan Nobel Saria
• Centro Visual Argia (Avda. Madariaga, 37) – Miriam Rothschild, entomologoa
• Farmacia Zubiri Zuaznabar (Avda. Madariaga, 35) – Dorothy Crowfoot, kimikaria, Kimikan Nobel SariaDeustuko Liburudenda (Plaza San Pedro, 4) – Mary Somerville, matematikaria eta zientzilaria
• Salon Stilo21 Peluqueria (Avda. Madariaga, 23) – Jocelyn Bell Burnell, astrofisikoa
• Farmacia Arilla Zamora (Calle Blas de Otero, 32) – Barbara McClintock, ikerlaria, Medikuntzan Nobel Saria
• Afede (Blas de Otero, 2) – Poppy Northcutt, matematikaria eta NASAko e ingeniaria
• Farmacia Inma Ilabarrieta (Blas de Otero, 51) – Berenice Abbott, zientzilaria eta dokumetal argazkilaria
• PSIKOLAN (Luis Power, 4) – Marie Tharp, itsas kartografoa eta cartógrafa oceanográfica y geologoa

“#ErakusleihoakO11” WEBGUNEA

Ekimen honen baitan multimedia edukia sortu da. Parte hartu duten saltokiak Bizilaberen Otsailren 11ren webgunean egongo dira ikusgai otsailaren 8tik aurrera. Bilboko mapan kokatuta ikus daitezke saltokiak. Horietan klik eginez, erakusleihoaren argazkia eta omendutako emakume ikertzailea zein den ikusteko aukera dago. Emakume ikertzaile hauen ilustrazioak ere webgunean eskegita egongo dira, euren istorioekin batera. Elhuyar Aldizkariak idatzitako istorio hauetan ikertzaileen bizitza, gertaerak eta asmakuntzak biltzen dira. Guztira, Bilbo, Elgoibar, Ermua, Soraluze eta Tolosaldeko 78 saltokik hartu dute parte.

Azkenik, aipatu ekimen hau aurreko urteetan estatu mailan ere egin dela, Zaragozan edo Sevillan, besteak beste.

• Bilbao Bizkaiak Kirol Anitzeko Europako Txapelketa hartuko du 2022ko denboraldian; hori baino lehen, 2021eko Distantzia Erdiko Espainiako Triatloi Txapelketa antolatuko, 2022an egingo diren nazioarteko txapelketen atariko gisa.

• Hamar egunez, Bilbok eta Bizkaiak 30 herrialdetako 3.000 kirolari eta 5.000 laguntzaile baino gehiago hartuko dituzte, kirol anitzeko ekitaldi garrantzitsu honen baitan.

• Bilbao Bizkaiarentzat 10 milioi euroko eragin ekonomikoa aurreikusten da.

Kirol Anitzeko Europako Triatloi Txapelketak sei Europako Txapelketa barne hartzen ditu: duatloia, duatloi krosa, akuatloia, triatloi krosa, distantzia erdiko triatloia eta aquabike. Europako tituluak jokoan izango dira, bai eliteen kategorian, bai adin-taldeen kategorian, hamar egunez Bilbon eta Bizkaiko hainbat tokitan egingo diren probetan: itsasadarrean zehar Getxorantz, Bermeon, Urdaibaiko Biosfera Erreserban eta Enkarterri eskualdean.

Horrez gain, ezin baita beste era batera izan, paratriatletek ere parte hartuko dute, batzorde antolatzaileak eta Espainiako Triatloi Federazioak inklusioarekiko duten konpromisoaren baitan.

Hainbat agintari bertaratu dira nazioarteko ekitaldiaren aurkezpenera, besteak beste: Bilboko alkatea, Juan Mari Aburto, eta Bizkaiko Ekonomia Sustatzeko diputatua, Ainara Basurko. Kirolaren arlotik, ondokoak izan dira: Espainiako Triatloi Federazioko presidentea, José Hidalgo; Europako Federazioaren ordezkaria, Alicia García, eta Euskal Triatloi Federazioko presidentea, Ibán Pérez.

EKITALDI GLOBALA: KIROLA, TURISMOA, KULTURA…

Kirol Anitzeko Europako Triatloi Txapelketa kirol-ekitaldi bat baino gehiago da. Kirolak osatzen duen ardatz nagusitik abiatuta, ekitaldi global honek funtsezko bost oinarri ditu: kirola, turismoa, kultura, gastronomia eta jasangarritasuna.

Horiek horrela, gutxienez 30 herrialdetatik etorritako 3.000 kirolari eta 5.000 laguntzaile baino gehiagok esperientzia paregabe bat biziko dute Bilbon eta Bizkaian, non herri honen balio tradizionalak kirolarekin eta ingurunearekin uztartzen diren, hiru ardatz natural hauek oinarri: kostaldea, itsasadarra eta mendiak eta parke naturalak. Horrez gain, tokiko ekonomian 10 milioi euroko eragin ekonomikoa sortzea espero da.

Hiru ardatz horietan paisaien aniztasuna eta edertasuna islatzen da, izan ere, zaila izaten da paisaia horiek bata bestearengandik hain hurbil ikustea. Ardatz horien bidez, eta lurraldeko hiriburua den Bilborekin batera, Bizkaiko historia eta nortasuna ulertzeko eta ezagutzeko aukera izango dute. Proiektu osoa ingurumenarekiko jasangarritasunean oinarrituko da. Halaber, Bilbao Bizkaian egingo den Kirol Anitzeko 2022ko Europako Triatloi Txapelketa honek aukera kultural, gastronomiko eta turistiko zabala eskainiko du.

JUAN MARI ABURTO, BILBOKO ALKATEA

Alkateak, Juan Mari Aburtok, azaldu duenez “Bilboko Udala eta Bizkaiko Foru Aldundia etengabe aritu gara COVID-19ak eragindako egoera honetatik lehenbailehen irteteko eta oinarriak finkatzeko formulak bilatzen. Prest egon nahi dugu biltzarrei, ekitaldiei, turismoari eta, bereziki, sektore horiek dakarten jarduera ekonomikoari eta enpleguari ateak irekiko dizkiegunerako”.

“Hain zuzen ere, gaur aurkeztu dugun ekitaldia lan horren emaitza da —azaldu du—, zehazki, joan den irailean, Bilboko Triatloia egin ostean, aukera izan genuen federazioaren interesak, presidentea buru zuela, gure interesekin uztartzeko. Hiru erakundeek bat egin dugu 2022an kirol anitzeko nazioarteko ekitaldi hau egin ahal izateko. Horri esker, ekitaldiak egiteko hiri aproposen erakustokian kokatuko dugu gure burua beste behin. Izan ere, txapelketa honen bidez, ondo pasatzeaz gain, bisitariak hartzeko aukera izango dugu, horrek dakarren eragin ekonomikoarekin eta irudi onarekin. Oso harro gaude kirol-festa handi honi ateak zabaltzeaz”.

“Bilbok eta Bizkaiak lanean jarraituko dugu maila handiko ekitaldi garrantzitsuak gurera erakartzeko. Munduan erreferente bat gara, baita helmuga oso erakargarria ere. Eta are gehiago izan nahi dugu pandemia amaitzen denean. Horregatik, jakizue gaurkoan aurkeztu dugun ekitaldia ekonomia eta enplegua sustatzeko eta Bilbo eta Bizkaia nazioartean kokatzeko sortuko edo erakarriko ditugun ekitaldietan lehenengoa baino ez dela”.

AINARA BASURKO, EKONOMIA SUSTATZEKO DIPUTATUA

Ekonomia Sustatzeko diputatu Ainara Basurkok Bizkaiaren dibertsitatea nabarmendu du, bai eta mota guztietako ekitaldiak hartzeko lurraldeak eskaintzen duen potentzial ikaragarria ere. «Hainbeste erakunderen konpromisoa eta lankidetza gabe, ezingo genuke halako tamainako hitzordu bat egin; handia da, zehazki, haren iraupenagatik eta lokalizazio ugarirengatik, bai eta parte-hartzaileen zein bisitarien kopuruagatik eta lurraldearentzat izango duen proiekzioagatik ere». Diputatuak adierazi duenez, milaka pertsona mugituko dira Bizkaia ezagutzeko: Bilbotik Enkarterrira, itsasadarraren alde bietatik igarota, gure natura-altxorretako bateraino, Urdaibaiko Biosfera Erreserbaraino.

«Ekitaldi honek eutsi egiten dio Bizkaiaren hiru ardatzen inguruan, hau da, itsasadarraren, kostaren eta mendien inguruan turismoa garatzen jarraitzeko erronkari. Eta, gainera, turismoaren sektorearentzat aurrera begirako optimismo-mezu bat da, sektorea bereziki jasaten ari baita pandemiaren ondorioak», adierazi du Ainara Basurkok, amaitzeko.

JOSÉ HIDALGO, ESPAINIAKO TRIATLOI FEDERAZIOKO PRESIDENTEA

José Hidalgoren ustez, “Bilbao Bizkaia Triatloi kirol-proiektu bat baino gehiago izango da. Noski, kirol-ekitaldi europar bat izango da, kirolak mugiarazten gaituelako. Baina, 2022an kirola baino gehiago izan dadin nahi dugu: ekonomia, ostalaritza eta turismoa dinamizatzeko ekitaldi bat izatea nahi dugu eta, ingurumenarekin eta jasangarritasunarekin konprometitutako erakundea garen aldetik, baita jardunbide egokien erreferentea ere. Funtsezko arlo horrekin daukagun konpromisoagatik, etorkizunean erreferentea izan nahi dugu Europako eta mundu osoko antolatzaileentzat”.

“Europako Kirol Anitzeko Triatloi Txapelketa honi esker, Europako triatloiaren erreferente bilakatuko dira Bilbao, Bizkaia eta bere altxor naturalak. 2022ko kirol-ekitaldi hau aurkeztearekin batera hasiera emango diogu Espainiako eta Euskadiko Triatloi Federazioek Bizkaiko Foru Aldundiarekin eta Bilboko Udalarekin batera egin nahi dugun bideari, zeinaren bidez datozen urteetan Bilbo Bizkaia triatloiaren munduko erreferente bihurtu nahi dugun”.

• Bilbo zinemaren agertoki bihurtuko da berriz ere “El cuarto pasajero” lanaren grabaketarekin. Álex de la Iglesiaren film berria da, eta, horrela, zuzendaria Bilbora itzuli da 30 urteren ostean.

• Juan Mari Aburto alkateak grabaketa-taldearen lana nabarmendu du, bai eta segurtasun-neurri guztiak betetzeko ahalegina ere. Gainera, argi utzi du hirian filmatzea oso-oso garrantzitsua dela ikus-entzunezko sektorearentzat eta Bilborentzat.

• De la Iglesiaren lanean, ospe handiko artistak bilduko dira, besteak beste, Alberto San Juan, Blanca Suárez, Ernesto Alterio eta Rubén Cortada.

Álex de la Iglesia bilbotarrak zuzenduko duen “El cuarto pasajero” filmaren grabaketa-saio bat bisitatu du gaur Juan Mari Aburto Bilboko alkateak. Zuzendari zinematografikoa, Bilboko “Ospetsua” ere badena, lan berria filmatzeko itzuli da hiribildura 30 urteren ostean.

Atzotik, hain zuzen ere, zinema-plato bihurtu dira hiribilduko erdiguneko kaleak, bertan grabaketarako lantaldea, kamerak eta figuranteak baitaude. Juan Mari Aburtok bisitan nabarmendu du lan handia egiten ari direla Álex de la Iglesiarekin batera lanean ari diren profesional guztiek. Bestalde, Bilbori ospea ematen lagunduko diote. Horrez gain, segurtasun-neurri guztiak indartzeko ahalegina txalotu du. Era berean, alkatea ziur agertu da honi buruz: «Álexen film berriak arrakasta handia izango du, eta Bilbora sarriago etortzea espero dugu; izan ere, beti izango ditu ateak zabalik ikus-entzunezko sektoreari bultzada berri bat ematen laguntzeko».

El cuarto pasajero filma road movie hunkigarri bat da, komedia erromantikoaren ukituekin. Hauexek dira bertan parte hartuko duten artista nagusiak: Blanca Suárez, Alberto San Juan, Ernesto Alterio eta Rubén Cortada, besteak beste.

• Bilbao Aurrera 2021 Planak 15 milioi euro baino zertxobait gehiago izango ditu salbuespenezko 43 neurri aplikatzeko. Nagusiki urteko lehenengo seihilekoan aplikatuko dira gehienak. Aurreko ekitaldian pandemia piztu zenean abiarazitako estrategiari jarraikiz, Bilboko Udalak COVID-19agatik gehien kaltetutako sektoreei lagundu nahi izan die krisialditik ahalik eta arinen suspertzeko proiektu estrategikoak landuz.

• Gaur aurkeztu dute dokumentu ofiziala, udalean ordezkaritza duten alderdi guztiek sinatu ostean: EAJ/PNV eta PSE-EE (PSOE), gobernu-taldearen aldetik, eta EH BILDU, ELKARREKIN BILBAO-PODEMOS/EZKER ANITZA-IU/EQUO BERDEAK eta PP.

• Kohesio soziala eta pertsonak dira ardatz estrategikoak, bai eta hirian ekonomia eta enplegua zein kultura berraktibatzea ere.

Bilboko Udalak aparteko beste plan bat martxan jartzea onetsi du gaur. Bertan, Covid-19ak gure hiriari eragin dizkion ondorioei aurre egiten jarraitzeko talka-neurriak zehaztu dira. Plan Bilbao Aurrera 2021 du izena, eta iaz, pandemia mundu osoan zabaldu zenean, bultzatu zen planaren —“Bilbao Aurrera 2020”— jarraipena da.

Oraingo dokumentuan, aurrekoan bezala, ekintza-sorta oso bat dago (batzuk errepikatu egiten dira eta batzuk indartu dira), eta lehentasunezko helburua hirian kohesio soziala eta kultura, ekonomia zein enplegua berraktibatzea izango da, birusak gehien zigortu dituen sektoreak baitira.

Guztira, aparteko 43 NEURRI bilduko ditu, 15 MILIOI EURO (15.106.875 euro) baino zertxobait gehiago duen aurrekontuarekin, 2020. urteko 15 milioi euroen antzekoa, baina nagusiki aurtengo LEHENENGO SEIHILEKOAN kontzentratuko dela kontuan hartuta. Ekimen horiekin batera, aparteko laguntza zuzenen deialdi gehiago abiarazi ahal izango dira, beste administrazio batzuen neurriekiko osagarriak, pandemiaren bilakaeraren eta sektore ekonomiko zehatz batzuetan duen eraginaren arabera.

Udaleko gobernu-taldeak prestatuta, eta gauzatze-maila oso altu eta positiboa izan duen aurreko planaren emaitza onak lortzeko jarraibideei jarraikiz, udalean ordezkaritza duten alderdi guztiekin batera osatu eta adostu da testu berria, bai eta zuzenean kaltetuak izan diren sektore eta alorrekin ere (merkataritza, ostalaritza, kultura eta turismoa, besteak beste).

“BILBAO AURRERA 2021 PLANA” izeneko dokumentu osoa gaur ofizialki aurkeztu da udaletxeko Areto Arabiarrean, alderdi guzti-guztiek sinatu ondoren: EAJ/PNV eta PSE-EE (PSOE), gobernu-taldearen aldetik, eta EH BILDU, ELKARREKIN BILBAO-PODEMOS/EZKER ANITZA-IU/EQUO BERDEAK eta PP.

ARDATZ NAGUSIAK

Erakunde-sinaduraren ostean, Juan Mari Aburto alkateak plan berri hori idaztearen beharra azaldu du: «txertoa dela eta, gaur egungo egoera, osasunari dagokionez, itxaropentsuagoa izan baliteke ere, pandemiaren bilakaerak erakutsi digu normaltasunera itzultzea oraindik oso zaila izango dela eta ziurgabetasun-uneak izango ditugula. Gainera, kalte handia pairatuko duten sektoreak ditugu: ostalaritza, turismoa, merkataritza eta aisialdi- eta kultura-jarduerak».

Ekintzen programa hau, alkatearen hitzetan, Bilbao Aurrera 2020 Planaren jarraipena da, baina indartutako neurriekin; «izan ere, Covid-ak zigortzen jarraitzen gaitu, eta udal honek eskura dituen tresna guztiak erabili nahi ditu krisi honetatik ahalik eta arinen irteteko, baina hiriarentzat estrategikoak diren proiektuetan lan egiteari utzi gabe».

Planak 15 milioi euro baino zertxobait gehiago du, eta ekarpen hori udalak egin du zuzenean. Aurrekontuak, berriz ere, HIRI ESPARRU ZEHATZETAra joko du, hau da, kaltetuenetara:

• Kohesio soziala 4,2 milioi eurorekin;
• ekonomia eta enplegua 9,8 milioi euro baino gehiagorekin
• eta kultura 1 milioi euro baino gehiagorekin.

Guztira, 43 neurri espezifiko abiaraziko dira; Juan Mari Aburtok zehaztu duenez 2021eko lehenengo seihilekoan aplikatuko dira. Dena den, neurri batzuk eragin globalagoa izango dute urte osoan zehar luzatuko diren zerga-neurriak izango direlako edo, bestela, epe ertainean eragin positiboa izango duten sektore ekonomikoei zuzendutako ekintzak izango direlako.

BESTE EKINTZA BATZUK

Alkateak gogoratu digu ekintza horiei guztiei beste batzuk gehituko zaizkiela, eta, planean jasota egon ez arren, oso garrantzitsuak izango dira, besteak beste, GARBIKETA, MUGIKORTASUNA, ESPAZIO PUBLIKOA ETA HEZKUNTZA. 2020. urtean alor horiek guztiak landu dira, baina orain «mantendu edo indartuko dira, betiere, pandemiaren bilakaeraren arabera eta kasuan kasu ekarri ditzakeen ondorioen arabera».

Jarduketa horien adibide zehatzak dira, besteak beste, hezkuntza-ekipamenduetatik eta adinekoen egoitzetatik hurbil dauden hiri-inguruetan egoteko eremu seguruak sortzea eta ikastetxeak desinfektatzeko lanen aparteko ekintzak mantentzea alarma-egoerak aktibo jarraitzen duen bitartean.

Bilbao Aurrera 2021 Planaren neurri guzti-guztietarako printzipio orokor batzuk hartu dira abiapuntu: Malgutasuna eta egokitzeko gaitasuna aldatzen doan eta beti aurreikusi ezin den egoera batean, pandemiaren presioagatik ostalaritzarako laguntza zuzenen deialdiarekin egin zen bezala.

Baliabideetan eragin handiagoa bilatzea. Inbertsioaren eta gastuaren arteko oreka, PERTSONEN premiei erreparatuz, baina hiriarentzat estrategikoak diren inbertsioak bermatzeko ahalegina alde batera utzi gabe. DIGITALIZAZIOA, bai udalean, bai Bilboko gizarte osoari dagokionez. Beste erakunde eta hiri batzuekin lankidetzan aritzea eta parte hartuz egitea (publiko-publikoa eta publiko-pribatua).

 –NEURRIEN XEHAKAPENA–

 1.- KOHESIO SOZIALERAKO NEURRIAK: PERTSONAK (4.243.875 €)

Neurrien multzo horren bitartez, “ezkutu sozial” bat erabili nahi da krisiagatik bereziki kaltetuak izan diren eta arreta zein laguntza espezifikoa behar duten pertsona guztientzako. 2020. urtean bezala, 4 bloketan egituratuko dira neurriak:

• Diru-sarrerarik ez edukitzea
• Zaurgarritasun-egoeran dauden adinekoak
• Bazterkeria-egoeran dauden pertsonak
• Familia eta haurtzaroa

DIRU-SARRERARIK EZ EDUKITZEA:

Aldizkakoak ez diren Udal Laguntza Berezien Programa berezia. Udalaren % 100eko finantzaketarekin, diru-sarrerarik ez duten edo koronabirusagatik diru-sarrerak murriztuta dituzten baina gizarte-larrialdiko laguntzak jasotzeko betekizunak betetzen ez dituzten pertsonei lagundu nahi zaie. Pertsona horiek elikadurarako eta etxebizitzak mantentzeko oinarrizko premiei aurre egiteko prestazio ekonomiko bat jasoko dute. Aurrekontua: 425.000 €.

Horrez gain, lanean jarraituko dugu arrakala digitala txikitzeko, eta, horretarako, Bilboko wifi sarea zabalduko da auzorik periferikoenetara, irizpide soziala lehenetsiz (arrakala digital handiagoa duten auzoetan). Aurrekontua: 105.000 €.

ZAURGARRITASUN-EGOERAN DAUDEN ADINEKOAK:

Adinekoei laguntzeko udal-programaren, Urrats bat gehiago, zuzkidura ekonomikoa handituko da. (Aurrekontua: 325.000 €, iazko 150.000 euroekin alderatuta), eta Etxebizitza Komunitarioaren Funtsean lan egiten jarraituko dugu, beste ostatu bat behar duten adineko guztiei laguntza emateko, etxebizitza komunitario batean sartzeko edo bizitzeko beste zentroren batean sartzeko eskatuz, isolamendua eta mendekotasunera igarotzea prebenitzeko. Aurrekontua: 1.607.875 €, (2020. urtean 560.000 euro izan ziren).

  BAZTERKERIA-EGOERAN DAUDEN PERTSONAK:

Etxerik gabeko pertsonak hartzeko funts berezia, beste erakunde batzuekin batera sortua, etxerik gabeko pertsonei aldi baterako ostatua bermatu ahal izateko sortu da (janaria barne). Horrela, eskumena duten administrazioek aukera izango dute krisi honen ondorioz sortutako eta diagnostikatutako profilen aniztasunera egokitzen diren baliabide sozial espezifikoak sortzeko. Funts horren bidez, hiriko ostatuei laguntzeaz gain (aterpetxeak, ostatuak eta pentsioak), turismo-mugimenduen beherakadak ekarritako erreserben murrizketari aurre egiten lagunduko dio. Aurrekontua: 1.075.000 €.

FAMILIA ETA HAURTZAROA:

Bloke honetan sartu dira, besteak beste, haur eta gazteentzako begiraleekin jarduerak egitea indartzeko neurriak, bereziki, aire zabalean egitekoak. Auzoetako kirol-espazioetan egingo dira, begiraleek gidatuta: pilotalekuak, kirol-kantxak, parkeak eta gerriko berdearen ibilbideak. Aurrekontua: 100.000 €.

Horrez gain, arreta bermatuko zaie etxegabetze-arriskuan dauden familiei. Xedea da etxegabetzeen ondorioz edo pandemiaren ondorioz ziur asko etxegabetuko dituztelako etxebizitzarik gabe geratu diren familiei ostatua eta hezkuntzako zein gizarteko esku-hartzea ematea. Neurri horren bidez, ordainketei aurre egiten lagundu nahi zaie familiei, etxea utzarazi ez diezaieten. Aurrekontua: 526.000 €.

Udal-pisuetan dauden eta genero-indarkeriaren biktima diren emakume guztiei baliabide ekonomikoak bermatzea, bai eta haiekin bizi diren eta mendekotasuna duten pertsonei ere. Horren bitartez, dagoeneko existitzen diren genero-indarkeriaren biktima diren emakumeentzako programak egokitu eta indartu nahi dira, horrelakorik behar izanez gero, betiere, erakundeekin lankidetzan. Horrela, konfinamenduak larriagotu dituen eta esku-hartze psikosoziala edo gizarte eta hezkuntzako esku-hartzea behar duten familia barruko gatazkak eta babesgabetasuna hauteman eta arreta eman ahal izango da. Aurrekontua: 80.000 € (aurreko ekitaldiko 50.000 euroekin alderatuta).

Harrera-pisuetan dauden emakume guztiei laguntza ekonomikoen izapideak eta prozedurak erraztea eta zenbatekoa aurreratzea.

2.- EKONOMIAREN ETA ENPLEGUAREN ALORREKO NEURRIAK (9.839.000 €)

Kapitulu honetan, Bilbao Aurrera 2021 Planak indartzeko ekintzen sorta bat izango du, Ogasunetik zein Ekonomia, Merkataritza eta Enplegu Sustapenetik bultzatuak.

OGASUNAren kasuan, funtsean, mugikortasun-murrizketengatik zigortuen izan diren enpresei zuzendutako zerga-pizgarriak dira, hau da, udal-kutxei, guztira, 2 milioi euroko diru-sarrerak ekartzen dizkietenak:

• Lokalak irekitzeagatik eta ezartzeagatik eta jardueren eta instalazioen zerbitzuak emateagatik sortzen den tasa: % 30 murriztuko dira, betiere, tasa 2021eko urtarrilaren 1etik abenduaren 31ra sortu bada. Aurrekontua (diru-sarrera gutxiago): 42.000 €.
• Mahaiak, mahaitxoak, aulkiak, karpak, lorontziak, itzalkinak edo antzeko instalazioak erabiltzeko udal-jabari publikoaren erabilera pribatiboari eta aprobetxamendu bereziari dagokion tasa. 2021eko ekitaldiko ordainketatik salbuetsita egotea. Era berean, ordaintzetik salbuetsita egongo dira ekitaldi honetan aurreko okupazioak egiteko ematen diren lizentzia eta baimenei dagozkien tasak. Aurrekontua (diru-sarrera gutxiago): 950.000 €.
• Erakusleiho, beira-arrasa, aurrealde, olana, markesina eta errotuluekin udal-jabari bereziaren erabilera pribatiboari eta aprobetxamendu bereziari dagokion tasa. 2021eko ekitaldiari dagokion urteko kuota ordaintzetik salbuetsita egotea. Aurrekontua (diru-sarrera gutxiago): 213.000 €.
• Autotaxi lizentzia erabiltzeari dagokion tasa. 2021eko ekitaldiko ordainketatik salbuetsita egotea. Aurrekontua (diru-sarrera gutxiago): 21.000 €.
• Zaborrak biltzeko zerbitzua emateari dagokion tasa. Zaborrak biltzeko zerbitzua emateari dagokion tasa arautzen duen Ordenantza Fiskalaren 6. artikuluaren 2. tarifaren zenbatekoa % 95 murriztea 2021eko ekitaldian. 270 eguneko aldian aplikatuko zaie ostalaritza-jatetxe eta ostatuko jarduerengatik zergen tasa ordaindu behar duten zergadunei. Aurrekontua (diru-sarrera gutxiago): 783.000 €.
• Bestalde, are gehiago emango da neurrirako ordainketaren abantailen berri, zeinak ordaintzeko malgutasuna ematen duen. Horrez gain, zerga-neurri berriak jakinaraziko dira, are gehiago oraindik.

EKONOMIA ETA ENPLEGUA SUSPERTZEKO neurriak:

Hauxe da helburua: hiriko merkatari, autonomo, mikroETE eta ekintzaileei krisialdiari aurre egiteko zerbitzu espezifikoak eta laguntzak ematea, hirian kontsumo zuzena bultzatzea, hiribildua hurbileko inguruan sustatzea eta enplegua suspertzen laguntzea.

• COVID-19ari lotutako Aholkularitza Integraleko Zerbitzua, gure hiriko enpresei aholkularitza eskaintzeko leihatila bakar gisa. Behar den beste denbora luzatuko da, eta informazio-eduki digitalak garatuko dira laguntzen zein dirulaguntzen inguruko informazio orokorrarekin eta egoera kudeatzeko moduei buruzko informazioarekin. Aurrekontua: 30.000 €.
• Merkataritza-lokalen alokairua ordaintzeari buruzko hitzarmenak lortzeko bitartekaritza-zerbitzua. Aurrekontua: 10.000 €.
• Gaikuntza digitaleko, berrikuntzako, lehiakortasuna hobetzeko eta merkaturatzeko tresnak sortzeko zerbitzua saltoki, mikroETE eta autonomoentzat, eta mentoring aurreratua COVID-19ak eragindako egoeran jarduera berriz suspertzen laguntzeko. 2020. urtean garatutako neurri hori, saltoki txikiak digitalizatzeko mentoring ekintzekin indartuko da orain. Aurrekontua: 200.000 €.
• Kuotak murriztea Auzofactory eta ekintzailetzako beste udal-espazio batzuetan. % 50eko hobaria espazio horretan dauden enpresa eta ekintzaileentzako 2021eko lehenengo seihilekoko kuotetan. Aurrekontua (diru-sarrera gutxiago): 25.000 €.
• Laguntza espezifikoa MICE sektoreari (azokak, kongresuak eta hitzaldiak). Bilbao Convention Bureau-ko kide izateko kuotaren salbuespena 2021eko lehenengo seihilekoan, eta sektoreko proiektuak babesteko beste neurri batzuk aplikatzea. Aurrekontua (diru-sarrera gutxiago eta gastua sustapen-ekintzetan): 100.000 €.
• BILBOKO BONUAK: Merkataritzan, ostalaritzan eta kulturan kontsumitzea sustatzeko eta turismoa erakartzeko neurriarekin jarraituko dugu. 2020ko azken hiruhilekoan garatutako merkataritza eta kulturako bonuen esperientziak eragin handia izan du, eta horrekin jarraitu nahi da, hobekuntzak ezarriz. 2020ko ekitaldirako aurreikusitako turismo eta ostalaritzako bonuak onetsita eta teknologikoki garatuta daude jada, baina 2021eko ekitaldian zehar aktibatuko dira, helburuak guztiz bete ahal izateko, egutegiak eta ezarpena pandemiaren bilakaeraren arabera egokitzeko.

2021eko bonuen aurrekontua: guztira, 3 milioi euro

Merkataritzako bonuak:1.000.000 €.

Kulturako bonuak: 400.000 €

Ostalaritzako eta jatetxeetako bonuak: 1.000.000 €.

Turismo-bonuak: 600.000 €.

• TURISMOaren alorrean: Pandemiaren bilakaerara egokitzeko, turismo-mugimenduekin bat datozen neurriak garatuko dira, barnekoak zein nazioartekoak izan. Besteak beste: Hurbileko merkatuetan sustatzeko ekintzak, eta alderantzizko sustapena touroperadoreekin eta bidaia-antolatzaileekin. Sustapen digitala indartzea. Aurrekontua: 225.000 €.
• Merkataritzako eta OSTALARITZAKO elkarte-ehuna: Laguntza tekniko eta ekonomikoak Bilboko zona-elkarteetarako eta sektoreetako beste eragile ekonomiko batzuentzat, eusteko, kudeatzeko eta sustatzeko. Aurrekontua % 50 handitzea eremuetako merkatarien elkarteentzako eta Bizkaiko Ostalaritza Elkarteari laguntza gehiago emateko. Aurrekontua: 180.000 €.
• ENPLEGUA: 2,5 milioi euro

Enpleguko Plan Berezia COVID-19ak kaltetutako pertsonentzako. Honako neurri hauek barne hartuko ditu:

Enplegu Plana 2021-2022 (Aurrekontua: 1.000.000 €). Gazteentzako Enplegu Plana 2021-2022. (Aurrekontua: 1.000.000 €). Gizarteratzeko eta Laneratzeko Plan Berezietarako 2021-2022 laguntza, bereziki zaurgarriak diren eta egoeragatik kaltetuak izan diren kolektiboei zuzendua eta gizarte-entitateek sustatuta. (Aurrekontua: 250.000 €). Enplegua bultzatzea eta sustatze, Bizkaiko Foru Aldundiaren lankidetzan.

• Hobariak eta salbuespenak Bilboko Udal Etxebizitzen merkataritza-lokalen alokairu-kuotetan. Lehenengo seihilekoan errentamenduaren % 50eko hobaria aplikatu zaie ostalaritza-jarduerei eta turismo-sektoreko jarduerei. Aurrekontua (diru-sarrera gutxiago): 150.000 €.
• Etxebizitzak zaharberritzeko obra txikietarako laguntzen programa berezia. Adinekoentzako edo mugikortasun urriko pertsonentzako beste ildo espezifiko bat garatuko da, beren kabuz bizitzeko aukera emango dieten zaharberritze-obrak egiteko. Bi ildo horiek Bilboko barruti guztietan aplikatuko dira. Aurrekontua: 800.000 €.
• Salbuespenak eta murrizketak udal-emakiden bitartez garatzen diren jarduera ekonomikoen kanona ordaintzeko orduan. Aurrekontu zenbatetsia (diru-sarrera gutxiago): 160.000 €.
• Terrazekin espazio publikoaren okupazioa handitzeko irizpideak malgutzea. Aldi baterako eta salbuespen gisa. Terrazei espazio handiago bat edukitzeko aukera emateko irizpideak malgutuko dira, eta, horrela, lokala martxan eduki ahal izango dute normaltasunera itzultzeko emandako neurri guztiak betez. Hori guztia auzokide, oinezko eta terrazen arteko oreka bermatuta. Aurrekontua (diru-sarrera gutxiago, lehen aparkaleku arautuekin okupatzen zen espazioa orain terrazak handitzeko erabili delako): 250.000 €.
• Tokiko enpresei kontratazio publikoa eskuratzeko erraztasunak ematea. Udal-konpromisoa indartzea, klausula sozialak gehituz eta kontratuak ekonomia sozial eta solidariorako formulekin erreserbatuz, bai eta erosketa publiko berritzailea erraztu ere. Aurrekontua: 700.000 € (2021eko ekitaldi osorako).
• Horrez gain, Bilbao Aurrera Planaren neurri espezifiko bat ez bada ere, garapenerako lankidetzarako udal-konpromisoa nabarmendu behar dugu, urteko 3.098.425 euroko aurrekontuarekin. Horrek enplegua mantenduko du.

3.- KULTURAREN SEKTOREAREN NEURRIAK (1.024.000 €)

Salbuespen gisa, honako neurri hauek proposatu dira:

• Kultura-bonua (Bilboko bonuen apartatuan gehitu da, 400.000 euroko aurrekontuarekin)
• Sormen- eta kultura-proiektuen poltsa: Jarduerak zuzenak antolatuko dira eta ekimenak babestuko dira, sormen- eta kultura-industrien sektorea barne hartuta. Sormen- eta kultura-proiektuetarako poltsa bakarra proposatu du, zeina edozein motatako kultura-jardueratara eta pertsona juridikotara irekita egongo den, eraginkorragoa izan dadin. Aurrekontua: 500.000 €.
• “Artista bisualak” proiektua. Bilbao Arteren bitartez, Bilboko artista bisualen makroerakusketa bat antolatuko da, bertan, COVID-19aren eraginaren ikuspegi artistikoa eskaini dezaten. Aurrekontua: 50.000 €.
• Tokiko ikus-entzunezko ekoizpenaren sektoreari laguntzea, hiribildua sustatzeko ikus-entzunezko funts bat sortuz. Aurrekontua: 50.000 €.
• Aparteko laguntza Ekoizpen Eszenikoko Harrobia Berrikuntza Zentroari. Laguntza horri esker, arte eszenikoen tokiko konpainiek inolako kosturik gabe egin ahal izango dituzte entseguak 2021. urtean. Aurrekontua: 24.000 €.
• Programazioaren gaur egungo egitura mantentzea, tokikoa den horretan oso oinarritua, eta, beharrezkoa izanez gero, pandemiaren bilakaerara egokitu.
• Udaleko kultura-ekipamenduen konpromisoa tokiko kultura-eragileekin. Beharrezkotzat eta egingarritzat jotzen dugu Arloak zein tresna-entitateek (Arriaga Antzokia, Azkuna Zentroa, Bilbao Arte) programazioetan tokiko eragileak lehenesten jarraitu dezaten.
• Kultura bermeekin. Udaleko teknikariek (Kultura, Espazio Publikoa, Babes Zibila eta beste arlo batzuk) tokiko kultura- eta gizarte-entitateei emango diete laguntza, eta jarduerak diseinatzen lagunduko diete salbuespenezko segurtasun-berme guztiekin egin daitezen, bai espazio irekietan, bai itxietan. Horretarako, proiektu bakoitzari egokitutako protokoloak garatuko dituzte.

Neurri horiekin batera, Kultura Arloaren DIRULAGUNTZAK eskainiko zaizkie hiribilduko kultura-elkarteei, 2021eko aurrekontu orokorrean finkatuta, 885.000 euroko zenbatekoarekin.

BILBAO AURRERA 2020REN BALANTZEA

Bilbao Aurrera 2020 Planaren azken ebaluazioa egiteke badago ere, gauzatze-maila oso altua izan dela aurreratu dezakegu, bai eta garatutako ekintzek hiriko pertsonengan eta enpresetan eragin positiboa izan dutela ere. Jakin badakigu udal-jarduketak, finantza-gaitasunengatik zein eskumen-mailagatik, eragin mugatua izango duela, derrigorrean.

Egikaritze-maila hori bereziki altua izan da talka-neurri horien kasuan, batik bat gizartearen alorrean eta laguntza zuzenen kasuan edo zerga-arloari lotutako salbuespen zein hobarietan. Gainerako kasuetan, hau da, mugikortasun-murrizketengatik gehien kaltetutako sektore ekonomikoei laguntza emateari lotutako ekintzen kasuetan, egikaritze-maila ere altua izan da, baina egoera horiek eragina izan dute neurri batzuen aplikazio-erritmoan, eta eragin hori 2021. urteko lehenengo hilabeteetan ere ikusi ahal izango dugu.

Bilbao Aurrera 2020 Planaren dokumentuan, 54 neurri jaso dira 15 milioi euroko aurrekontuarekin.

• Iaz, ikus-entzunezko 202 ekoizpeni eman zitzaien arreta. Horietatik 122 grabaketa burutu ziren; hau da, 540 egunetan filmatu zen Bilbo eta Bizkaiko agertokietan COVID-19aren birusaren eragina gorabehera, sektoreak maiatzaren 10etik aurrera ekin zion berriz ere jarduerari, eta, hori horrela, 2020. urtea izan da hirian eta lurraldean filmazio-egun gehien izan dituen urtea.

• Bilbon grabatutako El Hoyo film luzeari esker 2020. urtean nazioartean izandako ospe handia nabarmendu behar da. Filma Netflix plataformaren bitartez zabaldu da, eta bistaratze gehien izan dituen lanetako bat izan da Ameriketako Estatu Batuetan, Txinan, Frantzian, Mexikon, Ekuadorren, Israelen, Brasilen, Saudi Arabian, Hondurasen, Perun, Venezuelan, Kolonbian eta Espainian.

• Iaz, halaber, Bilbo eta Bizkaiko agertokietan grabatutako film luzeak estreinatu ziren zinemetan, eta oso entzutetsuak izan ziren. Besteak beste, honako hauek: El doble más quince, Una ventana al mar, Akelarre eta Baby. Gainera, ikus-entzunezko plataformetako estreinaldiak egon ziren: La línea invisible eta Caminantes.

• COVID-19ak ekarritako pandemiaren eraginaren ondorioz, 25 ekoizpen bertan behera geratu dira eta beste 14 atzeratu dira; alabaina, hala ere, ikus-entzunezko materialen kontsumoa sustatu du, eta ikusle berriak ekarri ditu, bereziki, streaming bidezko plataformen kasuan, zeinak gakoak izan diren ikus-entzunezko sektorea suspertzeko orduan.

Iaz, 2020. urtean, zinematografia eta ikus-entzunezko industria ere COVID-19ak eragindako pandemiaren testuingurura egokitu behar izan da. Arreta jaso zuten 202 ekoizpenetatik, guztira, 122 ekoizpenek hautatu zituzten Bilbo eta Bizkaia grabaketa-lanak gauzatzeko agertoki seguru gisa. Bestalde, Bilbon eta Bizkaian egindako ekoizpen guztien artean, guztira, 540 egunetan egin ziren grabaketa-lanak.

Bilboko Udalak eta Bizkaiko Foru Aldundiak 2015. urtean sortu zuten Bilbao Bizkaia Film Commision. Doako zerbitzu publiko bat da, eta grabaketak erakartzea, kudeatzea eta laguntza ematea du xede. Guztira, 1.062 grabaketari eman diete arreta, eta ikus-entzunezko 688 proiektu egikaritu dira.

Bilbao Bizkaia Film Commission-en jarduera-balantzearen balorazioari dagokionez, oso positiboa izan da 2020. urtean, bai hiriak eta lurraldeak salbuespenezko egoera honetan ikus-entzunezko ekoizpenen sektorean lortutako garrantzi eta ospeagatik, bai film luze batzuen kalitate onagatik eta nazioartean izan duten oihartzunagatik: El Hoyo, Una ventana al mar, Akelarre…

COVID-19 birusa gorabehera, ekoizpen-kopuru handi batekin amaitu da 2020ko ekitaldia, eta grabaketa-egun gehien izan dituen urtea izan da.

Pandemiak markatutako urtea

Bilbao Bizkaia Film Commission-ek egindako lanaren bilakaerari zifretan begiratzen badiogu, ikusiko dugu 2018. urtean 201 ekoizpeni eman zitzaiela arreta, 2019. urtean 229ri eta iaz 202ri. Azkenean burutu diren ikus-entzunezko proiektuei dagokionez, 2018. urtean 128 izan ziren, 2019. urtean 152 eta iaz 122. COVID-19ak 2020. urtea bereziki kolpatu duelako lortu dira datu horiek; izan ere, bi hilabete baino gehiagoz eten behar izan zen jarduera, eta, horren ondorioz, 25 ekoizpen bertan behera geratu ziren eta 14 atzeratu behar izan ziren.

Hala eta guztiz ere, ikus-entzunezko edukien eskariak globalki gora egitea eragin du inguruabar horrek, plataforma digitalek arrakasta handia izan baitute, ikus-entzunezko kontsumoak markak hautsi dituen urte honetan, zeinetan ikusle berriek gora egin duten. Testuinguru horretan, zinematografia eta ikus-entzunezko sektorea arin suspertzea aurreikusi da.

Zenbakietan

Bilbao Bizkaia Film Commission-ek, iaz, 2020. urtean, 202 ekoizpeni eman zien arreta, eta horietatik 122 proiektu zehatzak izatera iritsi ziren. Horietatik, 32 publizitate-iragarkiak izan ziren, 23 telebista-programak, 19 film laburrak, 12 bideoklipak, 15 dokumentalak, 4 sailak, 6 film luzeak eta 4 websailak.

Jatorriari erreparatzen badiogu, ikusiko dugu 72 Euskadikoak zirela, 36 estatuko beste leku batzuetakoak eta 14 nazioartekoak.

Arreta jaso duten ikus-entzunezko ekoizpenak: 202*

Euskadi: 90/ Estatua: 76/ Nazioartea: 36

Publizitate-iragarkiak: 55
Telebista-programak:33
Film luzeak:20
Film laburrak:31
Bideoklipak:20
Dokumentalak:17
Websailak: 4
Argazki-saioak: 10
Telesailak: 12
(*) Nahiz eta arreta aurten jaso, horrek ez du esan nahi grabaketak ere aurten egingo direnik.

Grabatu diren ikus-entzunezko ekoizpenak: 122*

Euskadi: 72/ Estatua: 36/ Nazioartea: 14

Publizitate-iragarkiak: 32
Telebista-programak: 23
Film laburrak: 19
Bideoklipak: 12
Dokumentalak:15
Film luzeak:6
Websailak:4
Argazki-saioak:7
Telesailak:4
(*) Nahiz eta grabaketak aurten egin, horrek ez du esan nahi arreta aurten jaso dutenik. Hasierako harremana eta arreta grabaketa egin baino lehenago gertatzen dira, hilabete asko lehenago eta, batzuetan, urte asko lehenago.

El Hoyo, nazioarteko arrakasta

Filmak nazioartean izandako ospea nabarmendu behar da. Bilboko Zorrotza auzoan grabatu zen, eta Galder Gaztelu-Urrutiak zuzen du, Basque Films-en ekoizpenarekin: El Hoyo.

Film luze horri esker, gure ikus-entzunezko industriaren gaitasun profesionala nabarmendu da mundu osoan, tokian-tokian garatzen den talentua, zeinak istorio unibertsalak sortzeko gaitasuna duen, bai eta Bilbon eta Bizkaian sektore publiko eta pribatuaren arteko tokiko lankidetzaren sendotasuna ere.

El Hoyo 2020. urtean eskaini zen Netflix plataformaren bitartez, eta plataforman bistaratzeen lehenengo lekua lortu zuen Ameriketako Estatu Batuetan, Txinan, Frantzian, Mexikon, Ekuadorren, Israelen, Brasilen, Saudi Arabian, Hondurasen, Perun, Venezuelan, Kolonbian eta Espainian. Munduan, Netflixen gehien ikusitako 10 film luzeen sailkapenean sartu zen.

2020. urtean, halaber, Bilbo eta Bizkaian grabatutako film luzeak estreinatu ziren zinemetan, eta oso entzutetsuak izan ziren. Besteak beste, honako hauek: El doble más quince, Una ventana al mar, Akelarre eta Baby. Gainera, ikus-entzunezko plataformetako estreinaldiak egon ziren: La línea invisible eta Caminantes.

Bilbon eta bizkaian grabatutako film luzeak

Bilbo eta Bizkaia, iaz, film luze garrantzitsuak grabatzeko agertokiak izan ziren, besteak beste:

• Interrail, Fernando García Ruizek zuzendua eta Bilbo, Getxo, Gorliz, Plentzia, Bermeo, Etxebarria eta Lekeition filmatua. Aktoreen zerrendan ospe handiko aktoreak daude, hala nola Arturo Valls, Ernesto Sevilla, Julián López, Dafne Fernandez eta Ana Millán.
• García y García, Ana Murugarrenen zuzendaritzapean. Agertoki hauetan grabatu zen: Irala auzoa, Indautxu, Bilboko itsasadarra, Iberdrola Dorrea eta Bilboko aireportua. José Mota eta Pepe Viyuela aktoreek hartu dute parte, besteak beste.
• Ilargi guztiak. Igor Legarretak zuzendutako filma da, eta Orozko (Gorbeiako Parke Naturala), Galdames eta Erandion filmatu da. Besteak beste, hauexek daude aktoreen zerrendan: Itziar Ituño, Haizea Carneros, Josean Bengoetxea, Lier Quesada, Zorion Eguileor eta Elena Uriz.

Bilbo eta bizkaian grabatutako telesailak

Telesailak dira jarraitzaile gehien dituen ikus-entzunezko produktuetako bat, eta sektore horrentzat ere hiria eta lurraldea egokia da grabaketak egiteko. Iaz, lau sail grabatu ziren oso-osorik Bilbon eta Bizkaian:

• El Internado, Amazon Prime-na; ekoiztetxea: Atresmedia / Globomedia / Amazon Prime Video, Bilbaina Sozietatean grabatua.
• Alardea. ETBren saila bat da, lau kapitulukoa. David P. Sañudo da zuzendaria, eta Urduña, Bilbo eta Gueñesen grabatu da. Itziar Ituño, Carmen Climent, Klara Badiola eta Kandido Urangak parte hartu dute, besteak beste.
• Ondar ahoak. ETBk ekoitzitako lau kapituluko beste sail bat. Koldo Almandoz da zuzendaria, eta Ondarroa, Lekeitio eta Bilbon grabatu da. Nagore Aranburu eta Eneko Sagardoy dira protagonistak.
• Bestalde, Etxekoak lana dugu, Jabi Elortegik zuzendua eta Pausokak eta ETBk ekoitzia. Urdaibaiko agertokietan grabatu zen.

Publitzitate-iragarkiak eta bideoklipak

Mundu osoan arrakasta duten merkataritza-marka handiek ere Bilbao-Bizkaiaren aldeko apustua egin dute iragarkiak grabatzeko. Horri esker, hiriaren eta lurraldearen irudiak nazioartean proiektatuko dira, eta aurkezpen-gutun paregabea izango da mundu osoko ikus-entzunezko ekoiztetxeentzat.

Aurreko ekitaldian, BANKIA, SUBARU, SEAT eta ORBEA merkataritza-marka garrantzitsuek iragarkiak filmatu zituzten Bilbon eta Bizkaian, bai eta TYSKIE, EROSKI, SAUNIER DUVAL, WALLAPOP edo DÉCIMAS markek ere.

Musika-bideoklipei dagokienez, Bilbon eta Bizkaian grabatutako honako talde hauenak azpimarratu behar dira: La Oreja de Van Gogh (Youtube-n 4.600.000 bisita hiru hilabetean), Chris Viz (Yotuben 660.000 bisita hilabete bakarrean), Omago eta Iker Lauroba.

Webgunea, erakartzeko eta kokatzeko tresna

Bilbao Bizkaia Film Commission zerbitzuaren webgunea grabaketak erakartzeko eta euskal merkatuan, estatukoan eta nazioartean kokatzeko tresnarik garrantzitsuenetako bat izaten ari da. Profesionalei zuzenduta dago, eta iaz 7.196 saio baino gehiagotan erabili zuten 5.287 erabiltzailek. Bisita bakoitzak, batez beste, sei minutu eta berrogeita zazpi segundo iraun zuen. Mila saio ingurutan ingelesezko bertsioa erabili zuten; hortaz, ondoriozta dezakegu mundu osoko profesionalek izan dutela sareko zerbitzuak kontsultatzeko interesa.

Bilbao Bizkaia Film Commission, zerbitzu publiko bat

2020. urtean Bilbo eta Bizkaia grabaketa-lanak egiteko agertoki seguru gisa finkatu dira Bilbao Bizkaia Film Commission zerbitzuaren bitartez. Bilboko Udalak eta Bizkaiko Foru Aldundiak sustatzen duten doako zerbitzu publikoa da, eta grabaketa berriak erakartzea, kudeatzea eta laguntza ematea du xede.

Bilbao Bizkaia Film Commission 2015. urtean sortu zen, Bilboko Udalak eta Bizkaiko Foru Aldundiak sustatuta. Zerbitzuaren xedea da laguntza egonkor eta pertsonalizatua eskaintzea esparru guzti hauetan: ekoizpen-faseak, lokalizazioa, zerbitzu profesionalak, administrazio-kudeaketak, ekoizpen-espazioak, ostatuak eta logistika, bai eta erakundeen laguntza eta konfiantza, segurtasun juridikoa eta zerga-pizgarriak ere.

Bilbao Bizkaia Film Commission-en lankidetza publiko-pribatuari esker gauza daiteke; izan ere, bitartekari-lanak egiten ditu ekoiztetxeen eta eragile pribatu zein erakunde publikoen artean. Lankidetza ezinbestekoa da Bilbon eta Bizkaian grabaketen industria sortzeko prozesuan aurrera egiteko.

Bilbao-Bizkaia European Film Commission Network sareko kide da 2017. urtetik. Guztira, 90 film commission baino gehiago ordezkatzen ditu, eta Europako Batzordearen laguntza dauka. Gainera, Association of Film Commissioners International (AFCI) elkarteko kidea da.