Ekonomia zirkularrerako bidea hastea ezinbestekoa da hiriaren sustapen ekonomikoaren etorkizun jasangarriago eta erresilienteago baten oinarriak ezartzen laguntzeko. Hori dela eta, Bilbao Ekintzaren Ekonomia Zirkularraren Ibilbide Orria garatzea eta martxan jartzea erabaki dugu, gure erakundearentzat eta, oro har, gizartearentzat duen garrantzi estrategikoa aitortuta.
Ibilbide-orria funtsezko hiru jarduera-arloren inguruan antolatzen da: ezagutza sortzea, hiriaren posizionamendua eta kudeaketa-jardunbide egokiak. Trebakuntza-programen, aholkularitza teknikoaren, sentsibilizazio-kanpainen eta berrikuntza-proiektuen bidez, tokiko eragileei praktika zirkularrak egiteko behar dituzten tresnak eman nahi dizkiegu. Gainera, Bilbok ekonomia zirkularrean erreferente gisa duen nortasuna indartzen dugu, nazioarteko sareetan parte hartuz eta beste eragile global batzuekiko lankidetza sustatuz.
Plan honek Bilbao Ekintzaren kudeaketaren barruan ekimen espezifikoak ezartzea ere barne hartzen du, baliabideak optimizatuz eta ingurumen-inpaktua minimizatuz. Ekitaldiak antolatzeko eta barne-kudeaketarako jardunbide zirkularrak erabiltzeak agerian uzten du etorkizun iraunkorrago eta erresilienteago batekiko dugun konpromisoa.
