Erronka berriak nahi dituen diseinatzaile bat zara? Irailaren 18ra arte beste aukera bat daukazu 5X5® BILBAO programan parte hartzeko
Bilbao Ekintzak, Designregio Kortrijk erakunde flamenkoarekin batera eta EIDE–Euskal Herriko Diseinatzaileen Elkartearekin elkarlanean, deialdia ireki du berriro, oraingoan diseinuaren arloko Bilboko bi profesional aukeratzeko, bi euskal enpresak planteatutako erronkei erantzun diezaieten.5X5® BILBAO programari esker, diseinuko 5 profesionalek, Bilboko 3k eta Kortrijk-eko 2k, 5 euskal enpresari lagunduko diete urtebetez produktu edo zerbitzu baten garapenean edo birdiseinuan, diseinuaren metodologiak erabiliz, 2025eko udazkenean erakusketa batean aurkeztuko den prototipo bat garatzeko helburuarekin.
ZEIN ERRONKARI ERANTZUNGO ZAIO?
- 1. Erronka: Produktu berri bat diseinatzea, akuikulturaren sektoreko konponbide teknologiko berritzaile batetik abiatuta. Konponbidearen ekoizpen industrialerako nahiz hura merkatu profesionalean merkaturatzeko beharrezkoak diren osagai eta prozesuak zehaztea.
- 2. Erronka: Garbiketa profesionaleko produktu-ildo berri baterako marka eta packaginga birdiseinatzea. Jasangarritasunaren eremuan, kokapena edo posizionamendua hobetzea, enbalaje-mota berri bat (packaging) eta merkaturatzeko estrategia egokia erabiliz.
Horrez gain, beste hirugarren erronka izango da, hautagaitzak aurkezteko epea uztailaren 29an amaitu zena, eta Kortrijk-eko diseinuko bi profesionalek beste bi erronkari erantzungo diete.
NORK HAR DEZAKE PARTE?
Edozein diseinuko profesionalek edo diseinu-estudiok (autonomoak, enpresa txiki edo ertainak), baldin eta helbide soziala edo gutxienez lantoki bat Bilbon badu eta gutxienez 5 urteko esperientzia badu.
Beherago, uztailean argitaratutako deialdiaren testu osoa aurkituko duzu, baita deialdi hori aldatzen duen ebazpena eta parte hartzeko formularioa ere.
ZER ONURA LOR DITZAKEZU?
- Enpresa eta/edo sektore berriekin harremana
- Ikusgarritasuna eta hedapena
- 000 euroko kontraprestazio ekonomikoa (BEZa barne)
NOLA HAR DEZAKEZU PARTE?
Zure hautagaitza aurkeztu nahi baduzu, bidal iezaguzu mezu elektroniko honetara sectores@bilbaoekintza.bilbao.eus
- Motibazio-gutuna
- Zure Curriculum Vitae-a,
- Erronkatik hurbilen dauden 5 lanen portfolioa
- Eskabidearen eranskina eta erantzukizunpeko adierazpena beteta
2024ko irailaren 18ko 11:00ak arteko epea duzu zure hautagaitza aurkezteko
ZALANTZAREN BAT DUZU?
Idatz iezaguzu sector@bilbaoekintza.bilbao.eus helbidera.
Programa hau Kortrijken eta Bilboren arteko lankidetzaren emaitza da, Unescoren Hiri Sortzaileen Sarearen esparruan. Bi hiriak sare horretako kide dira, Diseinu kategorian.
INFORMAZIO GEHIAGO
Parte hartzeko inprimakia: DEIALDIA: 5×5 Programa Baldintzak eta Kondizioak
Deialdiaren testua: ERANSKINA: Eskabide-Formularioa eta Erantzukizunpeko Deklarazioa
Ebazpena: Bilbao 5X5 Programaren deialdiko aldaketaren ebazpena